ULevi 8:23 - iBhayibhili Elingcwele 1978

²³ UMose wayihlaba, wathatha igazi layo, walininda oqwangeni lwendlebe yokunene kaAroni, lasesithupheni sesandla sakhe sokunene, lasezwaneni elikhulu lonyawo lwakhe lokunene.

IBhayibhili Elingcwele LesiNdebele

²³ UMosi wahlaba inqama, wathatha elinye igazi layo walininda esiqwini sendlebe yokunene ka-Aroni, esithupheni sesandla sakhe sokunene lasozwaneni olukhulu lonyawo lwakhe lwesokunene.

ULevi 8:23 Referans Kwoze

U-Eksodasi 29:20

Uyihlabe, uthathe igazi layo, ulininde oqwangeni lwendlebe yokunene kaAroni, lasoqwangeni lwezindlebe zokunene zamadodana akhe, lasezithupheni zezandla zabo zokunene, lasemazwaneni amakhulu enyawo zabo zokunene, igazi eliseleyo likhatshazelwe ealtareni inxa zonke.

ULevi 14:17

Athathe kuwo amagcobo aseleyo asesandleni sakhe, awaninde oqwangeni lwendlebe yalowo ozakuhlanjululwa, lesithupheni sesandla sakhe sokunene, lasezwaneni elikhulu lonyawo lwakhe lokunene, phezu kwegazi lomnikelo wecala;

ULevi 14:14

Umpristi kathathe igazi lomnikelo wecala, alininde oqwangeni lwendlebe yokunene yalowo ozakuhlanjululwa, lesithupheni sesandla sakhe sokunene, lasezwaneni elikhulu lonyawo lwakhe lokunene;

AbaseFiliphi 2:17

Yebo, loba nginikelwa emhlatshelweni ongumnikelo wokukholwa kwenu, ngiyathokoza kanye lani lonke.

AbaseFiliphi 1:20

njengokufisa lokuthemba kwami okukhulu ukuthi kangiyikuyangeka, kodwa ngesibindi sonke, khathesi langezikhathi zonke, uKristu uzakudunyiswa emzimbeni wami, loba ngisila loba ngisifa.

1 AbaseKhorinte 6:20

kodwa lathengwa ngentengo. Ngakhoke dumisani uNkulunkulu emizimbeni yenu.

1 AbaseKhorinte 1:30

NgoNkulunkulu lina likuKristu Jesu, ngoba uNkulunkulu wamenzela thina ukuhlakanipha lokulunga lokwahlukaniselwa lokukhululwa.

1 AbaseKhorinte 1:2

sithi kulo ibandla likaNkulunkulu eliseKorinte, kubo abahlukaniselwe kuKristu Jesu, ababizelwe ukuba ngabangcwele, kanye labo bonke abakhuleka ebizweni leNkosi yethu uJesu Kristu endaweni zonke, iNkosi yabo leyethu:

AbaseRoma 12:1

Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

AbaseRoma 6:19

Ngikhulumisa okwabantu ngenxa yobuthakathaka benu. Ngoba njengalokho lanikela izitho zenu ukuba zikhonze amanyala lobubi, kube khona ububi obukhulu, ngokunjaloke zinikeleni izitho zenu khathesi ukuba zikhonze ukulunga, kube khona ubungcwele.

AbaseRoma 6:13

Linganikeli izitho zenu esonweni, zibe yizikhali zokungalungi; kodwa zinikeleni lina kuNkulunkulu njengabavusiweyo kwabafileyo abaphilayo, linikele izitho zenu kuNkulunkulu zibe yizikhali zokulunga;

ULevi 14:28

athatha kuwo amagcobo asesandleni sakhe, awaninde oqwangeni lwendlebe yokunene yalowo ozahlanjululwa, lesithupheni sesandla sakhe sokunene, lasezwaneni elikhulu lonyawo lwakhe lokunene, ezindaweni lapho kunindwe khona igazi lomnikelo wecala.

AmaHebheru 5:8

Loba eyiNdodana, wafunda ukulalela ngalokho ahlupheka ngakho;

AmaHebheru 2:10

Kwakumfanele uNkulunkulu, okukhona konke ngenxa yakhe lokukhona konke ngaye, ukuba, lapho eletha amadodana amanengi enkazimulweni, amphelelise ngezinhlupheko oyinkosi yokusiliswa kwabo.

1 AbaseThesalonika 5:22

zilani konke okubi.

U-Eksodasi 29:21

Uzathatha igazi elisealtareni lamagcobo okugcoba, umchele ngakho uAroni lezambatho zakhe, lamadodana akhe, lezambatho zamadodana akhe, ukuba abe ngcwele lezambatho zakhe, lamadodana akhe lezambatho zawo.

ULevi 7:37

Lowo ngumlayo weminikelo yokutshiswa, loweminikelo yempuphu, loweminikelo yesono, loweminikelo yecala, lowokwahlukaniselwa, lowomhlatshelo weminikelo yokuthula,

ULevi 14:25

Ahlabe iwundlu elomnikelo wecala, athathe igazi lomnikelo wecala, alininde oqwangeni lwendlebe yokunene yalowo ozahlanjululwa, lesithupheni sesandla sakhe sokunene, lasezwaneni elikhulu lonyawo lwakhe lokunene;