UMatewu 24:31 - iBhayibhili Elingcwele 1978

³¹ Izakuthuma izithunywa zayo ngokukhala okukhulu kophondo, ziqoqe abakhethiweyo bayo emimoyeni emine, kusukela emkhawulweni omunye wezulu kuze kube komunye.

IBhayibhili Elingcwele LesiNdebele

³¹ Njalo izathumela izingilosi zayo zitshaya icilongo ngomsindo omkhulu, beseziqoqa abakhethiweyo bayo emagumbini womane omhlaba, kusukela ngapha kwamazulu kusiya ngale kwawo.

UMatewu 24:31 Referans Kwoze

1 AbaseThesalonika 4:16

ngoba iNkosi uqobo izakwehla ivela ezulwini ngomdumo, ngokumemeza kwesithunywa, langokukhala kophondo lukaNkulunkulu; labafileyo kuKristu bazakuvuka kuqala;

UMakho 13:27

izakuthuma izithunywa zayo, iqoqe abakhethiweyo bayo emimoyeni emine, kusukela emikhawulweni yomhlaba kuze kube semikhawulweni yezulu.

U-Isaya 27:13

Kuzakuthi ngalolosuku kutshaywe uphondo olukhulu, lalabo ababelahlekile elizweni laseAsiriya labaxotshelwe elizweni laseGibithe bazakuza, bayikhonze iNkosi entabeni engcwele eJerusalema.

1 AbaseKhorinte 15:52

ngesikhatshana, ngokuqwayiza kwelihlo, ekukhaleni kophondo lokucina; ngoba uphondo luzakukhala, abafileyo bazakuvuswa bengelakubola, thina sizakuphendulwa.

U-Isaya 11:12

Izakuziphakamisela uphawu izizwe, ibuthe abaxotshiweyo bakoIsrayeli labahlakazekileyo bakoJuda, ibabuthe ezingonsini zozine zomhlaba.

UMatewu 13:41

INdodana yomuntu izakuthuma izithunywa zayo, zibuthe, zikhuphe embusweni wayo konke okukhubekisayo lalabo abenza okubi,

2 AbaseThesalonika 2:1

Bazalwane, mayelana lokufika kweNkosi yethu uJesu Kristu lokubuthana kwethu ukuba siyihlangabeze, siyalincenga

Abase-Efesu 1:10

ukuze aphumelelise nxa isikhathi sesiphelele ukuhlanganisela ndawonye izinto zonke ezisezulwini lezisemhlabeni kuKristu.

UJohane 11:52

angafeli isizwe kuphela, kodwa abuthele ndawonye abantwana bakaNkulunkulu abahlakazekileyo, babe munye.

UMatewu 25:31

Nxa isifikile iNdodana yomuntu ngobukhosi bayo kanye lezithunywa zonke, kung’khona izakuhlala esihlalweni sayo sobukhosi;

U-Isaya 45:22

Phendukelani kimi likhululwe, lina lonke bantu basemhlabeni wonke. Ngoba nginguNkulunkulu, kakho omunye.

U-Isaya 43:6

ngitsho lakuyo inyakatho ngithi: Bakhulule; lakuyo iningizimu ngithi: Ungabaleli; buyisani amadodana ami akhatshana, lamadodakazi ami ezindaweni zonke,

AmaHubo 22:27

Imikhawulo yonke yomhlaba izakukhumbula, iphendukele eNkosini; lezizukulwana zonke zezizwe zizakhonza phambi kwayo.

UZakhariya 2:6

Heyi! Balekani elizweni lasenyakatho, kutsho iNkosi; ngilihlakazele emazweni wonke njengemimoya yomine yaphezulu.

U-Isaya 60:4

Phakamisa amehlo akho inxa zonke, ubone; bayabuthana bonke, beza kuwe; amadodana akho azavela khatshana, lamadodakazi akho azabelethwa njengabantwana.

U-Isaya 49:18

Phakamisa amehlo akho inxa zonke ubone; bonke bayabuthana, beze kuwe. INkosi ithi: Ngiyazifunga, uzakubagqiza bonke njengamangqongqo, uzicecise ngabo njengomlobokazi.

U-Isaya 13:5

Bavela elizweni elikhatshana, emikhawulweni yezulu, iNkosi kanye lezikhali zentukuthelo yayo, ukuba bachithe ilizwe lonke.

Isambulo 7:1

Emva kwalokhu ngabona izithunywa ezine zimi emagumbini womane omhlaba, zibambe imimoya emine yomhlaba ukuze kungavunguzi moya emhlabeni, lasolwandle, lakwesisodwa isihlahla.

UZakhariya 9:14

INkosi izabonakala ngaphezu kwabo, lomtshoko wayo uphazime njengombane; iNkosi uNkulunkulu izakhalisa uphondo, iphume ngezivunguzane zaseningizimu.

UDutheronomi 30:4

Uba bekhona abakini abaxotshelwe emikhawulweni yomhlaba, lalapho iNkosi uNkulunkulu wenu izakulibutha, ilithathe,

Isambulo 8:2

Ngasengibona izithunywa eziyisikhombisa ezimi phambi kukaNkulunkulu, zinikwa impondo eziyisikhombisa.

AbaseRoma 10:18

Kodwa ngithi: Kabezwanga na? Impela, bezwa. Ngoba kuthiwa: Ilizwi labo liphumele emhlabeni wonke, lamazwi abo aphumele emikhawulweni yomhlaba.

UMatewu 28:18

UJesu wasondela, wakhuluma labo esithi: Aphiwe mina amandla wonke ezulwini lasemhlabeni;

UMatewu 24:22

Uba lezonsuku bezingafinyezwanga, bekungesiliswe muntu; kodwa lezonsuku zizakufinyezwa ngenxa yabakhethiweyo.

UZakhariya 14:5

Isihotsha esiphakathi kwezintaba sizavaleka, ngoba isihotsha esitsha phakathi kwezintaba sizafinyelela eceleni kwaso. Lizabaleka njengalokho labalekela ukunyikinyeka komhlaba ensukwini zikaUziya inkosi yakoJuda. INkosi uNkulunkulu wami ibisifika ilabo bonke abangcwele bayo.

UDanyeli 7:2

wathi: Ngabona embonweni wami ebusuku imimoya evela inxa zonke, iqubula ulwandle olukhulu.

U-Isaya 42:10

Hlabelelani iNkosi ingoma entsha, liyidumise emhlabeni wonke. Luhlokome ulwandle lakho konke okukilo, lamazwe angasolwandle, labo abakhe kiwo.

AmaHubo 81:3

Vuthelani uphondo ekuthwaseni kwenyanga lasekugcwaleni kwayo esikhathini somkhosi wethu.

AmaHubo 67:7

UNkulunkulu usibusisile, kabamesabe abantu endaweni zonke.

Isambulo 11:15

Isithunywa sesikhombisa salukhalisa uphondo; kwezwakala amazwi amakhulu ezulwini esithi: Umbuso womhlaba usungoweNkosi yethu lokaKristu wayo; izakubusa kuze kube nini lanini.

ULukha 24:47

kutshunyayelwe ebizweni lakhe ukuphenduka, lokuthethelelwa kwezono ezizweni zonke, kuqalwe eJerusalema.

UZakhariya 9:10

Izaqeda inqola zokulwa koEfrayimi, lamabhiza okulwa eJerusalema; lemitshoko yokulwa izakuqedwa. Izamemezela ukuthula ezizweni; lokubusa kwayo kuzasukela olwandle kuze kufike kolunye ulwandle, kusukele emfuleni iYufrathi kuze kube sekucineni komhlaba.

Isambulo 1:20

Nansi imfihlakalo yezinkanyezi eziyisikhombisa ozibonileyo esandleni sami sokunene, leyezibane zegolide eziyisikhombisa; inkanyezi eziyisikhombisa ziyizithunywa zamabandla ayisikhombisa, izibane eziyisikhombisa zingamabandla ayisikhombisa.

U-Eksodasi 19:16

Ngosuku lwesithathu sekusile, kwaba khona ukuduma lemibane leyezi elimnyama entabeni, kwezwakala ukukhala okukhulu kophondo; bonke abantu ababesemathenteni bathuthumela.

UDutheronomi 4:32

Ake libuze ngensuku ezidlulileyo ezazingaphambi kwenu, kusukela osukwini uNkulunkulu adala ngalo umuntu emhlabeni, libuze kusukela komunye umkhawulo wezulu kuze kube komunye, ukuthi kwake kwenzakala loba kwezwakala yini into engangale.

UZakhariya 6:5

Isithunywa sangiphendula sathi: Lokhu kuyimimoya emine yaphezulu esuka ekumeni phambi kweNkosi yomhlaba wonke.

UMatewu 24:24

Ngoba kuzakuvela okristu bamanga labaprofethi bamanga, benze izibonakaliso ezinkulu lezimangaliso, ukuze kuthi nxa kungenzeka baduhise labakhethiweyo.

UMatewu 24:32

Fundani umfanekiso emkhiweni; nxa ugatsha lwawo selubuthakathaka, luhlume amahlamvu, liyazi ukuba ihlobo seliseduze.

AmaHebheru 12:19

lasekukhaleni kophondo, laselizwini elakhuluma amazwi okwathi labo abawezwayo bancenga ukuba kungabe kusakhulunywa ilizwi kibo;