UMatewu 18:12 - iBhayibhili Elingcwele 1978

¹² Lithini na? Uba umuntu elezimvu ezilikhulu, kulahleke enye kuzo, kazitshiyi yini ezingamatshumi aficamunwemunye lezificamunwemunye ezintabeni, ahambe ukuyadinga elahlekileyo na?

IBhayibhili Elingcwele LesiNdebele

¹² Kambe likhumbulani? Nxa indoda ilezimvu ezilikhulu, enye iqambuke kwezinye, kayiyikuzitshiya yini lezo ezingamatshumi ayisificamunwemunye lasificamunwemunye ezintabeni iyedinga leyo eqambukileyo?

UMatewu 18:12 Referans Kwoze

UHezekhiyeli 34:12

Njengomalusi edinga umhlambi wakhe lapho ezinye izimvu zakhe sezichithekile, ngokunjaloke ngizadinga izimvu zami, ngizikhuphe kuzo zonke indawo lapho ezihlakazekele khona ngosuku lwamayezi lomnyama omkhulu.

UHezekhiyeli 34:16

Ngizadinga ezilahlekileyo, ngibuyise eziduhileyo, ngibophe ezaphukileyo, ngiqinise ezibuthakathaka; lezinonileyo leziqinileyo ngizazilondoloza, ngizidlise ngokulunga.

UHezekhiyeli 34:28

Kazisayikuba yimpango yezizwe, kazisayikudliwa yizilo zelizwe; zizalondolozeka, zingesatshiswa muntu.

UHezekhiyeli 34:6

Izimvu zami zachitheka, zazulazula kuzo zonke intaba, lakiwo wonke amaqaqa aphakemeyo; izimvu zami zachitheka endaweni zonke zomhlaba, kungekho loyedwa ozilandelayo azidinge.

U-Isaya 53:6

Thina sonke siduhile njengezimvu; lowo lalowo wahamba ngendlela yakhe; iNkosi yehlisela phezu kwayo ububi bethu sonke.

1 UPhethro 2:25

Ngoba lalinjengezimvu ezilahlekileyo, kodwa khathesi selibuyele kumalusi lomlondolozi wemiphefumulo yenu.

UMatewu 12:11

Wathi kibo: Nguwuphi umuntu wakini elemvu eyodwa, uba iwele emgodini ngeSabatha ongayikuyibamba ayikhuphe na?

UJeremiya 50:6

Abantu bami bebeyizimvu ezilahlekileyo; abelusi babo babaduhisile, bebebalusela ezintabeni; besuka entabeni besiya kwenye, bakhohlwa isibaya sabo.

AmaHubo 119:176

Ngiduhile njengemvu elahlekileyo; dinga inceku yakho, ngoba kangikhohlwa imithetho yakho.

UMatewu 21:28

Lithini na? Umuntu wayelamadodana amabili; waya kweyokuqala, wathi: Mntanami, hamba uyesebenza lamuhla esivinini.

1 AbaseKhorinte 10:15

Ngikhuluma njengakwabahlakaniphileyo; qedisisani engikutshoyo.

UMatewu 22:42

wathi: Lithini ngoKristu na? Uyindodana kabani na? Bathi kuye: NgekaDavida.

1 AmaKhosi 21:17

Kwasekufika ilizwi leNkosi kuElija waseTishibi lathi:

UHezekhiyeli 34:4

Kaliziqinisanga ezibuthakathaka, kalizelaphanga ezigulayo, lezaphukileyo kalizibophanga, kalizibuyisanga eziduhileyo, lezilahlekileyo kalizidinganga, lizibusile ngamandla langolunya.

UMatewu 18:13

Uba eyifumana, ngiqinisile ngithi kini: Uthokoza ngayo kakhulu kulangazo ezingamatshumi aficamunwemunye lezificamunwemunye ezingalahlekanga.