UMatewu 25:41 - iBhayibhili Elingcwele 1978

⁴¹ Izakuthi kibo abangakwesokhohlo: Sukani kimi lina eliqalekisiweyo, liye emlilweni ongapheliyo olungiselwe uSathane lezithunywa zakhe.

IBhayibhili Elingcwele LesiNdebele

⁴¹ INkosi izakuthi kulabo abakwesokhohlo sayo, ‘Xekani kimi lina eliqalekisiweyo liye emlilweni ongapheliyo owalungiselwa uSathane lezingilosi zakhe.

UMatewu 25:41 Referans Kwoze

2 UPhethro 2:4

UNkulunkulu kaziyekelanga izithunywa ezonayo, kodwa waziphosela esihogweni ezinikela emigodini yomnyama, ukuba zigcinwe kuze kube lusuku lokulahlwa.

2 AbaseThesalonika 1:9

Bazakulahlwa ngokubhujiswa okungapheliyo, basuswe phambi kwakhe laphambi kwenkazimulo yamandla akhe,

UMatewu 13:42

zibaphosele eziko lomlilo; lapho kuzakuba khona ukukhala lokugedla amazinyo.

UMatewu 13:40

Ngakhoke njengalokhu umfaba uyabuthwa, utshiswe emlilweni, kuzakuba njalo ekupheleni kwalesisikhathi.

UJohane 8:44

Lina lingabakayihlo uSathane, lithanda ukwenza inkanuko zakhe. Yena wayengumbulali kusukela ekuqaleni, kemi eqinisweni, ngoba iqiniso kalikho kuye. Nxa eqamba amanga, ukhuluma njengesimo sakhe, ngoba engumqambi wamanga loyise wamanga.

UMatewu 7:23

Kubeng’khonake ngizakuthi kibo: Angizanga ngilazi; sukani kimi lina benzi bokubi.

UMatewu 3:12

Ositsha sakhe sokwela sisesandleni sakhe; uzakuthanyela isibuya sakhe, abuthele amabele akhe esiphaleni sakhe; kodwa amakhoba uzakuwatshisa ngomlilo ongacimekiyo.

AmaHebheru 6:8

kodwa uba uveza ameva lokhula, kawusizi lutho, useduze lokuqalekiswa, ukuphela kwawo kuyikutshiswa.

UMatewu 13:50

zibaphosele ababi emlilweni obhebhayo; lapho kuzakuba khona ukukhala lokugedla amazinyo.

U-Isaya 66:24

Bazakuphuma, babone izidumbu zabantu abangivukelayo; impethu edla izidumbu kayiyikufa, lomlilo ozitshisayo kawuyikucima; bazakuba yisinengiso kubo bonke abantu.

1 UJohane 3:10

Ngalokhu kuyabonakala abantwana bakaNkulunkulu labantwana bakaSathane; lowo ongenzi okulungileyo kasuye okaNkulunkulu, laye ongamthandiyo umzalwane wakhe.

ULukha 16:24

Samemeza sathi: Baba Abrahama, ngihawukela, uthume uLazaro, acwilise umunwe wakhe emanzini, apholise ulimi lwami, ngoba ngiyahlupheka kakhulu kulelilangabi.

ULukha 13:27

Kodwa yena uzakuthi: Ngithi kini: Kangilazi lapho livela khona; sukani kimi, lina lonke elenza okubi.

UMatewu 25:46

Laba bazakusiwa ekutshayweni okungapheliyo, kodwa abalungileyo bazangena ekuphileni okungapheliyo.

UMatewu 18:8

Uba isandla sakho sikukhubekisa, ingabe unyawo lwakho, kuqume, ukulahle; kungcono kuwe ukungena ekuphileni uyingini ingabe uyisiqhwala kulokuba uphoselwe emlilweni ongapheliyo ulezandla ezimbili ingabe inyawo ezimbili.

UMatewu 5:22

Kodwa mina ngithi kini: Ilowo lalowo othukuthelela umfowabo uzakuba lecala lokuthonisiswa; lothuka umfowabo uzakuba lecala emphakathini. Lotshoyo ukuthi: Sithutha ndini! uzakuba lecala lokuphoselwa esihogweni somlilo.

UJeremiya 17:5

INkosi ithi: Uqalekisiwe umuntu othemba abantu, othemba emandleni abantu, olenhliziyo edela iNkosi.

AmaHubo 139:19

Kungathi ungababulala ababi, Nkulunkulu! Kungathi abantu begazi bangasuka kimi;

AmaHubo 119:115

Sukani kimi lina abenza okubi, ukuba ngigcine imithetho kaNkulunkulu wami.

AmaHubo 119:21

Uyakhuza abaziqakisayo, baqalekisiwe abaduha emithethweni yakho.

AmaHubo 6:8

Sukani kimi, lina lonke elenza okubi, ngoba iNkosi izwile ilizwi lokukhala kwami.

UMatewu 4:10

UJesu wasesithi kuye: Suka, Sathane! ngoba kulotshiwe ukuthi: Wokhuleka eNkosini uNkulunkulu wakho, umkhonze yena yedwa.

UMatewu 25:42

Ngoba ngangilambile, kalinginikanga ukudla; ngangomile, kalinginathisanga;

2 AbaseThesalonika 1:7

aliphe lina elihluphekayo ukuphumula kanye lathi ekwambulweni kweNkosi uJesu, evela ezulwini ngamalangabi omlilo, elezithunywa zamandla akhe.