UMatewu 19:21 - iBhayibhili Elingcwele 1978

²¹ UJesu wathi kuyo: Uba uthanda ukuphelela, hamba uthengise impahla yakho, ubaphe abayanga, ng’khona uzakuba lenotho ezulwini; uze ungilandele.

IBhayibhili Elingcwele LesiNdebele

²¹ UJesu waphendula wathi, “Nxa ufuna ukuthi uphelele, thengisa yonke inotho yakho uphe abampofu, lapho-ke inotho yakho izakuba sezulwini. Ubusubuya ungilandele.”

UMatewu 19:21 Referans Kwoze

UMakho 10:21

UJesu emkhangela, wamthanda, wathi kuye: Usaswele ulutho lunye; hamba uthengise konke olakho, uphe abayanga, uzakuba lenotho ezulwini; uze ungilandele.

ULukha 18:22

UJesu ekuzwa lokhu wathi kuye: Usaswele ulutho lunye; thengisa konke olakho, wabele abayanga, kung’khona uzakuba lenotho ezulwini; uze ungilandele.

ULukha 12:33

Thengisani impahla zenu, liphe iziphiwo; lizenzele imixhaka engagugiyo lenotho engapheliyo ezulwini, lapho kungasondeli isela khona, lalapho inondo ingoni khona.

ULukha 14:33

Kunjaloke ilowo lalowo kini ongadeli konke alakho angebe ngumfundi wami.

Imisebenzi 2:45

bathengisa izinto zabo lempahla zabo, babelana bonke njengokuswela kwabo.

UJohane 12:26

Uba umuntu engikhonza, kangilandele; lalapho ngikhona, uzakuba khona umfokazi wami. Uba umuntu engikhonza, uBaba uzakumdumisa yena.

ULukha 9:23

Wasesithi kubo bonke: Uba umuntu ethanda ukungilandela, kazidele, athathe isiphambano sakhe insuku ngensuku, angilandele.

UJohane 10:27

Izimvu zami ziyalizwa elami ilizwi; lami ngiyazazi, ziyangilandela;

UMatewu 5:48

Ngakho lina wobani ngabapheleleyo, njengokuba uYihlo osezulwini ephelele.

ULukha 16:9

Lami ngithi kini: Zenzeleni lina abangane ngenotho engalunganga ukuze kuthi, nxa isiphelile, balamukele ezindlini ezingapheliyo.

UMatewu 19:28

UJesu wathi kubo: Ngiqinisile ngithi kini: Lina elingilandeleyo, elizweni elizayo lapho iNdodana yomuntu isihlezi esihlalweni sobukhosi bayo, lani lizakuhlala ezihlalweni zobukhosi ezilitshumi lambili lithonisise izizwe ezilitshumi lambili zakoIsrayeli.

UMatewu 16:24

UJesu wasesithi kubafundi bakhe: Uba umuntu ethanda ukungilandela, kazidele, athathe isiphambano sakhe, angilandele.

ULukha 6:40

Umfundi kamkhulu kulomfundisi wakhe; kodwa ilowo lalowo esefundiswe waphelela uzakuba njengomfundisi wakhe.

ULukha 5:27

Emva kwalokho waphuma, wabona umthelisi othiwa nguLevi, ehlezi endaweni yokuthelisela. Wathi kuye: Ngilandela.

UMakho 8:34

Wasebiza ixuku kanye labafundi bakhe, wathi kubo: Uba umuntu ethanda ukungilandela kazidele, athathe isiphambano sakhe, angilandele.

UMatewu 9:9

Esedlula lapho uJesu wabona umuntu othiwa nguMathewu ehlezi endaweni yokuthelisela; wathi kuye: Ngilandela. Wasukuma, wamlandela.

AmaHebheru 10:34

Ngoba lazwelana lababotshiweyo, lavuma ngokuthokoza ukwamukwa impahla yenu, lokhu lisazi ukuthi lina lilempahla enhle kulaleyo, impahla engapheliyo.

UMakho 2:14

Wathi edlula, wabona uLevi indodana kaAlfewu, ehlezi endaweni yokuthelisela, wathi kuye: Ngilandela. Wasuka, wamlandela.

UMatewu 8:22

Kodwa uJesu wathi kuye: Ngilandela; yekela abafileyo bambele abafileyo babo.

UMatewu 4:19

Wasesithi kubo: Ngilandelani; ngizakulenza libe ngabagoli babantu.

AmaHubo 37:37

Mqhaphelise olungileyo, umbone oqotho, ngoba umuntu wokuthula ulenzalo.

UJobe 1:1

Kwakukhona umuntu othile elizweni laseUzi, ibizo lakhe linguJobe. Lowomuntu wayengelasici, eqotho, emesaba uNkulunkulu, exwaya okubi.

UGenesisi 17:1

Kwathi uAbrama eseleminyaka engamatshumi aficamunwemunye lesificamunwemunye iNkosi yabonakala kuye, yathi kuye: NginguNkulunkulu uSomandla; hamba phambi kwami, ungasoleki.

UGenesisi 6:9

Le yindaba kaNowa. UNowa wayeyindoda elungileyo engasoleki esizukulwaneni sakhe; uNowa wayehamba loNkulunkulu.

UMatewu 19:20

Insizwa yathi kuye: Konke lokhu ngikugcinile; ngisaswelani?

UMatewu 19:22

Kodwa isizwile lelilizwi insizwa yasuka idanile, ngoba yayilenotho enengi.