UMatewu 12:31 - iBhayibhili Elingcwele 1978

³¹ Ngakho ngithi kini: Abantu bazakuthethelelwa izono zonke lokuhlambaza, kodwa ukuhlambaza uMoya kakuyikuthethelelwa.

IBhayibhili Elingcwele LesiNdebele

³¹ Ngakho ngiyalitshela ngithi imihlobo yonke yezono lezithuko izathethelelwa, kodwa ukuthuka uMoya akuyi kuthethelelwa.

UMatewu 12:31 Referans Kwoze

ULukha 12:10

Yilowo lalowo okhuluma ilizwi elibi ngeNdodana yomuntu uzakuthethelelwa, kodwa lowo ohlambaza uMoya oNgcwele kayikuthethelelwa.

AmaHebheru 10:29

Pho, lithi ufanele ukutshaywa okungakanani lowo onyathela phansi iNdodana kaNkulunkulu, edelela igazi lesivumelwano enziwe waba ngcwele ngalo, ehlambaza uMoya womusa, na?

AmaHebheru 10:26

Ngoba uba sisona ngabomu emva kokuba samukele ukwazi iqiniso, kakusekho umnikelo ngezono,

Imisebenzi 7:51

Lina abanhliziyo ezilukhuni, abangasokanga enhliziyweni lasendlebeni, limelana njalo loMoya oNgcwele; njengabokhokho benu linjalo lani.

1 UJohane 5:16

Uba umuntu ebona umzalwane wakhe esenza isono esingesiso sokufa, kamkhulekele kuNkulunkulu; uzakumnika ukuphila, ngitsho labo abangenzanga isono sokufa. Sikhona isono sokufa, kangitsho ukuba kukhulekelwe leso;

1 UJohane 1:9

Uba sivuma izono zethu, uthembekile yena, ulungile futhi, ngakho uzakusithethelela izono zethu, asihlambulule kukho konke ukungalungi.

AmaHebheru 6:4

Ngoba labo asebake bakhanyiswa, bezwa isipho sasezulwini, bahlanganyela loMoya oNgcwele,

U-Isaya 55:7

omubi katshiye indlela yakhe, longalunganga imicabango yakhe, abuyele eNkosini ezakuba lomusa kuye, lakuNkulunkulu wethu, ngoba uzamthethelela ngesihle.

UHezekhiyeli 33:11

Tshono kibo uthi: INkosi ithi: Ngiyazifunga mina, kangithokozi ngokufa komubi, kodwa ngokuba omubi atshiye indlela yakhe aphile; tshiyanike, tshiyani indlela zenu ezimbi, ngoba lizafelani, lina bakoIsrayeli na?

U-Isaya 1:18

Wozanike, siqondisane, itsho iNkosi; loba izono zenu zibomvu gebhu, zizakuba mhlophe njengongqoqwane; loba zibomvu njengegazi, zizakuba mhlophe njengoboya bezimvu.

ULevi 24:16

Ohlambaza ibizo leNkosi kabulawe; lonke ibandla lizakumkhanda ngamatshe. Owezizweni ohlala phakathi kwenu laye owokuzalwa elizweni, nxa behlambaza iBizo elingcwele, bazakubulawa.