UMatewu 18:28 - iBhayibhili Elingcwele 1978

²⁸ Kodwa isaphuma leyonceku yafumana omunye wabayizinceku kanye layo olomlandu kuyo wamadola amalutshwana, yambamba, yamkhama, yathi: Hlawula umlandu wakho.

IBhayibhili Elingcwele LesiNdebele

²⁸ Kodwa leyo yonela ukuphuma, yafumana eyinye inceku eyayilesikwelede sayo samadenari alikhulu. Yayibamba ngomphimbo, yayiklinya, yathi ngolaka, ‘Hlawula isikwelede sami!’

UMatewu 18:28 Referans Kwoze

UMatewu 20:2

Esevumelene lezisebenzi ngemadlana yosuku, wazithumela esivinini sakhe.

UHezekhiyeli 45:9

INkosi uNkulunkulu ithi: Kwanele, lina zikhulu zakoIsrayeli! Lahlani isihluku lokucindezela, lenze ukwahlulela lokulunga, likhawule ukuxotsha abantu bami, kutsho iNkosi uNkulunkulu.

UDutheronomi 15:2

Lizakuyiyekela ngalindlela; lowo lalowomuntu oweboleke omunye uzakumyekela umakhelwana wakhe isikwelede sakhe, angasibizi kowakibo, ngoba ukuyekela kumenyezelwe yiNkosi.

U-Isaya 58:3

besithi: Sizileleni ukudla, uba iNkosi ingakunanzi na? Sizihluphelani, uba ingalandaba ngakho na? Lokhu ngosuku lokuzila kwenu lizilela imisebenzi yenu, licindezele zonke izisebenzi zenu,

UNehemiya 10:31

Uba abantu balelilizwe beletha impahla loba amabele ukukuthengisa ngeSabatha, kasiyikuthenga kibo ngeSabatha langosuku olungcwele. Sizayekela ukulima ngomnyaka wesikhombisa, siyekele lemilandu yonke.

UNehemiya 5:7

Ngathi sengicabangile ngasola izikhulu lezinduna, ngathi kuzo: Khangelani ubunzima omunye lomunye wenu abethwese umfowabo! Ngababizela umhlangano omkhulu, ngabasola,

Izaga 28:3

Umbusi omubi ocindezela abayanga unjengezulu elinengi elona amabele.

UMatewu 18:27

Inkosi yaleyonceku yayihawukela, yayikhulula, yayiyekela umlandu.

UMatewu 18:29

Inceku leyo yawa phansi, yayincenga yathi: Ake ungibekezelele, ngizakukuhlawula.

UMakho 6:37

Wabaphendula wathi kibo: Banikeni lina ukudla. Bathi kuye: Sihambe yini, siyethenga izinkwa zamadola angamatshumi amabili, sibaphe badle na?

UMakho 14:5

Ngoba lamagcobo ngabe athengisiwe ngemali edlula amadola angamatshumi amathathu, kwanikwa abayanga. Bamthukuthelela kakhulu.

ULukha 7:41

Kwakukhona abantu ababili ababelamacala okweboleka; omunye wayelecala lamadola angamatshumi amahlanu, lomunye elecala lamadola angamahlanu.

ULukha 10:35

Ngakusasa wakhupha inhlamvu ezimbili zemali, wazinika umninindlu, esithi: Umlondoloze, uba uchitha okudlula lokhu, ngizakubuyisela kuwe ekubuyeni kwami.

UJohane 6:7

UFiliphu wamphendula wathi: Izinkwa zamadola angamatshumi amabili zingebanele ukuba ilowo lalowo azuze ingcosana nje.