UMatewu 23:23 - iBhayibhili Elingcwele 1978

²³ Maye kini babali labaFarisi, bazenzisi! ngoba lithela okwetshumi kwemfe, lolude, lamakhomane, liyekele izinto ezinkulu zomlayo, ukulunga lesihawu lokuthembeka. Belifanele ukukwenza lokhu lingakuyekeli lalokho.

IBhayibhili Elingcwele LesiNdebele

²³ Maye kini, bafundisi bomthetho lakini baFarisi, bazenzisi! Linika okwetshumi okweziyoliso zenu, iminti ledili lekhamini. Kodwa liyekethise izinto ezimqoka emthethweni, eziyikulunga, isihawu kanye lokwethembeka. Bekufanele lithi likwenza lokhu lingawuyekethisanga umthetho.

UMatewu 23:23 Referans Kwoze

ULukha 11:42

Kodwa maye kini baFarisi! ngoba lithela okwetshumi kwemfe, lamakhomane, lokwemibhida yonke, lingananzeleli ukulunga lokumthanda uNkulunkulu. Belifanele ukukwenza lokhu, lingakuyekeli lalokho.

UMikha 6:8

Ikutshengisile okuhle, wena muntu, iNkosi ifunani kuwe na? Ifuna kuphela ukwenza ukulunga, lokuthanda okungapheliyo, lokuzithoba phambi kwayo.

UHosiya 6:6

Ngoba ngifuna uthando olungapheliyo kulomhlatshelo, lokwazi uNkulunkulu kuleminikelo yokutshiswa.

UMatewu 9:13

Hambani lifunde ukuba lokhu kutshoni ukuthi: Ngifuna isihawu kulomhlatshelo. Ngoba angizanga ukubiza abalungileyo kodwa izoni.

1 USamuyeli 15:22

USamuweli wasesithi: Kambe iNkosi iyayithokozela yini iminikelo yokutshiswa lemihlatshelo, njengalokhu ithokozela ukulalelwa kwelizwi layo na? Khangela, ukulalela kuhle kulemihlatshelo, lokuqaphelisa kuhle kulamahwahwa ezinqama.

Izaga 21:3

Ukwenza ukulunga lokufaneleyo kuyithokozisa iNkosi kakhulu kulemihlatshelo.

ULevi 27:30

Okwetshumi konke kwelizwe, loba okwenhlanyelo yelizwe loba okwezithelo zezihlahla, kungokweNkosi; kungcwele eNkosini.

ULukha 18:12

Mina ngizila ukudla kabili ngeviki, nginikela okwetshumi kukho konke engilakho.

UMatewu 12:7

Aluba belisazi ukuba kutsho ukuthini ukuthi: Ngifuna isihawu kulomhlatshelo; ngabe kalibalahlanga labo abangelacala.

U-Isaya 28:25

Lapho esewuhlelembile, angithi uyahlanyele ulude lamakhomane, ahlanyele emizileni amabele lebhali, lonyawuthi eceleni na?

UJeremiya 22:3

INkosi ithi: Yenzani okuqotho lokulungileyo, likhulule esandleni somcindezeli lowo ophangiweyo, lingenzi okubi kowezizwe, lakuzo izintandane, lakumfelwakazi, lingachithi igazi elingelacala kulindawo.

UMatewu 23:13

Maye kini babhali labaFarisi, bazenzisi! ngoba livalela abantu umbuso wezulu. Ngoba kalingeni lina, labangenayo kalibavumeli ukuba bangene.