UMatewu 26:56 - iBhayibhili Elingcwele 1978

⁵⁶ Kodwa konke lokhu kwenzakele ukuba kugcwaliseke imibhalo yabaprofethi. Basebemtshiya bonke abafundi, babaleka.

IBhayibhili Elingcwele LesiNdebele

⁵⁶ Kodwa lokhu kwenzeke ukuze kugcwaliseke imibhalo yabaphrofethi.” Khonapho abafundi bonke bamtshiya babaleka.

UMatewu 26:56 Referans Kwoze

UZakhariya 13:7

Vuka, mkhonto, uvukele umalusi wami, uvukele umuntu ongumngane wami, kutsho iNkosi yamabandla. Tshaya umalusi ukuba izimvu zichitheke; ngizaphendulela isandla sami kwezincinyane.

UJohane 16:32

Khangelani, isikhathi siyeza, yebo, sesifikile sokuba lihlakazeke, ilowo lalowo aye kibo, lingitshiye ngingedwa; kanti kangingedwa, ngoba uBaba ulami.

UMatewu 26:31

UJesu wasesithi kibo: Lina lonke lizakukhubeka ngami ngalobubusuku, ngoba kulotshiwe ukuthi: Ngizakutshaya umalusi, izimvu zomhlambi zichitheke.

UMatewu 26:54

Pho, ingagcwaliseka kanjani imibhalo ethi kumele ukuba kube njalo na?

2 uTimothi 4:16

Ekuziphenduleleni kwami kwakuqala kwakungekho muntu owangimelayo; bonke bangihlamuka. Kakungabalelwa kibo lokho.

Imisebenzi 1:16

Bazalwane, kwakumele ukuba umbhalo ugcwaliseke owakhulunywa ngaphambili nguMoya oNgcwele ngomlomo kaDavida mayelana loJudasi owayengumholi walabo abambambayo uJesu,

UMatewu 26:24

INdodana yomuntu ihamba njengokulotshiweyo ngayo, kodwa maye kulowomuntu enikelwa nguye iNdodana yomuntu! Bekungangcono aluba wayengazalwanga lowomuntu.

Izililo 4:20

Ogcotshiweyo weNkosi, umoya wokuphila kwethu, wabanjwa emigodini yabo, yena esasithi ngaye: Ngaphansi komthunzi wakhe siyahlala phakathi kwezizwe.

UDanyeli 9:26

Emva kwamaviki angamatshumi ayisithupha lambili ogcotshiweyo uzabulawa, lanxa engelacala, umuzi lendawo engcwele kuchithwe yimpi yombusi ohlaselayo; ukuphela kufike njengokwesikhukhula, kulethe ukulwa lokuchitheka okumisiweyo.

Imisebenzi 2:23

yena lo, esenikelwe ngecebo elimisiweyo langokwazi okuphambili kukaNkulunkulu, lambethela lina ngezandla zabangelamthetho, lambulala;

UDanyeli 9:24

Amaviki angamatshumi ayisikhombisa uNkulunkulu uwamisele abantu bakini lomuzi wakini ongcwele ukuba kuphele ukwenza okubi lezono, emva kwalokhu kuthethelelwe izono, kuqiniswe ukulunga okungapheliyo, kuze kugcwaliseke umbono lesiprofethi, kuhlanjululwe lendawo engcwele kakhulu.

U-Isaya 44:26

ogcwalisa ilizwi lenceku zakhe, aphumelelise amacebo ezigijimi zakhe, othi ngeJerusalema: Lizakuba labantu futhi; langemizi yakoJuda: Izakwakhiwa futhi, ngizavusa amanxiwa abo;

UGenesisi 3:15

Ngizavusa inzondano phakathi kwakho lowesifazana, laphakathi kwenzalo yakho lenzalo yakhe. Yona izachoboza ikhanda lakho, wena uzalimaza isithende sayo.

UMatewu 21:42

UJesu wathi kibo: Kalifundanga yini emibhalweni ukuthi: Ilitshe elaliwayo ngabakhi yilo eseliyinhloko yengonsi; lokhu kwenziwe yiNkosi; kuyamangalisa emehlweni ethu?