UMatewu 19:17 - iBhayibhili Elingcwele 1978

¹⁷ Wathi kuye: Ungibuzelani ngokulungileyo na? Munye kuphela olungileyo. Kodwa uba uthanda ukungena ekuphileni, gcina imilayo.

IBhayibhili Elingcwele LesiNdebele

¹⁷ UJesu waphendula wathi, “Ungibuzelani ngokulungileyo na? Munye kuphela olungileyo. Nxa ufuna ukungena ekuphileni, landela imilayo.”

UMatewu 19:17 Referans Kwoze

ULevi 18:5

Ngakhoke gcinani izimiso zami lezahlulelo zami; umuntu angaphila ngokwenza njalo.

AbaseRoma 10:5

UMose uloba ukuthi lowo owenza ukulunga okungomlayo uzakuphila ngakho.

1 USamuyeli 2:2

Kakho ongcwele njengeNkosi, kakho loyedwa ngaphandle kwakho; futhi kalikho ledwala elinjengoNkulunkulu wethu.

1 UJohane 4:16

Ngakhoke siyalwazi, sikholwe kuloluthando uNkulunkulu alalo kithi. UNkulunkulu uluthando, lohlala othandweni uhlala kuNkulunkulu, loNkulunkulu uhlala kuye.

UHezekhiyeli 20:21

Kodwa labantwana bangihlamuka, kabaze bahamba ngezimiso zami, kabaqaphelisanga ukugcina imithetho yami, umuntu azaphila ngayo uba eyenza; bawangcolisa amaSabatha ami. Ngasengisithi ngizakwehlisela ukuthukuthela kwami phezu kwabo, ngibaqede ngolaka lwami enkangala.

UNehemiya 9:29

Wabaxwayisa ukuze babuyele emlayweni wakho; kodwa bazikhukhumeza, kabayilalelanga imilayo yakho; bayephula imithetho yakho umuntu aphila ngokuyilalela; baqinisa amakhanda, baba lenkani, kabaze balalela.

UJakhobe 1:17

Iziphiwo zonke ezinhle leziphiwo zonke ezipheleleyo zivela phezulu, zehla kuYise wezinkanyezi okungekho kuye ukuphenduka njengemithunzi ephendukayo.

AmaHubo 52:1

Uzincomelani ngokubi okwenziwa phezu kolungileyo, wena qhawe na?

AmaHubo 119:68

Wena ulungile, wenza okulungileyo; ngifundisa izimiso zakho.