UMatewu 10:22 - iBhayibhili Elingcwele 1978

²² Lizakuzondwa yibo bonke ngenxa yebizo lami; kodwa ophikelelayo kuze kube sekupheleni nguye ozakusiliswa.

IBhayibhili Elingcwele LesiNdebele

²² Bonke abantu bazalizonda ngenxa yebizo lami kodwa lowo oma aqine kuze kube sekupheleni uzasindiswa.

UMatewu 10:22 Referans Kwoze

UMatewu 24:13

Kodwa ophikelelayo kuze kube sekupheleni nguye ozakusiliswa.

UJakhobe 1:12

Ubusisiwe umuntu obekezelayo ekulingweni; ngoba lapho esehloliwe uzakwamukeliswa umqhele wokuphila othenjiswe nguNkulunkulu kwabamthandayo.

Isambulo 2:10

Ungesabi inhlupheko ezizakukwehlela. Khangela, uSathane uzakufaka abanye benu entolongweni ukuba lilingwe; futhi lizakuhlupheka insuku ezilitshumi. Thembeka kuze kube sekufeni, ngizakukunika umqhele wokuphila.

UMakho 13:13

Lizakuzondwa yibo bonke ngenxa yebizo lami, kodwa ophikelelayo kuze kube sekupheleni nguye ozakusiliswa.

UMatewu 10:39

Ofumana ukusila kwakhe uzakulahlekelwa yikho: olahlekelwa yikusila kwakhe ngenxa yami uzakukufumana.

1 UJohane 3:13

Lingamangali, bazalwane, uba umhlaba ulizonda.

UMatewu 24:9

Laphoke bazakulinikela ekuhluphekeni, balibulale; lizakuzondwa yizizwe zonke ngenxa yebizo lami.

AbaseRoma 2:7

Labo abathi ngesineke bafune inkazimulo lodumo lokungabhubhi ngokwenza imisebenzi emihle, uzakubanika ukuphila okungapheliyo;

AmaHebheru 6:11

Sifisa ukuba ilowo lalowo wenu akubonakalise lokhukukhuthala, lize liphelele ithemba lenu ekupheleni,

UJohane 17:14

Ngibanikile ilizwi lakho; umhlaba ubazondile, ngoba bengesibo abomhlaba, njengokuba lami ngingesuye owomhlaba.

AbaseGalathiya 6:9

Kasingadinwa yikwenza okuhle, ngoba ngesikhathi esifaneleyo sizakuvuna uba singadinwanga.

ULukha 6:22

Libusisiwe, nxa abantu belizonda lanxa belixotshela ngaphandle, belithuka, belidela ibizo lenu ngokungathi libi ngenxa yeNdodana yomuntu.

2 AbaseKhorinte 4:11

Ngoba nxa sisaphila sinikelwa njalonjalo ekufeni ngenxa kaJesu, ukuze ukuphila kukaJesu kubonakaliswe emizimbeni yethu efayo.

UMatewu 5:11

Lina libusisiwe, nxa abantu belithuka ngenxa yami, belizingela, bekhuluma okubi konke ngani, beqamba amanga.

Isambulo 2:17

Olendlebe kezwe lokho akutshoyo uMoya emabandleni. Onqobayo ngizakumnika enye imana kwefihliweyo, ngimnike lelitshe elimhlophe okulotshwe kulo ibizo elitsha elingaziwa muntu, kuphela lowo olamukelayo.

UJohane 7:7

Ungelizonde umhlaba lina, kodwa mina uyangizonda, ngoba ngifakaza ngawo ukuba imisebenzi yawo mibi.

ULukha 8:15

Okusemhlabathini omuhle yilabo abathi belizwile ilizwi, balibambe ngenhliziyo enhle lelungileyo, bathele izithelo ngokubekezela.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.

Isambulo 2:7

Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.

AmaHebheru 3:14

Ngoba siyahlanganyela kuKristu, uba sibambisisa ithemba lethu lokuqala kuze kube sekupheleni.

Isambulo 2:26

Onqobayo logcina imisebenzi yami kuze kube sekupheleni ngizakumnika amandla phezu kwezizwe,

Imisebenzi 9:16

ngoba mina ngizakumtshengisa konke amele ukuhlutshwa ngakho ngenxa yebizo lami.

Isambulo 2:3

Ulokubekezela; waqinisela ngenxa yebizo lami, kawudinwanga.

Izaga 29:27

Ongalunganga uyisinengiso kwabalungileyo, loqotho uyisinengiso kwababi.

ULukha 21:17

Lizakuzondwa yibo bonke ngenxa yebizo lami.

ULukha 21:19

Ngokubambelela kwenu lizakuzuza ukuphila kwenu.