UMakho 1:13 - iBhayibhili Elingcwele 1978

¹³ Wayekhona enkangala insuku ezingamatshumi amane elingwa nguSathane; wayendawonye lezilo; izithunywa zamkhonza.

IBhayibhili Elingcwele LesiNdebele

¹³ wahlala khona enkangala insuku ezingamatshumi amane elingwa nguSathane. Wayehlala lezinyamazana zeganga, izingilosi zazomnakekela.

UMakho 1:13 Referans Kwoze

AmaHebheru 4:15

Ngoba kasilaye umpristi omkhulu ongelakuzwelana lobuthakathaka bethu, kodwa owalingwa kukho konke njengathi, kanti kalasono.

U-Eksodasi 34:28

Wayekhona leNkosi insuku ezingamatshumi amane lobusuku obungamatshumi amane engadli enganathi. Wawaloba ematsheni amazwi esivumelwano, imithetho elitshumi.

UMatewu 26:53

Kambe uthi ngingencenge uBaba ukuba angithumele masinyane izimpi zezithunywa ezidlula itshumi lambili na?

UDutheronomi 9:25

Ngaziwisela phansi phambi kweNkosi kulezonsuku ezingamatshumi amane lobusuku obungamatshumi amane, ngoba iNkosi yathi izakulichitha.

UDutheronomi 9:18

Ngaziwisela phansi phambi kweNkosi njengakuqala, insuku ezingamatshumi amane lobusuku obungamatshumi amane, ngingadli kudla, nginathi manzi ngenxa yaso sonke isono senu elisenzileyo, lenza okubi emehlweni eNkosi, layithukuthelisa.

UDutheronomi 9:11

Kwathi seziphelile insuku ezingamatshumi amane lobusuku obungamatshumi amane, iNkosi yangipha lawomatshe amabili, amatshe esivumelwano.

1 uTimothi 3:16

Kuyavunywa ukuthi yinkulu impela imfihlakalo yokukholwa kwethu, yokuthi: Yena owabonakaliswa emzimbeni, walungisiswa emoyeni, wabonwa yizithunywa watshunyayelwa ezizweni, wakholwa ngumhlaba wonke, waphakanyiselwa ezulwini.

U-Eksodasi 24:18

UMose wakhwela entabeni, wangena eyezini; wahlala entabeni insuku ezingamatshumi amane lobusuku obungamatshumi amane.

UMatewu 4:1

UJesu waseholelwa nguMoya enkangala ukuba alingwe nguSathane.

ULukha 4:1

UJesu egcwele uMoya oNgcwele wabuya evela eJordani, waholelwa nguMoya enkangala,