UMatewu 26:29 - iBhayibhili Elingcwele 1978

²⁹ Ngithi kini: Kusukela khathesi kangiyikunatha lesisithelo sevini kuze kufike lolosuku lapho ngizakusinatha lani sisitsha embusweni kaBaba.

IBhayibhili Elingcwele LesiNdebele

²⁹ Ngiyalitshela, angisayikuphinda nginathe okwesithelo sevini, kusukela manje kuze kube yilolosuku lapho engizakunatha khona kabutsha lani embusweni kaBaba.”

UMatewu 26:29 Referans Kwoze

Isambulo 7:17

ngoba iWundlu elingaphakathi kwesihlalo sobukhosi lizakuba ngumalusi wabo, libaholele emithonjeni yamanzi okuphila; loNkulunkulu uzakwesula inyembezi zonke emehlweni abo.

AmaHebheru 12:2

sikhangele kuJesu, umqalisi lomphelelisi wokukholwa kwethu, owathi endaweni yentokozo ayimiselweyo wathwala isiphambano engalinanzi ihlazo, wahlala ngakwesokunene sesihlalo sobukhosi sikaNkulunkulu.

UMakho 14:25

Ngiqinisile ngithi kini: Kangisayikunatha futhi okwesithelo sevini, kuze kube yilolosuku engizakusinatha ngalo sisitsha embusweni kaNkulunkulu.

AmaHubo 40:3

Yafaka ingoma entsha emlonyeni wami, ingoma yokubonga uNkulunkulu wami. Abanengi bazakukubona besabe, bayithembe iNkosi.

Imisebenzi 10:41

kungesikho kubo bonke abantu kodwa kithi esasikhethwe ngaphambili nguNkulunkulu ukuba ngofakazi, thina esadla sanatha kanye laye emva kokuvuka kwakhe kwabafileyo.

UJohane 17:13

Sengisiza kuwe khathesi; lezizinto ngizikhuluma emhlabeni ukuba babe lokuthokoza kwami, kugcwale kibo.

UMatewu 13:43

Kung’khonake abalungileyo bazakukhanya njengelanga embusweni kaYise wabo. Olendlebe akezwe.

Isambulo 14:3

Bahlabela ingoma entsha phambi kwesihlalo sobukhosi laphambi kwezidalwa ezine eziphilayo laphambi kwabadala. Kakho olamandla okuyifunda leyongoma, kuphela abayizinkulungwane ezilikhulu lamatshumi amane lane abahlengiweyo emhlabeni.

ULukha 15:32

Bekufanele ukuba sijabule, sithokoze, ngoba umnawakho lo owayefile usebuye wasila; wayelahlekile, usefunyenwe.

ULukha 12:32

Lingesabi, mhlambi omncinyane; ngoba kuyikuthanda kukaYihlo ukulinika umbuso.

U-Isaya 53:11

Lapho ukuhlupheka kwayo sekuphelile, izakubona ukukhanya, yaneliswe; ngokwazi kwayo inceku yami elungileyo izalungisisa abanengi, ithwale izono zabo.

UJohane 15:11

Lezizinto ngizikhulume kini, ukuze ukuthokoza kwami kube kini lokuze ukuthokoza kwenu kugcwale.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

UMatewu 18:20

Ngoba lapho ababili ingabe abathathu babuthene khona ebizweni lami, ngikhona lapho phakathi kwabo.

UMatewu 16:28

Ngiqinisile ngithi kini: Bakhona abanye kwabemiyo lapha abangayikuzwa ukufa baze bayibone iNdodana yomuntu isiza embusweni wayo.

UZakhariya 9:17

Yeka ubuhle balo lokubukeka kwalo! Amabele azakhulisa izinsizwa, lewayini elitsha likhulise izintombi.

UZefaniya 3:17

INkosi uNkulunkulu wakho iphakathi kwakho, injengeqhawe elinqobayo; izajabula ngawe ngentokozo, ikuvuselele ngothando lwayo, ithabe ngawe ngokuhlabelela

AmaHubo 104:15

lewayini elithokozisa inhliziyo, lamagcobo ajabulisayo, lesinkwa sokumqinisa.

AmaHubo 4:7

Ungithokozisile enhliziyweni yami ukwedlula ukuthokoza kwabo lapho betshaye inala yabo yamabele lewayini.

UJohane 16:22

Lanike lilosizi khathesi, kodwa ngizakubuya ngilibone, inhliziyo zenu zithokoze; kakho ongalamuka intokozo yenu.

UMatewu 25:34

Kung’khonake iNkosi izakuthi kibo abangakwesokunene sayo: Wozani lina elibusisiweyo nguBaba, lidle ilifa lombuso eliwulungiselweyo kusukela ekudatshulweni komhlaba.

U-Isaya 25:6

Kulintaba iZiyone iNkosi yamabandla izakwenzela abantu bonke idili elilokudla okumnandi, idili elilewayini elihle elicengekileyo, lelilezibondlo ezimnandi.

Ingoma 5:1

Sengingena esivandeni sami, dadewethu lomlobokazi wami, ngiyabutha imure yami lamakha ami, ngidle inyosi zami loluju lwami, nginathe iwayini lami lochago lwami. Dlanini, bangane bami, linathe, lize lidakwe luthando.

UMatewu 26:28

ngoba lokhu kuligazi lami lesivumelwano elichithelwa abanengi ukuthethelelwa kwezono.

UMatewu 26:30

Kwathi sebehlabele ingoma baphuma baya entabeni ethiwa iOliveti.