UMatewu 25:36 - iBhayibhili Elingcwele 1978

³⁶ ngangihambaze, langambathisa; ngangigula, leza ukungibona; ngangisentolongweni, leza kimi.

IBhayibhili Elingcwele LesiNdebele

³⁶ ngangiswele izembatho langigqokisa, ngangigula langonga, ngangisentolongweni lazongibona.’

UMatewu 25:36 Referans Kwoze

UJakhobe 1:27

Ukukholwa okuhlambulukileyo okungangcolanga phambi kukaNkulunkulu uBaba yilokhu, ukuhambela izintandane labafelwakazi ekuhluphekeni kwabo, lokuzilondoloza kokungcolisayo emhlabeni.

AmaHebheru 13:3

Bakhumbuleni ababotshiweyo ngokungathi lani libotshiwe kanye labo, labaphethwe kubi, lokhu lani lisekhona.

AmaHebheru 10:34

Ngoba lazwelana lababotshiweyo, lavuma ngokuthokoza ukwamukwa impahla yenu, lokhu lisazi ukuthi lina lilempahla enhle kulaleyo, impahla engapheliyo.

Imisebenzi 20:35

Kukho konke ngilitshengisile ukuthi kumele ukuba sisize ababuthakathaka ngokusebenza okunjalo, sikhumbule amazwi eNkosi uJesu ukuthi yena wathi: Kubusisekile ukupha kulokwamukela.

ULukha 3:11

Waphendula wathi kibo: Olengubo ezimbili kamuphe ongelayo; lolokudla kenze njalo.

UMatewu 25:43

ngangingowemzini, kalingingenisanga endlini; ngangihambaze, kalingambathisanga; ngangigula, ngangisentolongweni, kalizanga ukungibona.

UHezekhiyeli 34:4

Kaliziqinisanga ezibuthakathaka, kalizelaphanga ezigulayo, lezaphukileyo kalizibophanga, kalizibuyisanga eziduhileyo, lezilahlekileyo kalizidinganga, lizibusile ngamandla langolunya.

UHezekhiyeli 18:7

engacindezeli muntu, ebuyisela kowebolekayo isibambiso sakhe, engaphangi muntu, enika olambileyo ukudla, enika abahambaze izigqoko,

U-Isaya 58:7

Kayisikho ukuba wahlukanisanele ukudla kwakho labalambileyo, lokungenisa abayanga emzini wakho, lokwambathisa ohambaze lapho umbona, lokungacatsheli izihlobo zakho na?

UHezekhiyeli 18:16

ingoni muntu, ingathathi isibambiso, ingaphangi muntu, kodwa iphe abalambileyo ukudla, inike abahambaze izigqoko,

UMatewu 25:37

Ngakho abalungileyo bazayiphendula besithi: Nkosi, sakubona nini ulambile sakunika ukudla, ingabe womile sakunathisa, na?