UMakho 10:2 - iBhayibhili Elingcwele 1978

² Kweza kuye abaFarisi, bambuza ukuthi kuvunyelwe yini ukuba indoda ilahle umkayo, bemlinga.

IBhayibhili Elingcwele LesiNdebele

² Abanye abaFarisi beza bamlinga ngokumbuza bathi, “Kusemthethweni yini ukuthi indoda imale umfazi wayo na?”

UMakho 10:2 Referans Kwoze

UJohane 8:6

Batsho lokhu bemlinga, ukuze bammangalele. Kodwa uJesu wakhothama, waloba ngomunwe phansi.

UMatewu 23:13

Maye kini babhali labaFarisi, bazenzisi! ngoba livalela abantu umbuso wezulu. Ngoba kalingeni lina, labangenayo kalibavumeli ukuba bangene.

1 AbaseKhorinte 10:9

Asingayilingi iNkosi njengabanye babo bayilinga, babhujiswa zinyoka.

UJohane 11:57

Abapristi abakhulu labaFarisi babekhuphe umlayo wokuthi uba ekhona owaziyo lapho akhona, ababikele ukuze bambambe.

UJohane 11:47

Ngakho abapristi abakhulu labaFarisi babiza umphakathi, bathi: Sizakwenza njani na? Ngoba umuntu lo wenza izibonakaliso ezinengi;

UJohane 7:48

Ukhona yini kubabusi ingabe kubaFarisi okholwe kuye na?

UJohane 7:32

AbaFarisi bezwa ixuku lisola ngaye; abapristi abakhulu labaFarisi bathumela amanxusa ukuba ambambe.

ULukha 16:14

AbaFarisi ababethanda imali bakuzwa konke lokhu, bamklolodela.

ULukha 11:39

Yasisithi iNkosi kuye: Linake, baFarisi, lihlambulula ingaphandle yenkezo leyesitsha, kodwa ingaphakathi yenu igcwele ukuphanga lobubi.

ULukha 7:30

Kodwa abaFarisi lezazumlayo balala icebo likaNkulunkulu maqondana labo, ngoba bengabhaphathizwanga nguJohane.

ULukha 6:7

Ababhali labaFarisi baqaphela ukuba babone ukuthi uzakusilisa ngeSabatha yini, ukuze bazuze izaba lokummangalela.

ULukha 5:30

AbaFarisi lababhali babo basola kubafundi bakhe besithi: Lidlelani linathe labathelisi lezoni na?

UMakho 8:15

Wabalaya wathi: Qaphelani, lixwaye imvubelo yabaFarisi lemvubelo kaHerodi.

UMakho 8:11

AbaFarisi beza, baqala ukuphikisana laye befuna kuye isibonakaliso esivela ezulwini, bemlinga.

UMatewu 22:35

Omunye wabo, isazumlayo, wambuza emlinga, wathi:

UMatewu 19:3

Beza kuye abaFarisi, bamlinga besithi: Kuvunyelwe yini ukuba indoda ilahle umkayo loba ngaliphi icala na?

UMatewu 16:1

AbaFarisi labaSadusi beza bacela kuye ukuba abatshengise isibonakaliso esivela ezulwini, bemlinga.

UMatewu 15:12

Abafundi bakhe basebesondela bathi kuye: Uyazi ukuthi abaFarisi bathe ukulizwa lelolizwi, bakhubeka na?

UMatewu 9:34

Kodwa abaFarisi bathi: Ukhupha omoya ababi ngenkosi yomoya ababi.

UMalaki 2:16

Ngiyakuzonda ukwahlukana, kutsho iNkosi uNkulunkulu kaIsrayeli. Ngiyazonda futhi ukuba umuntu abe lesihluku esinje kumkakhe, kutsho iNkosi yamabandla. Ngakhoke ziqapheliseni ukuba lingakhohlisi.

UMakho 10:1

Wasuka lapho, weza emikhawulweni yaseJudiya langaphetsheya kweJordani; amaxuku abuya abuthana kuye, waphinda ukubafundisa njengokujwayela kwakhe.

UMakho 10:3

Wabaphendula wathi kubo: UMose walilaya ngokuthini na?