UMatewu 24:36 - iBhayibhili Elingcwele 1978

³⁶ Kodwa lolosuku lalesosikhathi kakho muntu owaziyo ngaso, kanye lezithunywa zasezulwini, leNdodana, ngaphandle kukaBaba kuphela.

IBhayibhili Elingcwele LesiNdebele

³⁶ “Kodwa kakho olwaziyo lolosuku lehola, loba izingilosi zasezulwini, kumbe iNdodana, kodwa uBaba kuphela.

UMatewu 24:36 Referans Kwoze

UMakho 13:32

Kodwa lolosuku lalesosikhathi kakho umuntu owaziyo ngaso, kanye lezithunywa zasezulwini, leNdodana, kodwa nguBaba kuphela.

Imisebenzi 1:7

Wathi kubo: Kakusikho okwenu ukwazi isikhathi lemizuzu ayimisileyo uBaba ngamandla akhe;

UMatewu 24:44

Ngakhoke lanike hlalani lilungile, ngoba iNdodana yomuntu izakuza ngesikhathi elingasilindelanga.

2 UPhethro 3:10

Kodwa usuku lweNkosi luzakufika njengesela, kuthi izulu lidlule ngokuhlokoma okukhulu, konke kuncibilikiswe ngumlilo, lomhlaba lemisebenzi ekuwo kuzakutsha.

1 AbaseThesalonika 5:2

ngoba lina uqobo liyazi kuhle ukuthi usuku lweNkosi luzakufika njengesela ebusuku.

Isambulo 16:15

Khangela, ngiyeza njengesela. Ubusisiwe olindayo, alondoloze ingubo zakhe ukuba angahambize, kuze kubonwe ihlazo lakhe. —

UMatewu 24:42

Ngakho lindani, ngoba kalazi ukuthi iNkosi yenu izakufika ngaluphi usuku.

UMatewu 25:13

Ngakhoke lindani, ngoba kalilwazi usuku lesikhathi.

Isambulo 3:3

Khumbulake lokho okwamukeleyo wakuzwa, kugcine, uphenduke. Uba ungavuki, ngizakuza kuwe njengesela, kawusoze wasazi isikhathi engizakuza ngaso kuwe.

UZakhariya 14:7

Kuzakuba yimini kokuphela eyaziwa yiNkosi, kungabi lamini labusuku, ngoba kuzakuthi kusihlwa kube khona ukukhanya.