UMalaki 4:2 - iBhayibhili Elingcwele 1978

² Kodwa kini elesaba ibizo lami kuzakuphuma ilanga lokulunga lilokusilisa empikweni zalo. Lina lizaphuma, liqolotsha njengamathole ephuma esibayeni.

IBhayibhili Elingcwele LesiNdebele

² Kodwa lina elilesabayo ibizo lami, ilanga lokulunga lizaphuma lilokusiliswa emaphikweni alo. Njalo lizaphuma liqolotshe njengamathole evulelwe esibayeni sawo.

UMalaki 4:2 Referans Kwoze

UJeremiya 33:6

Kodwa ngizawulethela ukuphila lokusiliswa; ngizabasilisa abantu bawo, ngibatshengise ukuphumelela lokulondoloza kwami okunengi.

AmaHubo 84:11

Ngoba iNkosi uNkulunkulu ililanga lesihlangu, iyaphana ngomusa lodumo; kayibancitshi labo abahamba ngobuqotho.

U-Isaya 30:26

Futhi ukukhanya kwenyanga kuzakuba njengokukhanya kwelanga, lokukhanya kwelanga kuphindwe kasikhombisa, kube ngangokukhanya kwensuku eziyisikhombisa, mhla iNkosi ibopha amanxeba abantu bayo, ipholisa izilonda zemivimvinya yabo.

ULukha 1:78

ngoba ngobubele bukaNkulunkulu wethu sizakuhanjelwa yikusa kwaphezulu,

UJohane 8:12

UJesu wakhuluma labo futhi wathi: Mina ngiyikukhanya komhlaba; ongilandelayo kasoze ahamba emnyameni, kodwa uzakuba lokukhanya kokuphila.

U-Isaya 53:5

Yebo, yalinyazwa ngenxa yeziphambeko zethu, yachotshozwa ngenxa yobubi bethu, kwehliselwa phezu kwayo ukutshaywa okusilethela ukuthula, langamanxeba ayo siyasiliswa thina.

UMalaki 3:16

Basebekhulumisana labo abayesabayo iNkosi; iNkosi yabalalela, yabezwa. Incwadi yesikhumbuzo yalotshwa phambi kwayo ngabo abayesabayo iNkosi, labahlonipha ibizo layo.

Isambulo 22:16

Mina Jesu ngisithumile isithunywa sami ukufakaza ngalezizinto kini emabandleni; ngiyimpande lenzalo kaDavida, indonsakusa ekhanyayo.

UJohane 1:4

Ukuphila kwakukuye, ukuphila kwakuyikukhanya kwabantu.

2 USamuyeli 23:4

unjengokukhanya kwasekuseni ekuphumeni kwelanga, ilanga elikhanyayo ekuseni kungekho amayezi, lanjengezulu elihlumisa utshani emhlabathini.

Isambulo 22:2

egeleza phakathi kwendlela yomuzi. Kwakumi inxa zombili zomfula isihlahla sokuphila esithela izithelo ezilitshumi lambili, sithela izithelo zaso inyanga ngenyanga, lamahlamvu aso angawokwelapha izizwe.

2 UPhethro 1:19

Seliqinisiwe kithi ilizwi labaprofethi, elenza kuhle lina ukuliqaphelisa kungathi liyisibane esikhanyayo endaweni emnyama, kuze kuse lekhwezi liphumele enhliziyweni zenu.

URuthe 2:12

INkosi ikunike umvuzo ngalokho okwenzileyo, iNkosi uNkulunkulu kaIsrayeli osuphephele ngaphansi kwamaphiko ayo, ikuphe umvuzo opheleyo.

Isambulo 2:28

futhi ngizakumnika indonsakusa.

AmaHubo 147:3

Ipholisa inhliziyo ezidabukileyo, ibophe amanxeba azo.

AmaHubo 103:3

yona ethethelela zonke izono zami, eyelapha zonke izifo zami,

UMatewu 11:5

iziphofu ziyabona, leziqhuli ziyahamba, labalobulephero bayahlanjululwa, labangezwayo bayezwa, labafileyo bayavuswa, labayanga bayatshunyayezwa ivangeli.

U-Isaya 35:6

abaqhulayo besebeseqa njengempala, lolimi lwezimungulu lumemeze ngokuthokoza. Ngoba amanzi azagobhoza enkangala, lemifula egeleze endaweni elugwadule;

Imisebenzi 26:18

ukuvula amehlo abo ukuze basuke emnyameni, baphendukele ekukhanyeni, basuke emandleni kaSathane, baphendukele kuNkulunkulu, ukuze bamukeliswe ukuthethelelwa kwezono lendawo phakathi kwalabo abahlukanisiweyo ngokukholwa kimi.

Imisebenzi 13:47

Ngoba iNkosi isilayile yathi: Ngikumisile ube yikukhanya kwabezizwe, ube yikusiliswa kuze kube semikhawulweni yomhlaba.

UJohane 9:4

Kufanele sisebenze imisebenzi yongithumileyo kusesemini; ubusuku buyeza lapho kungesebenze muntu.

UHosiya 6:3

Asiyazi, asiphikelele ukuyazi iNkosi, ukufika kwayo kuqinisekile njengokusa; izafika kithi njengemikhizo, njengezulu elinetha umhlaba.

UHosiya 6:1

Wozani sibuyele eNkosini, ngoba yona isilimazile, kanti izaselapha; isitshayile, kanti izakubopha amanxeba ethu.

UHezekhiyeli 47:12

Enkunjini zombili zomfula kuzakhula zonke inhlobo zezihlahla ezidliwayo. Amahlamvu azo kawayikubuna, lezithelo zazo kaziyikuphutha, zizathela izithelo ezintsha inyanga zonke, ngoba amanzi azo avela endlini engcwele. Izithelo zazo zizakuba ngezokudliwa, lamahlamvu azo abe ngawokwelapha.

U-Isaya 50:10

Lowo ophakathi kwenu oyesabayo iNkosi kalalele ilizwi lenceku yayo: ohamba emnyameni ongelakukhanya, kathembele ebizweni leNkosi, abambelele kuNkulunkulu wakhe.

U-Isaya 9:2

Abantu ababehamba emnyameni bakubonile ukukhanya okukhulu; ababehlala elizweni elilomnyama omkhulu ukukhanya kubakhanyisele.

Izaga 4:18

Indlela yabalungileyo injengovivi lokusa oluqhubeka ngokukhanya njalo kuze kube semini;

AmaHubo 85:9

Impela ukukhulula kwakhe kuseduze kulabo abamesabayo, ukuze kuhlale udumo elizweni lakithi.

AmaHubo 67:1

Nkulunkulu, woba lomusa kithi usibusise, ukhanyise ubuso bakho phezu kwethu,

Isambulo 11:18

Izizwe zathukuthela, kodwa lwafika ulaka lwakho. Ngakhoke sekuyisikhathi sokuthonisiswa kwabafileyo; sekuyisikhathi sokunikwa komvuzo ezincekwini abaprofethi, lasebantwini bakho abangcwele abahlonipha ibizo lakho, abakhulu labancinyane, isikhathi sokubhujiswa kwababhubhisa umhlaba.

1 UJohane 2:8

Kanti ngililobela umlayo omutsha, wona uliqiniso kuye lakini; ngoba umnyama uyadlula, lokukhanya kweqiniso sekukhanya.

2 UPhethro 3:18

Kodwa khulani emuseni lasekwazini iNkosi yethu loMsilisi uJesu Kristu. Kakube kuye ubukhosi khathesi kuze kube lusuku olungapheliyo.

2 AbaseThesalonika 1:3

Simele ukumbonga njalo uNkulunkulu ngani, bazalwane, njengoba kufanele, ngoba ukukholwa kwenu kuyanda kakhulu, lothando lwenu lonke omunye komunye luyakhula.

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UJohane 1:8

Wayengesikho ukukhanya, kodwa wezela ukuba afakaze ngokukhanya.

ULukha 2:32

ukukhanya kokwambulela abezizwe lenkazimulo yesizwe sakho uIsrayeli.

ULukha 1:50

Isihawu sakhe sikuzo zonke izizukulwana zalabo abamesabayo.

UMatewu 23:37

Hawu, Jerusalema, wena obulala abaprofethi, obakhanda ngamatshe labo abathunyiweyo kuwe! Bengithanda kangaka ukubuthela ndawonye abantwana bakho njengesikhukhukazi sibuthela amatsiyane aso ngaphansi kwamaphiko aso; kodwa kalivumanga.

UJeremiya 17:14

Ngisilisa, wena Nkosi, ngisile; ungikhulule ukuba ngikhululwe; ngoba nguwe engikudumisayo.

U-Isaya 49:6

Ithi: Kuyinto elula kakhulu ukuba ube yinceku yami yokuvusa izizwe zikaJakobe, lokubuyisa abaseleyo koIsrayeli; ngizakukubeka ube yikukhanya kwezizwe, ukuze wenze ukukhulula kwami kufinyelele emhlabeni wonke.

Imisebenzi 13:26

Bazalwane, madodana ohlanga lukaAbrahama, lalabo phakathi kwenu abesaba uNkulunkulu, lithunyelwe kithi ilizwi lokusiliswa.

UJohane 12:40

Uphumputhekisile amehlo abo, wayenza lukhuni inhliziyo yabo, funa babone ngamehlo abo, baqedisise ngenhliziyo yabo, baphenduke, ngibasilise.

AmaHubo 61:5

Ngoba wena, Nkulunkulu, uzwile izithembiso zami, wanginika isabelo sabesaba ibizo lakho.

UJeremiya 30:17

Ngoba ngizabuyisa ukusila kwakho, ngelaphe amanxeba akho, kutsho iNkosi. Ngoba bakubize ngokuthi: Ungolahliweyo, leZiyone elingafunwa muntu.