UMatewu 13:30 - iBhayibhili Elingcwele 1978

³⁰ Yekelani kukhule kokubili ndawonye, kuze kuvunwe; ngesikhathi sokuvuna ngizakuthi kwabavunayo: Buthani kuqala umfaba liwubophe izinyanda ukuba utshiswe; kodwa amabele liwabuthele esihudlwini sami.

IBhayibhili Elingcwele LesiNdebele

³⁰ Kuyekeleni kukhule ndawonye kuze kube yisikhathi sokuvuna. Lapho-ke, ngizakuthi kubavuni, Qalani ngokuqoqa ukhula lilubophe izinyanda ukuba lutshiswe, beseliqoqa amabele liwalethe esiphaleni sami.’ ”

UMatewu 13:30 Referans Kwoze

UMatewu 3:12

Ositsha sakhe sokwela sisesandleni sakhe; uzakuthanyela isibuya sakhe, abuthele amabele akhe esiphaleni sakhe; kodwa amakhoba uzakuwatshisa ngomlilo ongacimekiyo.

1 uTimothi 5:24

Izono zabanye abantu zisobala, zandulela ekulahlweni, kanti ezabanye ziyabalandela.

1 AbaseKhorinte 4:5

Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.

UJohane 15:6

Uba umuntu engahlali kimi, ulahlwa njengogatsha olubunileyo; bazibuthe, baziphose emlilweni, zitshe.

UMalaki 3:18

Beselibuya lisahlukanisa phakathi kwabalungileyo lababi, laphakathi komuntu omkhonzayo uNkulunkulu longamkhonziyo.

UMatewu 25:32

kuzakubuthelwa phambi kwayo izizwe zonke; izakubahlukanisa abanye kwabanye, njengomalusi esahlukanisa izimvu lembuzi,

ULukha 3:17

Ositsha sakhe sokwela sisesandleni sakhe; uzakuthanyela isibuya sakhe abuthele amabele esiphaleni sakhe; kodwa amakhoba uzakuwatshisa ngomlilo ongacimiyo.

UMatewu 25:41

Izakuthi kibo abangakwesokhohlo: Sukani kimi lina eliqalekisiweyo, liye emlilweni ongapheliyo olungiselwe uSathane lezithunywa zakhe.

1 USamuyeli 25:29

Loba kusuka umuntu exotshana lawe efuna ukuphila kwakho, iNkosi uNkulunkulu wakho izagoqela ukuphila kwakho, ikugcine; kodwa ukuphila kwezitha zakho izakukujikijela kungathi kuphoswa amatshe ngesavutha.

2 USamuyeli 23:7

kodwa owathintayo uwathinta ngensimbi langoluthi lomkhonto, atshiswa ngomlilo aphele.

U-Isaya 17:5

kube njengalapho umvuni ebamba ngengalo yakhe amabele emiyo, aqume izikhwebu zawo; loba njengalapho umuntu edobha izikhwebu esigodini saseRefayimi,

UMatewu 13:25

kodwa kwathi abantu besalele, kwafika isitha sakhe, sahlanyela umfaba phakathi kwamabele, sahamba.

UMatewu 13:29

Kodwa wathi: Atshi, funa ekusiphuneni kwenu umfaba lisiphune kanye lamabele.

UJobe 39:12

Ungathemba ukuthi izabuya iletha amabele akho esizeni sakho na?