UMatewu 25:10 - iBhayibhili Elingcwele 1978

¹⁰ Kwathi zisaya ukuthenga, wafika umyeni. Ezasezilungele ukungena zangena laye emthimbeni; kwavalwa umnyango.

IBhayibhili Elingcwele LesiNdebele

¹⁰ Kodwa kwathi besayathenga amafutha umyeni wafika. Izintombi ezazizilungiselele zangena laye edilini lomthimba. Umnyango wasuvalwa.

UMatewu 25:10 Referans Kwoze

ULukha 13:25

Nxa umninindlu esesukume wavala umnyango, lizakuqala ukuma ngaphandle liqoqode emnyango, lisithi: Nkosi, sivulele; yenake aphendule athi: Kangilazi lapho livela khona.

1 UPhethro 1:13

Vusani ingqondo zenu, liqonde, lithembe ngokupheleleyo umusa elizakuwamukela ekwambulweni kukaJesu Kristu.

UMatewu 24:44

Ngakhoke lanike hlalani lilungile, ngoba iNdodana yomuntu izakuza ngesikhathi elingasilindelanga.

Isambulo 22:20

Ofakaza ngalezizinto uthi: Impela ngiyeza masinyane. Ameni. Woza Nkosi Jesu!

UMatewu 25:6

Kodwa phakathi kobusuku kwamenyezwa kwathiwa: Khangelani, nangu umyeni; phumani liyemhlangabeza!

AmaHubo 95:11

Ngakhoke ngafunga ekuthukutheleni kwami, ngathi kabayikungena elizweni lapho ebengingabanika khona ukuphumula.

UGenesisi 7:16

Kwangena enduna lensikazi kuzo zonke, njengokutsho kukaNkulunkulu; iNkosi yasimvalela phakathi.

2 uTimothi 4:8

Sengibekelwe umqhele wokulunga ezakunginika wona ngalolosuku iNkosi, umthonisisi olungileyo, kungesimi ngedwa ozakuwunikwa, kodwa bonke labo abathanda ukubonakala kwayo.

Isambulo 1:7

Khangelani, uyeza lamayezi; amehlo wonke azakumbona, labo bonke abamgwazayo; lezizwe zonke zomhlaba zizakulila ngenxa yakhe. Yebo, kuzakuba njalo. Ameni.

AbaseKholose 1:12

libonge uYise owalenza lafanela ukuhlanganyela ilifa labangcwele ekukhanyeni.

UMatewu 7:21

Kakusibo bonke abatshoyo kimi ukuthi: Nkosi, Nkosi; abazakungena embusweni wezulu, kodwa kuphela owenza intando kaBaba osezulwini.

UMatewu 24:42

Ngakho lindani, ngoba kalazi ukuthi iNkosi yenu izakufika ngaluphi usuku.

UMatewu 24:43

Kodwa yazini lokhu kokuthi, uba umnumzana ebesazi isikhathi isela elizafika ngaso, ubezakulinda, angavumi ukuba indlu yakhe ifohlelwe.

ULukha 12:35

Inkalo zenu kazihlale zibotshiwe, lezibane zenu zihlale zivutha;

Isambulo 19:7

Asithokoze, sithabe, simdumise, ngoba umthimba weWundlu usufikile, lomlobokazi usezilungisele;