UMatewu 14:19 - iBhayibhili Elingcwele 1978

¹⁹ Walaya amaxuku ukuba ahlale phansi otshanini; wathatha izinkwa ezinhlanu lenhlanzi ezimbili, wakhangela ngasezulwini, wabonga; esezihlephule wabanika abafundi, abafundi bawanika amaxuku.

IBhayibhili Elingcwele LesiNdebele

¹⁹ Waselaya abantu ukuthi bahlale phansi phezu kotshani. Wathatha izinkwa ezinhlanu lenhlanzi ezimbili wakhangela ezulwini wabonga, wasehlephuna izinkwa. Waseziqhubela abafundi, bazinika abantu.

UMatewu 14:19 Referans Kwoze

ULukha 24:30

Kwathi esehlezi ekudleni, wathatha isinkwa, wabonga, wasihlephuna, wabanika.

1 USamuyeli 9:13

Lizamfumana lisangena nje ngekhaya engakayikudla endaweni ephakemeyo yokukhonzela; abantu kabayikudla engakafiki, ngoba nguye obusisa umhlatshelo, andubana badle abamenyiweyo. Hambanike, lizamfumana masinyane nje.

Imisebenzi 27:35

Esetshilo lokhu wathatha isinkwa, esebongile uNkulunkulu phambi kwabo bonke, wasihlephula, waqala ukudla.

UMakho 6:41

Wathatha izinkwa ezinhlanu lenhlanzi ezimbili, ekhangela ezulwini, wabonga, wazihlephula izinkwa, wazinika abafundi bakhe ukuba bazibeke phambi kwabo; lenhlanzi ezimbili wababela bonke.

1 AbaseKhorinte 11:24

isibongile yasihlephuna, yathi: Lokhu kungumzimba wami ohletshunelwa lina; lokhu kwenzeni ukuba lingikhumbule.

AbaseRoma 14:6

Ohlonipha usuku, uluhlonipha ngenxa yeNkosi; odlayo, udla ngenxa yeNkosi, ngoba ubonga uNkulunkulu; ongadliyo, wenza njalo ebonga uNkulunkulu laye.

AbaseKholose 3:17

Konke elikwenzayo, loba kungelizwi loba kungezenzo, kwenzeni konke ebizweni leNkosi uJesu, libonge uNkulunkulu uYise ngaye.

1 AbaseKhorinte 10:16

Inkezo yesibusiso esiyibusisayo kasiyo eyokuhlanganyela egazini likaKristu na? Isinkwa esisihlephunayo kasiso esokuhlanganyela emzimbeni kaKristu na?

ULukha 9:14

Ngoba kwakukhona amadoda angaba zinkulungwane ezinhlanu. Wasesithi kubafundi bakhe: Bahlaliseni phansi ngezigaba ngamatshumi amahlanu.

UMakho 7:34

Ekhangela ezulwini, wabubula, wathi kuye: “Efatha”; okuyikuthi: Vuleka!

1 AbaseKhorinte 10:31

Ngitsho ukuthi loba lisidla, loba linatha, loba lisenzani, konke kwenzeleni udumo lukaNkulunkulu.

UJohane 6:23

Kodwa imikolo evela eTiberiyasi yafika eduze lendawo lapho badla khona isinkwa, emva kokuba iNkosi isibongile.

UMakho 6:39

Wabalaya ukuba bonke bahlale phansi ngamaxuku otshanini obuluhlaza.

UJohane 11:41

Balisusake ilitshe. Khona uJesu waphakamisa amehlo akhe, wathi: Baba, ngiyakubonga ngoba ungizwile.

ULukha 22:19

Wathatha isinkwa, esebongile, wasihlephuna, wabanika esithi: Lokhu kungumzimba wami, [owanikelelwa lina; yenzani lokhu ukuba lingikhumbule.

ULukha 9:16

Ethatha izinkwa ezinhlanu lenhlanzi ezimbili, wakhangela ezulwini, wabonga, wazihlephula, wazinika abafundi ukuba balabele ixuku.

UMatewu 14:18

Wasesithi: Ziletheni lapha kimi.

ULukha 22:17

Wasethatha inkezo, esebongile wathi: Thathani lokhu, labelane;