UMatewu 11:28 - iBhayibhili Elingcwele 1978

²⁸ Wozani kimi lonke elikhatheleyo lelisindiweyo, mina ngizakuliphumuza.

IBhayibhili Elingcwele LesiNdebele

²⁸ Wozani kimi lina lonke elikhatheleyo lelisindwayo, ngizaliphumuza.

UMatewu 11:28 Referans Kwoze

UMatewu 11:29

Thwalani ijokwe lami phezu kwenu, lifunde kimi, ngoba ngimnene ngithobekile; kung’khona imiphefumulo yenu izakufumana ukuphumula.

UJohane 7:37

Kwathi ngosuku lokucina olukhulu lomkhosi uJesu wema wamemeza, esithi: Uba ekhona owomileyo, keze kimi, anathe.

UJohane 6:37

Bonke uBaba anginika bona bazakuza kimi; lozayo kimi angisoze ngimxotshe isibili.

AbaseGalathiya 5:1

UKristu wasikhululela ukuba sibe lenkululeko. Ngakhoke manini liqine, lingabuyi libotshelwe futhi ejogweni lobugqili.

Isambulo 22:17

UMoya lomlobokazi bathi: Woza! Lozwayo lokhu katsho athi: Woza! Lowomileyo keze. Othandayo kathathe amanzi okuphila ngesihle.

UJeremiya 6:16

INkosi ithi: Manini emaqamulweni ezindlela libone, libuze ngemikhondo yasendulo ukuthi ingaphi indlela enhle, lihambe ngayo, lizuze ukuthula. Kodwa bathi: Kasiyikuhamba ngayo.

AmaHubo 116:7

Buyela ekuphumuleni kwakho, mphefumulo wami, ngoba iNkosi ikuphathe ngomusa.

U-Isaya 28:12

eyake yatsho kubo ukuthi: Nanku ukuphumula; phumuzani abadiniweyo; nanku ukuhlumelela; kodwa kabathandanga ukuzwa.

UMatewu 23:4

bayabopha imithwalo enzima, bayibeke emahlombe abantu; kodwa bona kabavumi ukuyisusa ngomunwe wabo.

AmaHebheru 4:1

Ngakhoke lapho sisekhona isithembiso sokungena ekuphumuleni kwakhe asesabe, funa kube khona omunye wenu ofunyanwa esahluleka ukufinyelela kukho.

U-Isaya 66:2

Zonke lezizinto zenziwe yizandla zami, ngakho zonke lezizinto ngezami, kutsho iNkosi. Kodwa umuntu engimqaphelisayo yilowo othobekileyo, olomoya odabukileyo, olesabayo ilizwi lami.

AmaHubo 38:4

Ngoba iziphambeko zami zimbomboze ikhanda lami, ziyangisinda njengomthwalo onzima.

2 AbaseThesalonika 1:7

aliphe lina elihluphekayo ukuphumula kanye lathi ekwambulweni kweNkosi uJesu, evela ezulwini ngamalangabi omlilo, elezithunywa zamandla akhe.

U-Isaya 11:10

Ngalolosuku impande kaJese izakuba luphawu ebantwini, idingwe yizizwe, lendawo yayo ibe lodumo.

AmaHubo 94:13

ukuze umphumuze ensukwini zokuhlupheka, ukuze bambelwe umgodi ababi.

U-Isaya 61:3

nginike labo abalilayo eZiyone imiqhele endaweni yomlotha, lamafutha enjabulo endaweni yengubo yokulila, indumiso endaweni yomoya odanileyo; ukuze babizwe ngokuthi yizihlahla zobuqotho, ezihlanyelwe yiNkosi, ukuba izuze udumo.

UmTshumayeli 1:8

Zonke izinto ziyadinisa; ukudinisa kwazo kungeze kwalandiswa. Ilihlo kalaneliswa yikubona, lendlebe yikuzwa.

UmTshumayeli 4:8

ngabona umuntu ongelabani indodana kumbe umfowabo etshikatshika njalonjalo enganeliswa yinotho yakhe engazibuzi ukuthi: Ngitshikatshikela bani, ngidele ukuzithokozisa na? Lokho lakho kulize lomsebenzi omubi.

Imisebenzi 15:10

Ngakhoke limlingelani uNkulunkulu ngokubeka ijokwe entanyeni yabafundi okhokho kanye lathi esingabanga lamandla okulithwala na?

UJobe 5:7

Ngoba umuntu uzalelwe ukuhlupheka njengoba inhlansi ziqhatshela phezulu.

AmaHubo 32:4

Ngoba emini lasebusuku isandla sakho, Nkosi, sasinzima phezu kwami; umzimba wami woma kungathi wonyiswa yikutshisa kwehlobo.

UmTshumayeli 1:14

Ngikubonile konke okwenziwayo ngaphansi kwelanga; konke kulize lamaya.

U-Isaya 1:4

Hawu, sizwe esonayo, bantu abasindwa yibubi, nzalo yababi, bantwana abonakeleyo! Liyitshiyile iNkosi, limdelile oNgcwele kaIsrayeli, lihlamukile.

UJobe 14:1

Umuntu ozelwe ngowesifazana insuku zakhe zilutshwana, zigcwele inhlupheko.

UJeremiya 31:25

Ngizabanelisa bonke abakhatheleyo, ngiqinise labo bonke abasosizini.

Imisebenzi 20:35

Kukho konke ngilitshengisile ukuthi kumele ukuba sisize ababuthakathaka ngokusebenza okunjalo, sikhumbule amazwi eNkosi uJesu ukuthi yena wathi: Kubusisekile ukupha kulokwamukela.

UJeremiya 35:16

Amadodana kaJonadabi indodana kaRekabi awugcinile umlayo ukhokho wawo awanika wona, kodwa lababantu kabangilalelanga.