UMatewu 13:20 - iBhayibhili Elingcwele 1978

²⁰ Ohlanyelwe edwaleni nguye olizwayo ilizwi, alamukele masinyane ngokuthokoza;

IBhayibhili Elingcwele LesiNdebele

²⁰ Inhlanyelo eyawela okhetheni ngumuntu olizwayo ilizwi aphange alamukele ngentokozo.

UMatewu 13:20 Referans Kwoze

UJohane 5:35

Yena wayeyisibane esivuthayo lesikhanyayo; lani lathokoza okwesikhatshana ekukhanyeni kwakhe.

UMakho 6:20

ngoba uHerodi wayemesaba uJohane emazi ukuba uyindoda elungileyo lengcwele, wamlondoloza; nxa emuzwa, wadideka kakhulu, kodwa wamuzwa ngokuthokoza.

U-Isaya 58:2

Bayangidinga insuku zonke, bathanda ukwazi indlela zami, kungathi bayisizwe esithanda ukwenza ukulunga, esingatshiyi ukwahlulela kukaNkulunkulu waso, bebuza kimi izahlulelo zokulunga, bethanda ukusondela kuNkulunkulu,

2 ImiLando 24:2

UJowashi wenza okulungileyo phambi kweNkosi, insuku zonke zikaJehoyada umpristi.

Imisebenzi 8:13

LoSimoni laye wakholwa; esebhaphathiziwe, wanamathela kuFiliphu, wamangala ebona izibonakaliso lezimangaliso ezinkulu ezazisenziwa.

2 ImiLando 24:14

Kwathi sebeqedile bayiletha imali eseleyo enkosini lakuJehoyada, kwenziwa ngayo izitsha zethempeli, ezenkonzo lezeminikelo yokutshiswa, lemiganu yempepha, lezinye izitsha zegolide lezesiliva. Banikela njalonjalo iminikelo yokutshiswa ethempelini insuku zonke zikaJehoyada.

2 ImiLando 24:6

Inkosi yasibiza uJehoyada umpristi omkhulu, yathi kuye: Kungani ungatshelanga amaLevi ukuba baqoqe koJuda laseJerusalema umthelo owamiswa nguMose inceku yeNkosi ebandleni lakoIsrayeli ukuba ube ngowethente loBufakazi?

UMatewu 7:8

Ngoba ilowo lalowo ocelayo uyamukela, lofunayo uyafumana, loqoqodayo uyavulelwa.

UMatewu 13:19

Kuthi umuntu esizwa ilizwi lombuso engaliqedisisi, kuze uSathane ahluthune okuhlanyelwe enhliziyweni yakhe. Yilo ohlanyelwe endleleni.

UMatewu 13:21

kodwa kalampande phakathi kwakhe, ngakho uhlala isikhatshana, kuthi sekuvela inkathazo ingabe ukuzingelwa ngenxa yelizwi, akhubeke masinyane.