UMalaki 3:2 - iBhayibhili Elingcwele 1978

² Kodwa ngubani ongalumela usuku lokufika kwaso, longema ekubonakaleni kwaso na? Ngoba sinjengomlilo wompheki wensimbi, lanjengesepa yomgezisi.

IBhayibhili Elingcwele LesiNdebele

² Kodwa ngubani na ongalumela usuku lokuza kwaso? Ngubani ongema nxa eqhamuka na? Ngoba sizakuba njengomlilo womcengi wensimbi kumbe njengesepa yomgezisi.

UMalaki 3:2 Referans Kwoze

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.

U-Isaya 4:4

lapho iNkosi isigezisile ingcekeza yabesifazana beZiyone, yahlambulula iJerusalema ngomoya wokwahlulela langomoya wokutshisa egazini elichithekele phakathi kwalo.

Isambulo 6:17

ngoba usuku olukhulu lolaka lwabo selufikile; ngobani abalamandla okuma na?

ULukha 21:36

Ngakhoke lindani ngezikhathi zonke, likhulekele ukuba libe lamandla okuphepha zonke lezizinto ezizakwenzeka lawokuma phambi kweNdodana yomuntu.

AmaHubo 2:7

Ngizakulandisa isimemezelo seNkosi eyathi kimi: Wena uyindodana yami, lamuhla ngikuzele.

ULukha 3:17

Ositsha sakhe sokwela sisesandleni sakhe; uzakuthanyela isibuya sakhe abuthele amabele esiphaleni sakhe; kodwa amakhoba uzakuwatshisa ngomlilo ongacimiyo.

ULukha 3:9

Lakhathesi ihloka selibekiwe empandeni zezihlahla. Ngakho ileso lalesosihlahla esingatheli isithelo esihle siyaganyulwa, siphoselwe emlilweni.

UMalaki 4:1

Ngoba luyeza usuku oluvutha njengeziko lapho bonke abaziphakamisayo labenza okubi bazakuba njengezibi ezitshayo; lolosuku oluzayo luzabatshisa, kutsho iNkosi yamabandla, lungabatshiyeli impande logatsha.

Isambulo 2:23

ngizakubulala abantwana bakhe. Wonke amabandla azakwazi ukuthi nginguye ohlola ingqondo lenhliziyo, futhi ngizakumnika ilowo lalowo wenu ngokwemisebenzi yakhe.

AmaHebheru 12:25

Qaphelani ukuba lingali ukulalela ilizwi lakhe okhulumayo; ngoba uba bengaphephanga labo abala ukumlalela lowo owabaxwayisa emhlabeni, kakhulu kasiyikuphepha thina esimalayo lowo oxwayisa esezulwini.

UJohane 8:55

Kodwa kalimazanga; mina ngiyamazi. Uba ngisithi kangimazi, ngizakuba ngumqambi wamanga njengani. Kodwa mina ngiyamazi, ngiyaligcina ilizwi lakhe.

ULukha 2:34

USimiyoni wababusisa, wathi kuMariya unina: Khangela, lumntwana umiselwe ukuba abe yisibonakaliso esizakuphikwa ngabantu —

UJeremiya 2:22

Lanxa ugeza ngesoda, usebenzise isepha enengi, ububi bakho busekhona phambi kwami, kutsho iNkosi uNkulunkulu.

U-Isaya 1:18

Wozanike, siqondisane, itsho iNkosi; loba izono zenu zibomvu gebhu, zizakuba mhlophe njengongqoqwane; loba zibomvu njengegazi, zizakuba mhlophe njengoboya bezimvu.

UMatewu 25:10

Kwathi zisaya ukuthenga, wafika umyeni. Ezasezilungele ukungena zangena laye emthimbeni; kwavalwa umnyango.

UMakho 9:3

Ingubo zakhe zacwazimula zaba mhlophe nke, kakulamuntu emhlabeni ongazenza zibe mhlophe kangaka.

UHezekhiyeli 22:14

Isibindi sakho sizakuma yini, lezandla zakho ziqine, ensukwini engizaphathana lawe kuzo na? Mina Nkosi ngikhulumile, ngizakukwenza.

Isambulo 19:8

wavunyelwa ukwambatha ilembu elihle elihlambulukileyo elikhazimulayo. — Ngoba ilembu elihle liyizenzo zokulunga zabangcwele.

Isambulo 7:14

Ngasengisithi kuye: Nkosi, nguwe owaziyo. Wasesithi kimi: Laba yibo abaphuma ezinhluphekweni ezinkulu, bagezisa ingubo zabo, bazenza zaba mhlophe egazini leWundlu.

ULukha 7:23

Ubusisiwe ongakhubekiyo ngami.

1 USamuyeli 6:20

Ngakhoke abantu baseBeti‐Shemeshi basebesithi: Ngubani ongema phambi kweNkosi, loNkulunkulu ongcwele na? Sizakumusa kubani ukuba asuke kithi na?

AmaHubo 76:7

Wena, yebo wena, uyesabeka. Ngubani ongema phambi kwakho lapho usuthukuthela na?

AmaHubo 130:3

Uba wena, Nkosi, ubala iziphambeko, ngubani ongema na?

Izaga 25:4

Nxa sekususwe amanyele esiliveni, umkhandi angabumba isitsha ngaso;

U-Isaya 33:14

Izoni zaseZiyone ziyesaba, ukuthuthumela kubehlele abangamesabiyo uNkulunkulu, bathi: Ngubani phakathi kwethu ongahlala lomlilo oqothulayo? Ngubani phakathi kwethu ongahlala lokutshisa okungapheliyo?

UDanyeli 11:35

Abanye babahlakaniphileyo bazabulawa ukuze abanye bahlolwe, bahlanjululwe, benziwe babe mhlophe, kuze kufike isikhathi sokuphela, ngoba kungokwesikhathi esimisiweyo.

UJoweli 2:11

INkosi izwakalisa ilizwi layo phambi kwempi yayo, ngoba impi yayo yinkulu kakhulu; logcina ilizwi layo ulamandla. Ngoba usuku lweNkosi lukhulu, luyesabeka kakhulu; ngubani ongalumela na?

UNahume 1:6

Ngubani ongema phambi kwentukuthelo yayo na? Ngubani ongema ekuvutheni kolaka lwayo na? Ulaka lwayo luthululeka njengomlilo, lamadwala aqekezeke phambi kwayo.

UGenesisi 19:28

Wakhangela ngaseSodoma laseGomora, langaselizweni lonke legceke, wabona intuthu yelizwe ithunqa njengentuthu yesithando somlilo.

UJobe 28:1

Impela kukhona umgodi wesiliva, lendawo lapho abantu bancibilikisa igolide khona.