UMalaki 3:5 - iBhayibhili Elingcwele 1978

⁵ Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

IBhayibhili Elingcwele LesiNdebele

⁵ “Ngakho ngizasondela kini ukuzakwahlulela. Ngizaphangisa ukufakaza okubi ngezangoma, ngeziphingi, labafungela amanga, lalabo abadlelezela izisebenzi ngomholo wazo, labo abancindezela abafelokazi lezintandane, abangahluleli kuhle abezizweni, kodwa abangangesabiyo mina,” kutsho uThixo uSomandla.

UMalaki 3:5 Referans Kwoze

AmaHebheru 13:4

Ukuthathana kakuhlonitshwe yibo bonke, kuhlonitshwe lesifungo somthimba, ngoba uNkulunkulu uzakuzithonisisa iziphingi lezifebe.

UDutheronomi 5:11

Ungalisebenzisi ngeze ibizo leNkosi uNkulunkulu wakho; ngoba olisebenzisa ngeze ibizo layo uzakuba lecala eNkosini.

UJakhobe 5:4

Khangelani, umvuzo wezisebenzi ezivune amasimu enu elizincitshe wona, uyakhala; lokukhala kwabavuni kufinyelele ezindlebeni zeNkosi yamabandla.

UMalaki 2:14

Liyabuza lithi: Kungani na? Kungoba iNkosi eyayingufakazi wesivumelwano sakho lomfazi wobutsha bakho iyakwazi ukuthi umkhohlisile wena, lanxa ebengumngane wakho lomfazi wakho wesivumelwano.

UDutheronomi 27:19

Kaqalekiswe owonakalisa ukwahlulelwa kowemzini lentandane lomfelwakazi. Bonke abantu bazakuthi: Ameni.

Isambulo 22:15

Ngaphandle kukhona izinja, labathakathi, leziphingi, lababulali, labakhonza izithombe, labo bonke abathanda inkohliso beyenza.

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.

ULevi 20:27

Owesilisa lowesifazana abalamadlozi loba abayizanuse, kababulawe, bakhandwe ngamatshe, bafanele ukufa.

ULevi 20:6

Uba umuntu esiya kulabo abalamadlozi lezanuseni ukuyaphinga labo, ngizamelana laye, ngimkhuphe ebantwini bakibo.

ULevi 19:13

Lingacindezeli umakhelwane wenu, lingamphangi. Lingagcini iholo loqatshiweyo ubusuku bonke kuze kube sekuseni.

UMalaki 2:17

Liyidinisile iNkosi ngamazwi enu. Kanti lithi: Siyidinise kanjani na? Liyidinise ngokuthi: Bonke abenza okubi balungile eNkosini, bayayithokozisa; loba lithi: Ungaphi uNkulunkulu wokwahlulela na?

UJeremiya 29:23

ngoba benze ubuthutha koIsrayeli, bafeba labafazi bomakhelwana babo, baqamba amanga ngebizo lami, into engingabalayanga yona. Yimi engaziyo, ngingufakazi, kutsho iNkosi.

Izaga 16:6

Ngobuqotho langokuthembeka izono ziyathethelelwa, langokuyesaba iNkosi umuntu uyaxwaya okubi.

Izaga 8:13

— Ukwesaba iNkosi kuyikuzonda ububi — Ngiyakuzonda ukuzigqaja lokuziqakisa, lezindlela ezimbi, lokukhuluma okukhohlisayo.

AmaHubo 98:9

phambi kweNkosi, ngoba iyeza ukwahlulela umhlaba; izakuwahlulela umhlaba ngokulunga, lezizwe ngobuqotho.

AbaseRoma 3:8

Pho, kungani singenzi okubi ukuze kuvele okuhle, njengalokhu abanye abasigconayo besithi sitsho njalo na? Ukulahlwa kwabo kubafanele.

UMikha 1:2

Wathi: Zwanini, bantu lonke, ulalele lawe mhlaba lakho konke okukuwo; iNkosi uNkulunkulu kayibe ngufakazi ngani, iNkosi isethempelini layo elingcwele.

AmaHubo 96:13

phambi kweNkosi, ngoba iyeza, iyeza ukwahlulela umhlaba; izakuwahlulela umhlaba ngokulunga, labantu ngeqiniso layo.

AmaHubo 81:8

Zwanini, bantu bami, lapho ngiliqondisa. Wena Israyeli, kungathi lingalalela!

UNehemiya 5:15

Ababusi ababengaphambi kwami babathwalisa nzima abantu, bethatha kibo ukudla kwensuku ngensuku lewayini okulingana lamashekeli esiliva angamatshumi amane. Lezinceku zabo zabaphatha kalukhuni abantu. Kodwa mina kangikwenzanga lokho ngenxa yokwesaba uNkulunkulu.

UDutheronomi 24:17

Ungonakalisi ukwahlulelwa kowemzini lentandane; ungathathi ingubo yomfelwakazi ibe yisibambiso;

ULevi 20:10

Uba umuntu efeba lomkamakhelwana, bobabili abafebayo kababulawe.

U-Eksodasi 18:21

Futhike ukhethe phakathi kwabo bonke abantu amadoda alamandla, amesabayo uNkulunkulu, aqotho, azonda inzuzo engalunganga, uwabeke phezu kwabantu ukuba abe yizinduna zezinkulungwane lezinduna zamakhulu lezinduna zamatshumi amahlanu lezinduna zamatshumi;

U-Eksodasi 1:17

Kodwa ababelethisi babemesaba uNkulunkulu, kabenzanga njengokutsho kwenkosi yaseGibithe, kodwa babayekela abafana, baphila.

UGenesisi 42:18

UJosefa wasesithi kubo ngosuku lwesithathu: Yenzani lokhu ukuba lisile, ngoba ngiyamesaba uNkulunkulu.

UJakhobe 5:12

Kodwa kukho konke, bazalwane bami, lingafungi; lingafungi ngezulu, loba ngomhlaba, loba ngesinye isifungo. Kodwa uyebo wenu kabe nguyebo, loatshi wenu kabe nguatshi, ukuze lingalahlwa.

1 AbaseThesalonika 4:6

kakungabi khona loyedwa owonayo, aphambe umfowabo ngolutho, ngoba iNkosi ingumphindiseli kukho konke lokho, njengoba salitshela, saqinisa ngaphambili.

ULukha 23:40

Kodwa omunye wamkhuza, esithi: Wena kawumesabi uNkulunkulu, lokhu lawe ukulokhukulahlwa na?

AmaHubo 36:1

Omubi uyalalela ilizwi lesono enhliziyweni yakhe, ukwesaba uNkulunkulu kakukho engqondweni yakhe.

UGenesisi 20:11

UAbrahama wathi: Ngoba ngathi impela ukumesaba uNkulunkulu kakukho kulindawo; bazangibulala ngenxa yomkami.

UDutheronomi 18:10

Kakungabi khona phakathi kwenu umuntu otshisa ngomlilo indodana yakhe lendodakazi yakhe ibe ngumnikelo, lovumisayo, lohlolayo imihlola, lowenza imilingo, lomthakathi,

U-Isaya 57:3

Sondelani, lina madodana omthakathi, lina nzalo yesifebe lewule;

UJeremiya 5:2

Loba besithi: Ngifunga iNkosi; kanti bafunga amanga nje.

UJeremiya 5:29

Kangiyikubatshaya ngalezizinto na? kutsho iNkosi. Kangiyikuphindisela esizweni esinje na?

UJeremiya 23:10

Ngoba ilizwe ligcwele izifebe; ngenxa yesiqalekiso seNkosi ilizwe liyakhala, lamadlelo enkangala omile. Indlela yabo yimbi, lamandla abo kawalunganga.

UJeremiya 27:9

Ngakhoke lingabalaleli abaprofethi benu, labavumisayo benu, labaphuphi benu, lezangoma zenu, labathakathi benu abathi kini: Kaliyikuyisebenzela inkosi yaseBabiloni.

UJeremiya 27:10

Ngoba batshumayela amanga kini, ukuba lisuswe elizweni lakini, ngilixotshe kilo, libhubhe.

UJeremiya 42:5

Basebesithi kuJeremiya: INkosi kayibe ngufakazi oqinisileyo lothembekileyo ngathi, uba singenzi njengelizwi leNkosi, uNkulunkulu wakho, elithuma kithi ngawe.

UHabhakhukhi 1:12

Kawusuye owasendulo, wena Nkosi Nkulunkulu wami oNgcwele na? Kasiyikufa. Nkosi, wenzile lesisizwe ukuba sibe yinto yokwahlulela; wena Dwala, usimisele ukutshaya.

UZakhariya 11:12

Ngasengisithi kibo: Uba kulungile kini, ngiphani iholo lami; kodwa uba kungalunganga, yekelani. Basebengilinganisela iholo lami amashekeli esiliva angamatshumi amathathu.

U-Eksodasi 20:7

Ungalisebenzisi ngeze ibizo leNkosi uNkulunkulu wakho; ngoba olisebenzisa ngeze ibizo layo uzakuba lecala phambi kweNkosi.

U-Eksodasi 22:20

Onikela kwabanye onkulunkulu ngaphandle kweNkosi kabhujiswe.

UDutheronomi 15:13

Lapho umkhulula ukuba ahambe, ungamvumeli ukuhamba engaphathanga lutho;

UJobe 7:2

Njengesigqili esifisa umthunzi, lanjengesiqatshwa esilindele iholo laso,

UJobe 31:12

kungaba ngumlilo otshisa uqothule amabele ami.

UMalaki 1:6

INkosi yamabandla ithi kubapristi: Indodana iyamhlonipha uyise, lenceku iyayihlonipha inkosi yayo. Uba mina nginguyihlo, kungaphi ukuhlonitshwa kwami na? Uba ngiyinkosi, kungaphi ukwesatshwa kwami na? Lina, bapristi, liyalidelela ibizo lami, kodwa lithi: Silidelele kanjani ibizo lakho na?