UMatewu 27:1 - iBhayibhili Elingcwele 1978

¹ Kwathi sekusile, bonke abapristi abakhulu labadala babantu bacebisana ngoJesu ukuba bambulale;

IBhayibhili Elingcwele LesiNdebele

¹ Ekuseni ngovivi bonke abaphristi abakhulu labadala babantu benza isinqumo sokumbulala uJesu.

UMatewu 27:1 Referans Kwoze

UMakho 15:1

Kwathi masinyane ekuseni abapristi abakhulu labadala lababhali lomphakathi wonke benza icebo, bambopha uJesu, bamqhuba, bamnikela kuPilatu.

UJohane 18:28

Basebemkhupha uJesu kuKayafasi, bamusa endlini yombusi; kwakusekuseni. Kodwa kabangenanga bona endlini yombusi ukuze bangangcoli, kodwa babe lokudla iPhasika.

ULukha 22:66

Kwathi sekusile, kwabuthana umhlangano wabadala babantu labapristi abakhulu lababhali, bamusa emphakathini wabo,

UMikha 2:1

Maye kulabo abenza amacebo obubi, benze okubi emibhedeni yabo! Lapho sekusile bazakwenza, ngoba balamandla okukwenza.

AmaHubo 2:2

Amakhosi omhlaba azimisele, lababusi bahlanganisa icebo lokuba balwe leNkosi logcotshiweyo wayo, besithi:

UMatewu 23:13

Maye kini babhali labaFarisi, bazenzisi! ngoba livalela abantu umbuso wezulu. Ngoba kalingeni lina, labangenayo kalibavumeli ukuba bangene.

Imisebenzi 5:21

Kwathi sebezwile lokhu, bangena ethempelini emadabukakusa, bafundisa. Kwasekufika umpristi omkhulu lalabo ababelaye, babizela ndawonye umphakathi wabo bonke abadala bakoIsrayeli, bathumela entolongweni ukuba balethwe.

1 USamuyeli 19:11

Ngalobobusuku uSawuli wathuma izithunywa endlini kaDavida ukuba zimqaphele, ukuze ambulale ekuseni. Kodwa uMikhali umkaDavida wamxwayisa wathi: Uba ungabaleki ngalobubusuku, uzabulawa kusasa.

Abahluleli 16:2

Kwabikwa kwabaseGaza ukuthi: USamsoni ufikile lapha. Bayizingelezela leyondawo, bamcathamela ubusuku bonke esangweni lomuzi. Bathula ubusuku bonke besithi: Asilinde kuze kuse, ng’khonake sizambulala.

AmaHubo 31:13

Inxa zonke ngifikelwa yikwesaba, lapho ngisizwa ukunyenyeza kwabanengi, besenza icebo ngami, beqonde ukungibulala.

AmaHubo 71:10

Ngoba izitha zami zikhuluma ngami, abazingela ukuphila kwami bayacebisana

ULukha 13:1

Ngalesosikhathi kwaba khona abathile abamtshela ngabaseGalili igazi labo uPilatu alixubanisa lemihlatshelo yabo.