UMatewu 26:39 - iBhayibhili Elingcwele 1978

³⁹ Waqhubeka ingcosana, wawa phansi ngobuso bakhe, wakhuleka wathi: Baba, uba kungenzeka, kakudlule kimi linkezo; kodwa kungabi njengokuba ngithanda mina, kodwa njengokuba uthanda wena.

IBhayibhili Elingcwele LesiNdebele

³⁹ Wahamba ibanganyana, wazilahla phansi wathi mbo ngobuso wakhuleka wathi, “Baba, nxa kungenzeka, sengathi inkezo le ingasuswa kimi. Kodwa akungabi yintando yami, kodwa kube yintando yakho.”

UMatewu 26:39 Referans Kwoze

UJohane 6:38

Ngoba ngehlile ezulwini kungasukuba ngenze intando yami, kodwa ngenze intando yalowo ongithumileyo.

AbaseFiliphi 2:8

Wathi esebuntwini, wazithoba, walalela uNkulunkulu kwaze kwaba sekufeni, yebo, ekufeni esiphambanweni.

UMatewu 26:42

Wabuya wasuka ngokwesibili, wakhuleka wathi: Baba, uba inkezo le ingedlule kimi ngingayinathanga, kayenziwe intando yakho.

AmaHebheru 5:7

Ensukwini zokuphila kwakhe uJesu wakhuleka, enxusa ngokukhala okukhulu langezinyembezi kuye olamandla okumkhulula ekufeni; wezwiwa ngenxa yokwesaba kwakhe uNkulunkulu.

UJohane 5:30

Mina ngingenze lutho ngokwami; ngithonisisa njengokuzwa kwami; ukuthonisisa kwami kulungile, ngoba kangifuni intando yami kodwa ngifuna intando yalowo ongithumileyo.

UJohane 14:31

kodwa lokhu kwenzelwe ukuba umhlaba wazi ukuthi ngiyamthanda uBaba lokuthi ngenza njengokuba uBaba engilayile. Sukumani sisuke lapha.

UJohane 18:11

UJesu wathi kuPetro: Buyisela umhedla wakho esikhwameni sawo. Kanti kangiyikunatha inkezo uBaba anginike yona na?

UJohane 11:41

Balisusake ilitshe. Khona uJesu waphakamisa amehlo akhe, wathi: Baba, ngiyakubonga ngoba ungizwile.

UMatewu 20:22

Kodwa uJesu waphendula wathi: Kalikwazi elikucelayo. Linganatha yini inkezo engizakuyinatha na? Bathi kuye: Singakwenza.

AmaNani 16:22

Bathi mbo ngobuso phansi bathi: Nkulunkulu, Nkulunkulu wemimoya yakho konke okuphilayo, uzathukuthelela ibandla lonke ngenxa yokona komuntu munye na?

UMatewu 24:24

Ngoba kuzakuvela okristu bamanga labaprofethi bamanga, benze izibonakaliso ezinkulu lezimangaliso, ukuze kuthi nxa kungenzeka baduhise labakhethiweyo.

UHezekhiyeli 1:28

Ukukhanya lokho okuvuthayo kwakunjengomchilo‐wamakhosikazi emayezini lapho izulu lisina; kunjengokubonakala kobukhosi beNkosi. Lapho ngibona lokho, ngathi mbo ngobuso phansi, ngezwa ilizwi likhuluma lami.

2 USamuyeli 15:26

Kodwa uba isithi: Kangithokozi ngawe; nanku ngikhona, kayenze kimi ekubona kufanele.

AmaNani 14:5

UMose loAroni bathi mbo ngobuso phansi phambi kwalo lonke ibandla labakoIsrayeli.

Isambulo 19:10

Ngasengiziwisela phansi ngasenyaweni zaso ukusikhonza. Kodwa sathi kimi: Musa ukwenza lokhu; lami ngiyinceku kanye lawe labazalwane bakho abafakazela uJesu. Dumisa uNkulunkulu. Labo abafakazela uJesu baloMoya njengabaprofethi.

1 ImiLando 21:16

UDavida waphakamisa amehlo akhe, wabona isithunywa seNkosi simi phezulu emoyeni siphethe umhedla, siwelulele phezu kweJerusalema. UDavida labadala bathi mbo ngobuso phansi begqoke izambatho zokulila.

UGenesisi 17:3

UAbrama wawa ngobuso, uNkulunkulu wakhuluma laye,

Imisebenzi 10:25

Kwathi ukuba uPetro angene, uKorneliya wamhlangabeza, wawela phansi ngasenyaweni zakhe, wamkhonza.

ULukha 17:16

wawa ngobuso ngasenyaweni zikaJesu ebonga; wayengumSamariya.

UMakho 13:22

Kuzavela okristu bamanga labaprofethi bamanga, benze izibonakaliso lezimangaliso, ukuze kuthi nxa kungenzeka baduhise abakhethiweyo.

U-Isaya 50:5

INkosi uNkulunkulu iyivulile indlebe yami, lami kangihlamukanga, kangibuyelanga emuva.

U-Isaya 53:12

Ngakhoke ngizayabela kanye labakhulu, yahlukaniselane impango labalamandla; ngoba yazinikela ekufeni, yabalwa kanye lezoni; yathwala izono zabanengi, yakhulekela izoni.

UJohane 5:19

Wasesithi kibo: Ngiqinisile, ngiqinisile ngithi kini: INdodana ingenze lutho ngokwayo, kodwa kuphela lokho ebona uYise ekwenza, ngoba lokhu akwenzayo leNdodana iyakwenza njalo.