UMatewu 14:33 - iBhayibhili Elingcwele 1978

³³ Abasemkolweni bamkhonza, bathi: Lembala wena uyiNdodana kaNkulunkulu.

IBhayibhili Elingcwele LesiNdebele

³³ Kwathi labo ababesesikepeni bamkhonza bathi, “Ngempela uyiNdodana kaNkulunkulu.”

UMatewu 14:33 Referans Kwoze

AmaHubo 2:7

Ngizakulandisa isimemezelo seNkosi eyathi kimi: Wena uyindodana yami, lamuhla ngikuzele.

UJohane 11:27

Wathi kuye: Yebo Nkosi, ngiyakholwa ukuthi wena unguKristu, iNdodana kaNkulunkulu, obezakuza emhlabeni.

UJohane 1:49

UNathanyeli waphendula wathi: Mfundisi, uyiNdodana kaNkulunkulu; uyiNkosi kaIsrayeli.

AbaseRoma 1:4

kodwa ngokukaMoya wobungcwele yabonakaliswa ngamandla ukuthi iyiNdodana kaNkulunkulu ngokuvuka kwabafileyo, uJesu Kristu iNkosi yethu.

UMakho 1:1

Nanku ukuqala kwevangeli likaJesu Kristu, iNdodana kaNkulunkulu.

UJohane 6:69

Siyakholwa, sesisazi ukuthi wena ungoNgcwele kaNkulunkulu.

UMatewu 16:16

USimoni Petro waphendula wathi: UnguKristu, iNdodana kaNkulunkulu ophilayo.

UJohane 17:1

UJesu wakhuluma lamazwi; waphakamisela amehlo akhe ezulwini, wathi: Baba, isikhathi sesifikile; dumisa iNdodana yakho, ukuze iNdodana ikudumise wena.

ULukha 4:41

Kwaphuma labomoya ababi kwabanengi bememeza besithi: Wena uyiNdodana kaNkulunkulu. Kodwa wabakhuza, engabavumeli ukuba bakhulume, ngoba babemazi ukuthi unguKristu.

UMakho 15:39

Kwathi induna yekhulu eyayimi maqondana laye imbona esifa ngokunjalo, yathi: Lembala lumuntu ubeyiNdodana kaNkulunkulu.

UMatewu 28:17

sebembonile bamkhonza, kodwa abanye bathandabuza.

UMatewu 28:9

Khangela, uJesu wabahlangabeza, wathi: Okuhle! Basondela babamba inyawo zakhe, bamkhonza.

UMatewu 26:63

Kodwa uJesu wathula. Umpristi omkhulu wathi kuye: Ngikufungisa uNkulunkulu ophilayo ukuba usitshele uba unguKristu, iNdodana kaNkulunkulu.

UJohane 19:7

Kodwa abaJuda bamphendula bathi: Silomlayo thina; ngomlayo wethu ufanele ukufa, ngoba uzenze iNdodana kaNkulunkulu.

ULukha 24:52

Babuyela eJerusalema, belokuthokoza okukhulu.

UMatewu 27:54

Kwathi induna yekhulu lalabo ababelayo belinde uJesu, sebebonile ukuzamazama komhlaba lalokho okwenzekileyo besaba kakhulu, bathi: Lembala lumuntu ubeyiNdodana kaNkulunkulu.

UMatewu 15:25

Kodwa owesifazana wasondela, waguqa phambi kwakhe, wathi: Nkosi, ngisize.

UMatewu 4:3

Kweza umlingi, wathi kuye: Uba uyiNdodana kaNkulunkulu, tshono ukuba lamatshe abe yizinkwa.

UDanyeli 3:25

Yaphendula yathi: Kodwa ngibona amadoda amane akhululekileyo ezihambela phakathi komlilo, kawalimalanga; leyesine ifanana lendodana yabonkulunkulu.

Imisebenzi 8:36

Kwathi besahamba endleleni, bafika emanzini; induna yathi: Khangela, nanka amanzi; kwalani ukuba ngibhaphathizwe na?

ULukha 8:28

Kwathi imbona uJesu yamemeza, yawa phansi phambi kwakhe, yathi ngelizwi elikhulu: Ngilani lawe Jesu, Ndodana kaNkulunkulu oPhezukonke? Ngiyakuncenga, ungangihluphi.

UMakho 14:61

Kodwa wathula, kaphendulanga lutho. Umpristi omkhulu wabuye wambuza, wathi kuye: UnguKristu, iNdodana yoBongekayo na?

UMatewu 27:43

Wathemba uNkulunkulu; kamkhulule khathesi, uba emthanda, ngoba wathi: NgiyiNdodana kaNkulunkulu.

UMatewu 17:5

Kwathi esakhuluma, iyezi elikhanyayo labasibekela; kwezwakala ilizwi eyezini, lathi: Lo uyiNdodana yami ethandekayo engithokoza ngayo; zwanini yona.

UMatewu 2:11

Zasezingena endlini, zabona umntwana loMariya unina, zakhothamela phansi, zamkhonza, zasibukula izitsha zazo ezilempahla eligugu, zamkhunga ngeziphiwo, igolide lamakha lenhlaka.

UMatewu 14:32

Sebengenile emkolweni, umoya wathula.