UMatewu 22:5 - iBhayibhili Elingcwele 1978

⁵ Kodwa kabananzanga, bazihambela; omunye waya ensimini yakhe, omunye waya ekuthengeni kwakhe.

IBhayibhili Elingcwele LesiNdebele

⁵ Kodwa kabakunanzanga lokho, bazihambela, omunye waya ensimini yakhe, omunye emsebenzini wakhe.

UMatewu 22:5 Referans Kwoze

AmaHebheru 2:3

thina sizakuphepha kanjani, uba sidelela ukusiliswa okungaka na? Kwakhulunywa kuqala yiNkosi, kwafakazwa kithi yilabo abayizwayo,

2 uTimothi 3:4

labanikela abanye, labalamawala, labagcwele ukuzikhukhumeza, labathanda ukuzithokozisa kulokuthanda uNkulunkulu,

AbaseRoma 8:6

Ukunakana ngokwabantu kuyikufa; kodwa ukunakana ngoMoya kuyikuphila lokuthula.

AbaseRoma 2:4

Kumbe uyabeyisa yini ubukhulu besihawu sakhe lobokubekezela lobesineke sakhe na? Kawazi yini ukuba isihawu sikaNkulunkulu sikudonsela ekuphendukeni na?

Imisebenzi 24:25

Esakhuluma ngokulunga, langokuzibamba, langokulahlwa okuzayo, uFelike watshaywa luvalo, wathi: Ake uhambe okwakhathesi; nxa ngizuza ithuba ngizakukubiza.

Imisebenzi 2:13

Kodwa abanye behlekisana ngabo bathi: Basuthi iwayini elitsha.

UMatewu 13:22

Ohlanyelwe emeveni nguye olizwayo ilizwi, kodwa ukuphisekela komhlaba lokukhohlisa kwenotho kuyaminyanisa ilizwi, lingatheli isithelo.

Izaga 1:7

Ukuyesaba iNkosi kuyikuqala kokwazi, kodwa izithutha ziyadelela ukuhlakanipha lokufundiswa.

UGenesisi 25:34

UJakobe wanika uEsawu isinkwa lalokho okubomvu; wadla wanatha, wavuka wahamba; ngalokho uEsawu wadelela ubuzibulo bakhe.

UGenesisi 19:14

ULoti wasephuma, wakhuluma labakhwenyana bakhe ababezakuthatha amadodakazi akhe, wathi: Sukani liphume kulindawo; ngoba iNkosi izabhubhisa umuzi. Kodwa waba njengosomayo emehlweni abakhwenyana bakhe.

UMatewu 22:4

Wabuya wathuma ezinye inceku, wathi: Tshonini kwabamenyiweyo ukuthi: Khangelani, sengilungisile ukudla kwami; inkabi zami lokunonileyo sekuhlatshiwe, konke sekulungile; wozani emthimbeni.

UMatewu 22:6

Abaseleyo bazibamba inceku zakhe, baziphatha kubi, bazibulala.

UJohane 2:16

wathi kwabathengisa inkwilimba: Susani lezizinto, lingayenzi indlu kaBaba ibe yindlu yokuthengisela.

2 UPhethro 2:3

Ekufiseni kwabo imali bazakuthengiselana ngani ngamazwi obuqili; ukulahlwa kwabo sekukade kusebenza phakathi kwabo, lokuchitheka kwabo kakuwozeli.