UMalaki 1:3 - iBhayibhili Elingcwele 1978

³ uEsawu ngamzonda; ngalichitha ilizwe lakhe elilamaqaqa, lelifa lakhe ngalinika amakhanka asenkangala.

IBhayibhili Elingcwele LesiNdebele

³ kodwa u-Esawu ngimzondile, futhi ngenze izintaba zakhe zaba lugwadule lelifa lakhe ladliwa ngamakhanka asenkangala.”

UMalaki 1:3 Referans Kwoze

uObadiya 1:10

Ngenxa yesihluku esenziwa kumfowenu uJakobe uzabanjwa zinhloni, uchithwe uphele nya.

UJoweli 3:19

IGibithe lizakuba yinkangala, leEdoma libe yinkangala engelalutho, ngenxa yesihluku esenziwa kwabakoJuda, langenxa yegazi elingelacala abalichitha elizweni labo.

UHezekhiyeli 36:9

Ngoba mina ngilani, ngizaphendukela ngakini, lizalinywa lihlanyelwe.

UHezekhiyeli 36:7

Ngalokhoke iNkosi uNkulunkulu ithi: Ngiyazifunga ukuthi izizwe ezilihanqileyo yizo ezizathwala ihlazo.

UJeremiya 51:37

IBabiloni lizakuba lunxiwa oludilikileyo, lendawo yamakhanka, into eyesabekayo leyokuncifelwa, kungabi khona ohlala khona.

UJeremiya 49:10

Kodwa uEsawu ngimhlubule waze wasalaze, ngizambule indawo zakhe zokucatsha, kaselakho ukucatsha. Abantwana bakhe babulewe, labazalwane bakhe kanye labomakhelwana bakhe; yena kasekho.

UJeremiya 9:11

Ngizalenza iJerusalema libe lunxiwa oludilikileyo lendawo yamakhanka, ngenze imizi yakoJuda ibe yinkangala engelamuntu.

U-Isaya 35:7

itshebetshebe elitshisayo libe lichibi, lomhlabathi owomileyo ugobhoze amanzi. Lapho kwakuhlala khona amakhanka kuzakuba lidlelo lemihlambi, lotshani bube yimihlanga lebhuma.

ULukha 14:26

Uba umuntu esiza kimi engazondi uyise lonina lomkakhe labantwana labafowabo lodadewabo, yebo, ngitsho lokusila kwakhe, angebe ngumfundi wami.

UGenesisi 25:23

INkosi yathi kuye: Esizalweni sakho kukhona izizwe ezimbili, inhlobo ezimbili zabantu zizakwahlukana esiswini sakho. Esinye isizwe sizakuba lamandla kulesinye, omkhulu uzakukhonza omncinyane.

UJeremiya 49:8

Balekani, libuyele emuva, licatshe endaweni eziminyeneyo, lina bahlala eDedani. Ngoba ngizakwehlisela inhlupheko phezu kukaEsawu ngesikhathi sokumtshaya kwami.

UJeremiya 49:20

Ngakho, zwanini icebo iNkosi elenzayo ngeEdoma, lemikhumbulo elayo ngabantu abahlala eTemani ukuthi: Abancinyane bomhlambi bazadonswa basuswe; lendawo yabo imangale ngokuphela kwabo.

UJeremiya 49:33

IHazori lizakuba yindawo yamakhanka, libe yinkangala kokuphela, kakuyikwakha muntu khona, ahlale khona.

Izililo 4:22

Ukutshaywa ngenxa yobubi bakho sekuphelele, wena Ziyone. Kayisayikuliyekele ekuthunjweni. Kodwa, wena Edoma, uzatshaywa ngenxa yobubi bakho, izakwambula izono zakho.

UJeremiya 49:7

Mayelana leEdoma. INkosi yamabandla ithi: Kakusekho yini ukuhlakanipha eTemani? Amacebo aphelile kwabaqondileyo na? Ukuhlakanipha kwabo kuphelile na?