UMatewu 21:5 - iBhayibhili Elingcwele 1978

⁵ Tshonini kuZiyone ukuthi: Khangela, iNkosi yakho iyeza kuwe, imnene, ikhwele ubabhemi lethole, inkonyane kababhemi.

IBhayibhili Elingcwele LesiNdebele

⁵ “Tshela iNdodakazi yaseZiyoni ukuthi, ‘Khangela, inkosi yakho iyeza kuwe, imnene igade ubabhemi, iphezu kwenkonyane, inkonyane kababhemi.’”

UMatewu 21:5 Referans Kwoze

U-Isaya 62:11

INkosi isimemezele emhlabeni wonke yathi: Tshonini kulo iZiyone lithi: Khangela, iNkosi iyeza ukukusilisa; iyeza lomvuzo wayo, lenkokhelo yayo iphambi kwayo.

U-Isaya 12:6

Memezani, lihlabele ngokuthokoza, lina baseZiyone, ngoba mkhulu phakathi kwenu oNgcwele kaIsrayeli.

UGenesisi 49:10

Intonga yobukhosi kayiyikusuka kuJuda, lodondolo lokubusa phakathi kwenyawo zakhe, aze afike lowo ofanele lona, labantu bonke bamlalele.

UHosiya 1:7

Kodwa ngizahawukela abakoJuda, ngibakhulule mina Nkosi uNkulunkulu wabo; kangiyikubakhulula ngomtshoko, loba ngomkhonto, loba ngempi, loba ngamabhiza, langabagadi bamabhiza.

U-Isaya 40:9

Khwela entabeni ende, wena obika indaba ezijabulisayo eZiyone, uphakamise ilizwi lakho umemeze, wena obika indaba ezijabulisayo eJerusalema, uliphakamise ungesabi, utsho emizini yakoJuda uthi: Khangelani, nangu uNkulunkulu wenu.

UHezekhiyeli 37:24

Inceku yami uDavida uzakuba yinkosi yabo, babe lomalusi munye. Bazalandela imithetho yami, bananzelele ukugcina izimiso zami.

UHezekhiyeli 34:24

Mina Nkosi ngizakuba nguNkulunkulu wazo, lenceku yami uDavida ibe yisikhulu phakathi kwazo. Mina Nkosi ngikhulumile.

UMatewu 11:29

Thwalani ijokwe lami phezu kwenu, lifunde kimi, ngoba ngimnene ngithobekile; kung’khona imiphefumulo yenu izakufumana ukuphumula.

UMatewu 2:6

Lawe Betlehema, lizwe lakoJuda, kawusuye omncinyane lakanye kubabusi bakoJuda, ngoba kuzakuvela kuwe umbusi ozakwalusa abantu bami uIsrayeli.

UMatewu 2:2

zisithi: Ungaphi ozelwe eyinkosi yabaJuda na? Ngoba sibonile inkanyezi yakhe kwelasempumalanga, size ukumkhonza.

UMikha 5:2

Kodwa wena, Betlehema Efratha, omncinyane ukuba ube phakathi kwezizwe zakoJuda, kuzavela kuwe othile ozakuba ngumbusi wakoIsrayeli, okudabuka kwakhe kusukela endulo.

2 AbaseKhorinte 10:1

Mina Pawuli uqobo ngiyalincenga ngobumnene langothando lukaKristu, mina engithobileyo nxa ngikhona phakathi kwenu, njengokutsho kwenu, kodwa engilesibindi nxa ngingekho.

AmaHubo 9:14

ukuze ngihube udumo lwakho, ngithabe emasangweni eZiyone ngokungikhulula kwakho.

1 AmaKhosi 10:26

USolomoni wabuthanisa inqola zokulwa lamabhiza; wayelizinqola zokulwa ezingamakhulu alitshumi lane, lamabhiza azinkulungwane ezilitshumi lambili; amanye wawabeka emizini yezinqola, lamanye eJerusalema.

1 AmaKhosi 1:33

Inkosi yathi kibo: Thathani inceku zami, ligadise uSolomoni indodana yami eyami imbongolo, limuse eGihoni;

2 USamuyeli 16:2

UDavida wathi kuZiba: Uzakwenzani ngalezizinto na? UZiba waphendula wathi: Obabhemi ngabokugadwa ngabendlu yenkosi, izinkwa lomkhiwa ngokokudliwa yizinsizwa, lewayini ngelokunathwa ngabaphelelwa ngamandla enkangala.

Abahluleli 12:14

Wayelamadodana angamatshumi amane, lamadodana amadodana akhe angamatshumi amathathu, babegada obabhemi abangamatshumi ayisikhombisa; waba ngumahluleli koIsrayeli iminyaka eficaminwembili.

Abahluleli 5:10

Lina eligada obabhemi abamhlophe, lani elihlala emacansini abuthakathaka, lani elihamba ngendlela, cabangani ngakho.

UDutheronomi 17:16

Qaphelani ukuba angabi lamabhiza amanengi lokuba angababuyiseli abantu eGibithe ukuze andise amabhiza akhe, lokhu iNkosi ithe kini: Kalisoze libuyele futhi ngaleyondlela.

AmaNani 24:19

loJakobe unqoba izitha zakhe, achithe abaseleyo eAri.

UJohane 1:49

UNathanyeli waphendula wathi: Mfundisi, uyiNdodana kaNkulunkulu; uyiNkosi kaIsrayeli.

UMatewu 21:6

Abafundi bahamba, benza njengalokhu uJesu wayebalayile;

ULukha 24:27

Esusela kuMose lakubo bonke abaprofethi, wabachasisela emibhalweni yonke izinto eziqondene laye.