UMatewu 13:38 - iBhayibhili Elingcwele 1978

³⁸ insimu ngumhlaba; inhlanyelo enhle yibo abantwana bombuso; kodwa umfaba ungabantwana bakaSathane;

IBhayibhili Elingcwele LesiNdebele

³⁸ Insimu ngumhlaba njalo inhlanyelo enhle imele abantu bombuso. Ukhula lungabantu bomubi

UMatewu 13:38 Referans Kwoze

UJohane 8:44

Lina lingabakayihlo uSathane, lithanda ukwenza inkanuko zakhe. Yena wayengumbulali kusukela ekuqaleni, kemi eqinisweni, ngoba iqiniso kalikho kuye. Nxa eqamba amanga, ukhuluma njengesimo sakhe, ngoba engumqambi wamanga loyise wamanga.

Imisebenzi 13:10

wathi: Wena ndodana kaSathane, uyisitha sakho konke ukulunga, ugcwele inkohliso yonke lobubi bonke, kawuyekeli ukuphambukisa indlela eziqondileyo zeNkosi na?

UGenesisi 3:15

Ngizavusa inzondano phakathi kwakho lowesifazana, laphakathi kwenzalo yakho lenzalo yakhe. Yona izachoboza ikhanda lakho, wena uzalimaza isithende sayo.

1 UPhethro 1:23

Selizelwe ngokutsha, kungesikho ngenhlanyelo ebolayo, kodwa ngengaboliyo, ngelizwi likaNkulunkulu eliphilayo lelimiyo.

UJakhobe 1:18

Ngokuthanda kwakhe wasizala ngelizwi leqiniso, ukuba sibe ngamazibulo ezidalwa zakhe.

UMatewu 13:19

Kuthi umuntu esizwa ilizwi lombuso engaliqedisisi, kuze uSathane ahluthune okuhlanyelwe enhliziyweni yakhe. Yilo ohlanyelwe endleleni.

1 UJohane 3:2

Bathandekayo, khathesi singabantwana bakaNkulunkulu; kakukabonakali esizakuba yikho, kodwa siyazi ukuthi, nxa esefikile, sizakuba njengaye, ngoba sizakumbona njengoba enjalo.

AbaseKholose 1:6

eselifikile kini, njengalokhu selikhona emhlabeni wonke. Lelivangeli liyanda lithela izithelo, njengoba kunjalo laphakathi kwenu, kusukela mhla wosuku elezwa ngalo, lawazi umusa kaNkulunkulu ngeqiniso.

AbaseRoma 16:26

kodwa isibonakalisiwe khathesi, yaziswa ezizweni zonke ngemibhalo yabaprofethi njengomlayo kaNkulunkulu ongapheliyo ukuze zilalele ngokukholwa,

AbaseRoma 10:18

Kodwa ngithi: Kabezwanga na? Impela, bezwa. Ngoba kuthiwa: Ilizwi labo liphumele emhlabeni wonke, lamazwi abo aphumele emikhawulweni yomhlaba.

AbaseRoma 8:17

uba singabantwana, siyizindlalifa futhi, izindlalifa zikaNkulunkulu lezindlalifa kanye loKristu, uba phela sihlupheka kanye laye ukuze sidunyiswe kanye laye.

UJohane 12:24

Ngiqinisile, ngiqinisile ngithi kini: Uba uhlamvu lwebele luwela emhlabathini lungafi, luhlala lodwa; kodwa aluba lusifa, luyathela izithelo ezinengi.

ULukha 24:47

kutshunyayelwe ebizweni lakhe ukuphenduka, lokuthethelelwa kwezono ezizweni zonke, kuqalwe eJerusalema.

UMatewu 24:14

Lelivangeli lombuso lizakutshunyayelwa emhlabeni wonke kube yibufakazi ezizweni zonke, andubana kufike ukuphela.

UHosiya 2:23

Ngizakumhlanyela uIsrayeli elizweni abe yisivuno sami. Ngizamhawukela uLo‐Ruhama, ngithi kuLo‐Ami: Lina lingabantu bami; yena athi: Wena unguNkulunkulu wethu.

U-Isaya 53:10

Kanti iNkosi yathanda ukuyichoboza kabuhlungu. Uba inikela ukuphila kwayo kube lihlawulo ngesono, izakubona inzalo yayo, iphile insuku ezinengi, lentando yeNkosi ipheleliswe ngayo.

AmaHubo 22:30

Inzalo izakuyikhonza; isizukulwana esizayo sizakutshelwa ngayo iNkosi,

Isambulo 14:6

Ngasengibona esinye isithunywa siphapha emkhathini, silevangeli elingapheliyo ukulitshumayela kwabakhileyo emhlabeni, kuzo zonke izizwe, lemihlobo, lezindimi labantu.

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

UMatewu 5:37

Ilizwi lenu kalibe ngelokuthi: Yebo; loba: Atshi. Okudlula lokho kuvela komubi.

UMatewu 8:12

Kodwa amadodana ombuso azakukhutshelwa emnyameni ongaphandle, lapha kuzakuba khona ukukhala lokugedla amazinyo.