UMalaki 1:6 - iBhayibhili Elingcwele 1978

⁶ INkosi yamabandla ithi kubapristi: Indodana iyamhlonipha uyise, lenceku iyayihlonipha inkosi yayo. Uba mina nginguyihlo, kungaphi ukuhlonitshwa kwami na? Uba ngiyinkosi, kungaphi ukwesatshwa kwami na? Lina, bapristi, liyalidelela ibizo lami, kodwa lithi: Silidelele kanjani ibizo lakho na?

IBhayibhili Elingcwele LesiNdebele

⁶ “Indodana iyamesaba uyise, lenceku iyayesaba inkosi yayo. Aluba nginguyihlo kungaphi pho ukwesatshwa kwami? Aluba ngiyinkosi kungaphi ukuhlonitshwa kwami na?” kutsho uThixo uSomandla. “Yini, hawu baphristi, eleyisa ibizo lami. Kodwa lingabuza lithi, ‘Sileyise ngani ibizo lakho?’

UMalaki 1:6 Referans Kwoze

ULukha 6:46

Lingibizelani ngokuthi: Nkosi, Nkosi — lingakwenzi engikutshoyo na?

U-Isaya 1:2

Zwanini, mazulu; ulalele lawe mhlaba, ngoba iNkosi isikhulumile, yathi: Ngondlile ngakhulisa abantwana, kodwa bangivukela.

U-Eksodasi 20:12

Hlonipha uyihlo lonyoko, ukuze zibe zinengi insuku zokuhamba kwakho elizweni ekunika lona iNkosi uNkulunkulu wakho.

1 UPhethro 1:17

Uba likhuleka lisithi Baba kuye owahlulela ilowo lalowo ngokwemisebenzi yakhe engabandlululi, hambani ngokwesaba esikhathini senu liyizihambi emhlabeni.

UHosiya 12:8

UEfrayimi uthe: Senginothile, ngizizuzele inotho. Kodwa yonke inotho yakhe ingelihlawulele icala alenzileyo.

U-Isaya 64:8

Kanti, Nkosi, wena ungubaba; thina silibumba, wena ungumbumbi wethu; sonke singumsebenzi wezandla zakho.

Abase-Efesu 6:2

Hlonipha uyihlo lonyoko; lo ngumlayo wokuqala olesithembiso

Izaga 30:17

Amehlo omuntu oklolodela uyise lodelela ubudala bukanina azakukhutshwa ngamawabayi, loba adliwe ngamanqe.

UMatewu 7:21

Kakusibo bonke abatshoyo kimi ukuthi: Nkosi, Nkosi; abazakungena embusweni wezulu, kodwa kuphela owenza intando kaBaba osezulwini.

UMatewu 6:9

Ngakhoke kalibokhuleka ngokunje lithi: Baba wethu osezulwini, kalidunyiswe ibizo lakho,

Izaga 30:11

Kukhona labo abathuka oyise, abangabongi onina.

UDutheronomi 5:16

Hlonipha uyihlo lonyoko, njengokukulaya kweNkosi uNkulunkulu wakho, ukuba uphile isikhathi eside, lokuba kukulungele elizweni iNkosi uNkulunkulu wakho ekunika lona.

ULevi 19:3

Wonke umuntu kahloniphe unina loyise. Gcinani amaSabatha ami; ngiyiNkosi uNkulunkulu wenu.

UMakho 10:19

Uyayazi imilayo ethi: Ungabulali, ungafebi, ungebi, ungafakazi amanga, ungadlelezeli, hlonipha uyihlo lonyoko.

UMatewu 19:19

hlonipha uyihlo lonyoko; njalo wothanda umakhelwane wakho njengalokhu uzithanda wena.

UHosiya 4:6

Abantu bami bayabhubha ngokuswela ukwazi; ngoba ukwalile ukwazi, lami ngizakukwala, ungabi ngumpristi wami. Lokhu usuwukhohliwe umlayo kaNkulunkulu wakho, lami ngizakhohlwa abantwana bakho.

UHezekhiyeli 22:26

Abapristi balo bawaphule umlayo wami, bangcolisa izinto zami ezingcwele; kabenzanga umahluko phakathi kwezinto ezingcwele lezingangcwele; futhi kabawufundisanga umahluko phakathi kwezinto ezingcolileyo lezingangcolanga, badelile amaSabatha ami; ngangcoliswa phakathi kwabo.

UJeremiya 23:11

Umprofethi lompristi kabamesabi uNkulunkulu, ngitsho lasendlini yami ngifumene ububi babo, kutsho iNkosi.

UMatewu 15:6

Ngalokho lenza ilizwi likaNkulunkulu libe yize ngenxa yesiko lenu.

UMalaki 2:8

Kodwa lina bapristi, liphambukile endleleni, lakhubekisa abanengi ngokufundisa kwenu; lasona isivumelwano sikaLevi, kutsho iNkosi yamabandla.

ULukha 10:29

Kodwa yena ethanda ukuzilungisa wathi kuJesu: Umakhelwane wami ungubani na?

ULukha 6:36

Wobani lesihawu, njengoYihlo ulesihawu.

UMakho 7:10

Ngoba uMose wathi: Hlonipha uyihlo lonyoko; lokuthi: Okhuluma kubi ngoyise ingabe ngonina kafe lokufa;

UJeremiya 31:9

Bazabuya bekhala, ngibaduduze ekubaholeni kwami, ngibalethe emifuleni yamanzi, ngendlela enhle abangayikukhubeka kuyo; ngoba nginguyise kuIsrayeli, uEfrayimi ulizibulo lami.

ULukha 18:20

Uyayazi imilayo ethi: Ungafebi, ungabulali, ungebi, ungafakazi amanga, hlonipha uyihlo lonyoko.

UMatewu 15:4

Ngoba uNkulunkulu walaya wathi: Hlonipha uyihlo lonyoko; lokuthi: Okhuluma kubi ngoyise ingabe ngonina kafe lokufa.

UHosiya 5:1

Zwanini lokhu, lina bapristi, lilalele, lina Israyeli, libeke indlebe, lani ndlu yenkosi. Ngoba isigwebo simayelana lani, ngoba belingumjibila eMizipa, lembule elendlalwe eTabori.

UDutheronomi 1:31

lasenkangala, lapho libone khona ukuthi iNkosi uNkulunkulu wenu yalithwala njengomuntu ethwala indodana yakhe, kuyo yonke indlela elahamba ngayo laze lafika lapha.

AmaHubo 123:2

Khangela, njengalokhu amehlo ezinceku ekhangela esandleni senkosi yazo, lamehlo encekukazi ekhangela esandleni senkosikazi yayo, ngokunjalo amehlo ethu akhangela eNkosini uNkulunkulu wethu, ukuze ibe lesihawu kithi.

Izaga 17:6

Abazukulu baludumo lwabadala, labazali baludumo lwabantwana.

U-Isaya 43:23

Kawulethanga kimi izimvu zakho zibe ngumnikelo wokutshiswa, kawungidumisanga ngemihlatshelo yakho. Kangikudubanga ngokufuna iminikelo, kangikudinisanga langokufuna impepha.

UJeremiya 3:4

Kawusand’ ukumemeza kimi yini ukuthi: Baba, wena ungumngane wobutsha bami?

UJeremiya 35:16

Amadodana kaJonadabi indodana kaRekabi awugcinile umlayo ukhokho wawo awanika wona, kodwa lababantu kabangilalelanga.

UZefaniya 3:4

Abaprofethi bawo kabananzeleli, bayakhohlisa; abapristi bawo bangcolisa okungcwele, baphule umthetho.

UMalaki 2:1

Khathesike nanku owenu umlayo, bapristi.

UMalaki 2:10

Kasilaye ubaba munye thina sonke na? Kasidalwanga nguNkulunkulu munye na? Phoke, kungani sikhohlisana, sisona isivumelwano uNkulunkulu asenze labokhokho na?

UDutheronomi 32:6

Liyibonga iNkosi kanjalo, lina bantu abayizithutha labangahlakaniphanga na? Kayisuye uyihlo owalidalayo, walenza, walimisa na?

U-Isaya 45:10

Umntwana angatsho kuyise ukuthi: Uzalani na? lakunina ukuthi: Uhelelwa yini na?

U-Isaya 64:7

Kakho okhuleka ebizweni lakho, lozamayo ukubambelela kuwe; ngoba usifihlele ubuso bakho, wasinikela ebubini bethu.

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.