UMatewu 13:19 - iBhayibhili Elingcwele 1978

¹⁹ Kuthi umuntu esizwa ilizwi lombuso engaliqedisisi, kuze uSathane ahluthune okuhlanyelwe enhliziyweni yakhe. Yilo ohlanyelwe endleleni.

IBhayibhili Elingcwele LesiNdebele

¹⁹ Nxa umuntu esizwa ilizwi ngombuso kodwa engabambisisi, omubi uyeza ahwithe lokho obekuhlanyelwe enhliziyweni yakhe. Yiyo le inhlanyelo eyahlanyelwa endleleni.

UMatewu 13:19 Referans Kwoze

UMatewu 13:38

insimu ngumhlaba; inhlanyelo enhle yibo abantwana bombuso; kodwa umfaba ungabantwana bakaSathane;

AmaHebheru 2:1

Ngakhoke asiqaphelisise esikuzwileyo funa mhlawumbe siduhe kukho.

1 UJohane 5:18

Siyazi ukuthi lowo ozelwe nguNkulunkulu koni; ngoba iNdodana kaNkulunkulu iyamgcina, loSathane kamthinti.

UMatewu 4:23

UJesu wahambahamba elizweni lonke laseGalili efundisa emasinagogeni abo, etshumayela ivangeli lombuso, esilisa abantu ezifweni zonke lasebuthakathakeni bonke.

1 UJohane 3:12

singabi njengoKayini owaba ngokaSathane, wabulala umfowabo. Wambulalelani na? Ngoba imisebenzi yakhe yayimibi, kodwa eyomfowabo yayilungile.

AbaseRoma 1:28

Kuthi njengalokhu bengakunanzanga ukumazi uNkulunkulu, uNkulunkulu wabayekela baba lenhliziyo ebolileyo ukuba benze okungafanelanga,

2 AbaseThesalonika 2:12

ukuba bonke abangakholwanga iqiniso kodwa bethokoziswa yikungalungi balahlwe.

AbaseRoma 14:17

Ngoba umbuso kaNkulunkulu kawusikho ukudla lokunatha, kodwa uyikulunga lokuthula lokuthokoza eMoyeni oNgcwele.

AbaseRoma 2:8

kodwa abalenkani bengalaleli iqiniso, belalela ukungalungi, bazakuzwa intukuthelo lolaka.

Imisebenzi 28:23

Kwathi sebemmisele usuku beza kuye endlini yakhe bebanengi, wabachasisela indaba kusukela ekuseni kwaze kwaba kusihlwa, wafakaza ngombuso kaNkulunkulu ezama ukubaphendula ngoJesu, ethathela emlayweni kaMose labaprofethi.

Imisebenzi 20:25

Khathesi, ngiyazi ukuthi kalisayikubona ubuso bami lina lonke engihamba phakathi kwenu, ngitshumayela umbuso.

Imisebenzi 18:15

kodwa ngoba kuyikuphikisana ngamazwi, langamabizo, langomlayo wenu, ziboneleni lina; mina kangithandi ukuba ngumgwebi walezizinto.

Imisebenzi 17:32

Kwathi besizwa ngokuvuka kwabafileyo, abanye bahlekisana ngaye, kodwa abanye bathi: Sizaphinda sikuzwe ngalindaba.

UJohane 18:38

Esetshilo lokhu wabuya waphumela kubaJuda wathi kubo: Kangifumani cala kuye.

UJohane 8:43

Kungani lingaqedisisi inkulumo yami na? Kungoba kalilakulizwa ilizwi lami.

ULukha 10:9

lisilise abagulayo abakuwo, lithi kubo: Umbuso kaNkulunkulu ususondele kini.

ULukha 9:2

Wabathuma ukutshumayela umbuso kaNkulunkulu lokusilisa.

UMakho 4:15

Abangasendleleni yilabo abathi lapho kuhlanyelwa khona ilizwi, lanxa belizwa, uSathane afike masinyane, alisuse ilizwi elihlanyelwe kubo.

UMatewu 5:37

Ilizwi lenu kalibe ngelokuthi: Yebo; loba: Atshi. Okudlula lokho kuvela komubi.

Izaga 17:16

Imali ingasisiza njani isithutha? Uba singelangqondo singathenga ukuhlakanipha na?

Izaga 1:7

Ukuyesaba iNkosi kuyikuqala kokwazi, kodwa izithutha ziyadelela ukuhlakanipha lokufundiswa.

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.

Abase-Efesu 3:8

Mina engimncinyane kulabo bonke abangcwele ngawuphiwa lowomusa wokutshumayela kwabezizwe ivangeli lenotho kaKristu engelakulinganiswa,

UHezekhiyeli 31:18

Phoke, wena ufana lobani ngodumo langobukhulu ezihlahleni zaseEdeni na? Uzakwehliselwa elizweni elingaphansi komhlaba lezihlahla zaseEdeni, ulale phakathi kwabangasokanga, kanye labo ababulewe empini. Lo nguFaro lalo lonke ixuku lakhe, kutsho iNkosi uNkulunkulu.

UMatewu 12:26

Uba uSathane ekhupha uSathane, wahlukene phakathi kwakhe. Pho, umbuso wakhe uzakuma kanjani na?

UMatewu 13:20

Ohlanyelwe edwaleni nguye olizwayo ilizwi, alamukele masinyane ngokuthokoza;