UMatewu 23:15 - iBhayibhili Elingcwele 1978

¹⁵ Maye kini babhali labaFarisi, bazenzisi! ngoba lidabula ulwandle lomhlaba wonke ukuba liphendule abe munye owabezizwe, kuthi nxa selimphendule limenze indodana yesihogo ngokuphindiweyo kulani.

IBhayibhili Elingcwele LesiNdebele

¹⁵ Maye kini bafundisi bomthetho lakini baFarisi, lina bazenzisi! Lidabula ilizwe lihambe laphezu kolwandle lidinga ukuphendula oyedwa zwi, lithi selimzuzile limphendule abe yindodana yesihogweni okuphindwe kabili kulani.

UMatewu 23:15 Referans Kwoze

Abase-Efesu 2:3

Thina sonke sake sahlala phakathi kwabo enkanukweni yomzimba, silandela izifiso zomzimba lenhliziyo; ngakhoke ngokwemvelo sasingabantwana bolaka njengabanye bonke.

Imisebenzi 13:43

Kwathi inkonzo yesinagoge isiphumile, abaJuda abanengi labezizwe abakholwayo balandela uPawuli loBarnabasi; bona bakhuluma labo, bebakhuthaza ukuba babambelele emuseni kaNkulunkulu.

Imisebenzi 13:10

wathi: Wena ndodana kaSathane, uyisitha sakho konke ukulunga, ugcwele inkohliso yonke lobubi bonke, kawuyekeli ukuphambukisa indlela eziqondileyo zeNkosi na?

Imisebenzi 14:2

Kodwa abaJuda abangakholwayo bavusa abezizwe, babafaka umoya omubi ngabazalwane.

UJohane 8:44

Lina lingabakayihlo uSathane, lithanda ukwenza inkanuko zakhe. Yena wayengumbulali kusukela ekuqaleni, kemi eqinisweni, ngoba iqiniso kalikho kuye. Nxa eqamba amanga, ukhuluma njengesimo sakhe, ngoba engumqambi wamanga loyise wamanga.

AbaseGalathiya 6:12

Bonke abafuna ukubukeka ngemizimba yibo abalicindezela ukuba lisoke, bekwenzela kuphela ukuba bangazingelwa ngenxa yesiphambano sikaKristu.

AbaseGalathiya 4:17

Labobantu bayalitshisekela, kodwa kungesikho ngokuhle; bafuna ukulivalela ngaphandle ukuze litshisekele bona.

UMatewu 5:22

Kodwa mina ngithi kini: Ilowo lalowo othukuthelela umfowabo uzakuba lecala lokuthonisiswa; lothuka umfowabo uzakuba lecala emphakathini. Lotshoyo ukuthi: Sithutha ndini! uzakuba lecala lokuphoselwa esihogweni somlilo.

Imisebenzi 17:13

Kwathi abaJuda base‐Tesalonika sebezwile ukuthi ilizwi likaNkulunkulu liyatshunyayelwa nguPawuli laseBeriya, beza lakhona, badunga bavusa ixuku.

Imisebenzi 14:19

Kodwa kwafika abaJuda abavela eAntiyoki leIkoniyuma, sebevumelene labantu bamkhanda uPawuli ngamatshe, bamhudulela ngaphandle komuzi besithi ufile.

Imisebenzi 2:10

laseFrigiya, lasePamfiliya, laseGibithe, lasemazweni aseLibiya eduze leKurene, lezihambi ezivela eRoma, labaJuda labezizwe abakholwayo,

Imisebenzi 6:5

Lelolizwi lathokozisa lonke ibandla; basebekhetha uStefane, indoda egcwele ukukholwa loMoya oNgcwele, loFiliphu, loProkoro, loNikanori, loTimoni, loParmena, loNikola, ikholwa labezizwe elivela eAntiyoki,

U-Esta 8:17

Kuwo wonke amazwe lakuyo yonke imizi okwafinyelela kuyo umthetho wenkosi lesimemezelo sayo kwaba khona ukuthokoza lokujabula kubaJuda, lamadili, losuku lokuphumula. Abantu abanengi belizwe bazibiza ngokuthi bangabaJuda ngenxa yokwesaba abaJuda.

UMatewu 5:29

Uba ilihlo lakho lokunene likukhubekisa, likhuphe, ulilahle; ngoba kungcono kuwe ukuba kubhubhe sibe sinye sezitho zakho kulokuba wonke umzimba wakho uphoselwe esihogweni.

UMatewu 3:7

Kwathi ebona abanengi babaFarisi labaSadusi besiza ekubhaphathizeni kwakhe, wathi kubo: Lina nzalo yezinyoka, ngubani olixwayise ukuba libalekele ulaka oluzayo na?

UMatewu 23:13

Maye kini babhali labaFarisi, bazenzisi! ngoba livalela abantu umbuso wezulu. Ngoba kalingeni lina, labangenayo kalibavumeli ukuba bangene.