UMatewu 25:34 - iBhayibhili Elingcwele 1978

³⁴ Kung’khonake iNkosi izakuthi kibo abangakwesokunene sayo: Wozani lina elibusisiweyo nguBaba, lidle ilifa lombuso eliwulungiselweyo kusukela ekudatshulweni komhlaba.

IBhayibhili Elingcwele LesiNdebele

³⁴ Lapho-ke iNkosi izakuthi kulabo abangakwesokunene sayo, ‘Wozani, lina elibusiswe nguBaba; thathani ilifa lenu, umbuso owalungiselwa lina kusukela ekudalweni komhlaba.

UMatewu 25:34 Referans Kwoze

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

Isambulo 21:7

Onqobayo uzakudla ilifa lalezizinto; ngizakuba nguNkulunkulu wakhe, yena abe yindodana yami.

Isambulo 13:8

Bonke abakhileyo emhlabeni bazakusikhonza, ngaphandle kwalabo amabizo abo alotshwa encwadini yokuphila yeWundlu elahlatshwayo, selokhu kwasukela ekudatshulweni komhlaba.

UMatewu 20:23

Wathi kibo: Impela, lizakuyinatha inkezo yami, kodwa ukuhlala ngakwesokunene sami langakwesokhohlo sami, kayisikho kwami ukuphana ngakho, kodwa kungokwalabo abakulungiselweyo nguBaba.

Isambulo 17:8

Isilo osibonileyo sikhona, kasisekho; kodwa sizakuphuma emgodini ongelamkhawulo, siye ekubhujisweni. Labakhileyo emhlabeni, abamabizo abo angabhalwanga encwadini yokuphila kusukela ekudatshulweni komhlaba, bazakumangala ukubona ukuthi isilo sasikhona, kasisekho, kanti sizakuba khona.

AmaHebheru 4:3

Ngoba thina esikholwayo siyangena ekuphumuleni kwakhe njengokutsho kwakhe ukuthi: Njengoba ngifungile ekuthukutheleni kwami, kabazukungena ekuphumuleni kwami. Kanti imisebenzi kaNkulunkulu yayiqediwe kusukela ekudatshulweni komhlaba.

ULukha 12:32

Lingesabi, mhlambi omncinyane; ngoba kuyikuthanda kukaYihlo ukulinika umbuso.

AmaHebheru 11:16

kodwake bafisa ilizwe elihle kulalelo okutsho elasezulwini. Ngakhoke uNkulunkulu kalanhloni ngokuthiwa nguNkulunkulu wabo, ngoba ubalungisele umuzi.

1 AbaseKhorinte 15:50

Ngithi, bazalwane, inyama legazi kakulakudla ilifa lombuso kaNkulunkulu; lokubola kakulidli ilifa lokungaboli.

UMatewu 25:41

Izakuthi kibo abangakwesokhohlo: Sukani kimi lina eliqalekisiweyo, liye emlilweni ongapheliyo olungiselwe uSathane lezithunywa zakhe.

U-Isaya 6:5

Ngasengisithi: Maye mina, ngafa! Ngoba ngingumuntu olendebe ezingcolileyo, futhi ngihlala phakathi kwabantu abalendebe ezingcolileyo; amehlo ami abonile iNkosi, iNkosi yamabandla.

Isambulo 19:16

Engutsheni yakhe lasethangazini lakhe kulotshwe ibizo elithi: INkosi yamakhosi loMbusi wababusi.

1 AbaseKhorinte 2:9

Kodwa kunjengoba kulotshiwe ukuthi: Lokho ilihlo elingakubonanga, lendlebe engakuzwanga, okunganakanwanga yingqondo yomuntu, uNkulunkulu ukulungisele abamthandayo.

UMatewu 25:21

Inkosi yayo yathi kiyo: Kuhle, nceku elungileyo lethembekileyo; uthembekile ezintweni eziyingcosana; ngizakukubeka phezu kwezinengi; ngena ekuthokozeni kwenkosi yakho.

UMatewu 19:29

Lalowo otshiye izindlu, labafowabo, lodadewabo, loyise, lonina, labantwana ingabe amasimu ngenxa yebizo lami, uzakwamukeliswa ngekhulu, adle ilifa lokuphila okungapheliyo.

UMatewu 13:35

ukuze kugcwaliseke okwakhulunywa ngumprofethi uIsaya ukuthi: Ngizakuvula umlomo wami ngemifanekiso, ngikhulume okufihlakeleyo kusukela ekudatshulweni komhlaba.

1 UPhethro 3:9

lingaphindiseli okubi ngokubi lokuthuka ngokuthuka, kodwa ikakhulu busisani, ngoba labizelwa khona lokho ukuba lidle ilifa lokubusiswa.

2 uTimothi 2:12

uba sabekezela, sizakubusa kanye laye; uba simphika, laye uzakusiphika;

AbaseGalathiya 5:21

lomhawu, lokudakwa, lokuminza, lokunye okunjalo. Ngiyalitshela njengoba ngalitshela ngaphambili ukuthi abenza okunje kabayikulidla ilifa lombuso kaNkulunkulu.

1 AbaseKhorinte 6:9

Kalazi yini ukuba abangalunganga kabayikulidla ilifa lombuso kaNkulunkulu na? Lingakhohliswa; iziphingi, labakhonza izithombe, lezifebe, labesilisa abalalanayo,

ULukha 19:38

lisithi: Ubusisiwe umbusi ozayo ebizweni leNkosi; ukuthula ezulwini lenkazimulo kweliphezulu.

UMatewu 5:19

Ngakho owaphula owodwa kulimilayo emincinyane, afundise abantu njalo, uzakuthiwa ngomncinyane embusweni wezulu; kodwa oyenzayo ayifundise, lowo uzakuthiwa mkhulu embusweni wezulu.

UMatewu 3:2

esithi: Phendukani, ngoba umbuso wezulu ususondele!

UZefaniya 3:15

INkosi isusile lokho okumelana lawe, izixotshile izitha zakho. UMbusi kaIsrayeli, iNkosi, uphakathi kwakho; kawuyikwesaba okubi.

UDanyeli 9:25

Ngakhoke yazi uqedisise ukuba kusukela ekuphumeni kwelizwi ukuba kwakhiwe futhi iJerusalema kuze kube sekufikeni kogcotshiweyo, ungumbusi, kuzakuba ngamaviki ayisikhombisa. IJerusalema lizahlala lakhiwe okwamaviki angamatshumi ayisithupha lambili lilezindlela lemifolo yamanzi, kodwa kuzaba yisikhathi sokuhlupheka.

U-Isaya 33:22

Ngoba iNkosi ingumahluleli wethu, iNkosi ingumbusi wethu, iNkosi yinkosi yethu, izakusikhulula.

U-Isaya 9:7

Umbuso wayo uzakuba mkhulu, lokuthula kakuyikuphela kuwo, lapho isihlezi esihlalweni sobukhosi sikaDavida. Izakuwumisa, iwuqinise ngokufaneleyo langokulunga, kusukela kulesisikhathi kuze kube nininini. Ukutshisekela kweNkosi yamabandla kuzakukwenza lokhu.

AmaHubo 2:6

Ngibekile inkosi yami eZiyone, entabeni yami engcwele.

Isambulo 5:10

wabenza baba ngumbuso labapristi kuNkulunkulu wethu; bazakubusa emhlabeni.

1 UPhethro 1:9

lizuze umvuzo wokukholwa kwenu oyikusiliswa kwemiphefumulo yenu.

AmaHebheru 9:26

uba kwakunjalo wayemele ukuhlupheka kanengi selokhu kwadatshulwa umhlaba. Kodwa ubonakaliswe kanye ekupheleni kwesikhathi ukuba asuse izono ngokuzinikela kwakhe.

2 uTimothi 4:8

Sengibekelwe umqhele wokulunga ezakunginika wona ngalolosuku iNkosi, umthonisisi olungileyo, kungesimi ngedwa ozakuwunikwa, kodwa bonke labo abathanda ukubonakala kwayo.

1 AbaseThesalonika 2:12

sililaya, silimisa isibindi, silitshela ukuba lihambe ngokufaneleyo phambi kukaNkulunkulu olibizela embusweni lebukhosini bakhe.

AbaseRoma 8:17

uba singabantwana, siyizindlalifa futhi, izindlalifa zikaNkulunkulu lezindlalifa kanye loKristu, uba phela sihlupheka kanye laye ukuze sidunyiswe kanye laye.

Imisebenzi 15:18

kutsho iNkosi eyenza ukuba lezizinto zaziwe kwasekuqaleni.

Imisebenzi 3:26

UNkulunkulu eseyivusile iNceku yakhe wayithumela kini kuqala ukulibusisa ngokuliphendula, ilowo lalowo ebubini bakhe.

UJohane 19:15

Kodwa bamemeza bathi: Msuse, msuse, mbethele! UPilatu wathi kubo: Ngibethele inkosi yenu na? Abapristi abakhulu baphendula bathi: Kasilankosi thina, ngaphandle kukaKesari.

UJohane 12:13

Ngakho lathatha amahlamvu elala, laphuma ukumhlangabeza, limemeza lisithi: Hosana! Ubusisiwe ozayo ebizweni leNkosi, yebo, iNkosi kaIsrayeli.

UJohane 1:49

UNathanyeli waphendula wathi: Mfundisi, uyiNdodana kaNkulunkulu; uyiNkosi kaIsrayeli.

ULukha 11:28

Kodwa yena wathi: Yebo, kodwa ikakhulu babusisiwe abalizwayo ilizwi likaNkulunkulu, balilondoloze.

UMakho 10:40

kodwa ukuhlala ngakwesokunene sami ingabe ngakwesokhohlo sami kayisikho kwami ukuphana ngakho, kodwa kungokwalabo abakulungiselweyo.

UMatewu 27:37

Babeka ngaphezu kwekhanda lakhe incwadi yecala lakhe ilotshiwe ukuthi: LO NGUJESU INKOSI YABAJUDA.

UMatewu 25:23

Inkosi yayo yathi kiyo: Kuhle, nceku elungileyo lethembekileyo; uthembekile ezintweni eziyingcosana; ngizakukubeka phezu kwezinengi; ngena ekuthokozeni kwenkosi yakho.

UMatewu 21:5

Tshonini kuZiyone ukuthi: Khangela, iNkosi yakho iyeza kuwe, imnene, ikhwele ubabhemi lethole, inkonyane kababhemi.

Abase-Efesu 5:5

Yazini lokhu, likuqedisise ukuthi oyisifebe, longcolileyo lolomhawu, okutsho lowo okhonza izithombe, kalalifa embusweni kaKristu lokaNkulunkulu.

Izaga 11:17

Umuntu olomusa uzenzela okuhle, kodwa umuntu olesihluku uyazilimaza.

UMatewu 25:40

INkosi izakuphendula ithi kibo: Ngiqinisile ngithi kini: Njengokuba likwenzile komunye walaba abafowethu abancinyane, likwenzile lakimi.

UMakho 10:17

Esephumela endleleni umuntu othile wamgijimela, eguqa phambi kwakhe, wambuza wathi: Mfundisi olungileyo, ngizakwenzani ukuze ngidle ilifa lokuphila okungapheliyo?

ULukha 11:50

ukuze kubizwe kulesisizukulwana igazi labaprofethi bonke elachithwa kusukela ekudatshulweni komhlaba,

UJohane 17:24

Baba, ngithanda ukuba labo onginike bona labo babe kanye lami lapho ngikhona, ukuze babone inkazimulo yami onginike yona; ngoba wangithanda kungakadatshulwa umhlaba.

AmaHebheru 1:14

Kazisibo yini zonke omoya abasebenzayo abathunyelwe ukukhonza ngenxa yalabo abazakudla ilifa lokusiliswa na?