UMalaki 3:6 - iBhayibhili Elingcwele 1978

⁶ Ngoba mina Nkosi kangiphenduki; ngalokho lani madodana kaJakobe kalikaqedwa.

IBhayibhili Elingcwele LesiNdebele

⁶ “Mina Thixo kangiguquki. Ngalokho lina, bazukulu bakaJakhobe, kalibhujiswanga.

UMalaki 3:6 Referans Kwoze

AmaNani 23:19

UNkulunkulu kafanani lomuntu ukuba aqambe amanga, kasuye umuntu ukuba azisole. Utshilo, kanti kayikukwenza na? Ukhulumile, kanti kayikukuphelelisa na?

AmaHebheru 13:8

UJesu Kristu nguye izolo, lalamuhla, lanininini.

UJakhobe 1:17

Iziphiwo zonke ezinhle leziphiwo zonke ezipheleleyo zivela phezulu, zehla kuYise wezinkanyezi okungekho kuye ukuphenduka njengemithunzi ephendukayo.

UJeremiya 32:27

Mina ngiyiNkosi, uNkulunkulu wakho konke; kambe kukhona okungahlulayo na?

1 USamuyeli 15:29

Futhi uNkulunkulu oyiBukhosi kaIsrayeli kayikuqamba amanga, azisole, ngoba kayisuye umuntu ukuba azisole.

AmaHebheru 6:18

ukuze ngezinto ezimbili ezingaphendukiyo, uNkulunkulu angaqambi manga ngazo, sibe lenduduzo elamandla thina esibalekele ukucatsha kuye, sibambelele ethembeni elibekwe phambi kwethu.

Isambulo 1:8

Mina nginguAlfa loOmega, kutsho iNkosi uNkulunkulu okhona lowayekhona lozakuba khona, uSomandla.

Isambulo 22:13

NginguAlfa loOmega, owokuqala lowokucina, isiqalo lesicino.

U-Isaya 44:6

INkosi, uMbusi kaIsrayeli, loMhlengi wakhe, iNkosi yamabandla, ithi: Ngingowokuqala lowokucina; ngaphandle kwami kakukho omunye unkulunkulu.

AmaHubo 103:17

Kodwa uthando olungapheliyo lweNkosi lumi kuze kube nininini kubo abayesabayo, lokulunga kwayo kumi kuze kube sebantwaneni babantwana,

AmaHubo 102:26

Kuzakuphela lokho, kodwa wena umi njalonjalo. Kuzakuguga konke njengengubo, wena uzakukulahla njengengubo, kuphele;

AbaseFiliphi 1:6

Ngilethemba lokuthi yena lowo owaqalisa umsebenzi omuhle kini uzakuwuphelelisa kuze kube sosukwini lukaJesu Kristu.

U-Isaya 41:13

Ngoba mina Nkosi, uNkulunkulu wakho, ngikubamba ngesandla sakho sokunene; ngithi kuwe: Ungesabi, ngizakukusiza.

UHosiya 11:9

Kangiyikwenza njengokuthukuthela kwami okukhulu. Kangiyikuphinda ngimchithe uEfrayimi; ngoba mina nginguNkulunkulu, kangisuye umuntu, ngingoNgcwele ophakathi kwenu, kangiyikuza ukuchitha.

AmaHubo 78:57

babuyela emuva, bakhohlisa njengabokhoko babo, baba njengedandili elitshilekileyo elikhohlisayo.

AmaHubo 78:38

Kodwa yena elesihawu wabathethelela ukona kwabo, kababhubhisanga; walunqanda kanengi ulaka lwakhe, kakuvusanga konke ukuthukuthela kwakhe.

UGenesisi 15:7

Yathi kuye: NgiyiNkosi eyakususa eUri elamaKaladiya ukuba ngikunike ilizwe leli libe yilifa lakho.

AbaseRoma 5:10

Ngoba uba, lapho siseyizitha, sazuza ukubuyisana loNkulunkulu ngokufa kweNdodana yakhe, ikakhulu, lokhu sesizuze ukubuyisana, sizakusiliswa ngokuphila kwayo.

UGenesisi 22:16

sathi: Ngizifungile, itsho iNkosi, ukuthi njengoba ukwenzile lokhu ungalanga lendodana yakho eyodwa,

UGenesisi 15:18

Ngalolosuku iNkosi yenza isivumelwano loAbrama, yathi: Ngiyayinika inzalo yakho lelilizwe, kusukela emfuleni waseGibithe kuze kube semfuleni omkhulu othiwa liYufrathi,

AmaHubo 102:27

kodwa wena unguwe njalo, leminyaka yakho kayipheli.

UDanyeli 6:26

Ngiyamisa umthetho ukuthi kuwo wonke amazwe asembusweni wami abantu kabathuthumele bamesabe uNkulunkulu kaDaniyeli. Ngoba unguNkulunkulu ophilayo, lohlala kuze kube nininini. Umbuso wakhe kawuyikuchithwa, lokubusa kwakhe kuzakuma kuze kube sekupheleni.

UHabhakhukhi 1:12

Kawusuye owasendulo, wena Nkosi Nkulunkulu wami oNgcwele na? Kasiyikufa. Nkosi, wenzile lesisizwe ukuba sibe yinto yokwahlulela; wena Dwala, usimisele ukutshaya.

AmaHubo 102:28

Abantwana bezinceku zakho bazakuhlala bevikelekile, lenzalo yabo izakuma phambi kwakho.

U-Isaya 46:4

Lize liguge nginguye; yebo, lize libe yizimpunga ngizakulithwala; sengikwenzile lokho, ngilithwele; yebo, ngizakulithwala, ngilikhulule.