UMatewu 26:14 - iBhayibhili Elingcwele 1978

¹⁴ Omunye wabalitshumi lambili othiwa nguJudasi Iskariyothi waya kubapristi abakhulu,

IBhayibhili Elingcwele LesiNdebele

¹⁴ Kwathi omunye wabalitshumi lambili, lowo owayethiwa nguJudasi Iskariyothi, waya kubaphristi abakhulu

UMatewu 26:14 Referans Kwoze

UMatewu 10:4

loSimoni umKanani, loJudasi Iskariyothi owamnikelayo.

Imisebenzi 1:16

Bazalwane, kwakumele ukuba umbhalo ugcwaliseke owakhulunywa ngaphambili nguMoya oNgcwele ngomlomo kaDavida mayelana loJudasi owayengumholi walabo abambambayo uJesu,

UJohane 13:30

Wathi eselwamukele ucezu waphuma masinyane; kwakusebusuku.

UJohane 13:2

Sekudliwa, uSathane esekufakile enhliziyweni kaJudasi Iskariyothi, indodana kaSimoni, ukuba amnikele,

UMatewu 27:3

Kwathi uJudasi owamnikelayo, esebonile ukuthi ulahliwe, wazisola, wabuyisela inhlamvu zesiliva ezingamatshumi amathathu kubapristi abakhulu labadala,

UMatewu 26:47

Kwathi esakhuluma, kwafika uJudasi, omunye wabalitshumi lambili, elexuku elikhulu liphethe imihedla lezinduku, livela kubapristi abakhulu labadala besizwe.

UJohane 18:2

LoJudasi owamnikelayo laye wayeyazi indawo, ngoba uJesu wayejwayele ukuya khona labafundi bakhe.

UMatewu 26:25

Wasephendula uJudasi owamnikelayo, wathi: Impela kungebe yimi, Mfundisi? Wathi kuye: Kutsho wena.

UJohane 12:4

Kodwa uJudasi Iskariyothi, omunye wabafundi bakhe yena owayezakumnikela, wathi:

UJohane 13:26

UJesu waphendula wathi: Yilowo engizakumnika ucezu lwesinkwa sengilutshebile. Ngakho eselutshebile ucezu, walunika uJudasi, indodana kaSimoni Iskariyothi.

Imisebenzi 1:18

Lumuntu wathenga isiqinti ngomvuzo wobubi bakhe, wawa ngekhanda, wadabuka phakathi, lemibilini yakhe yachitheka;