ULevi 7:12 - iBhayibhili Elingcwele 1978

¹² Uba ewunikela ube ngumnikelo wokubonga, kanikele kanye lomnikelo wokubonga amaqebelengwana angelamvubelo ahlanganiswe lamafutha, lezinkwa ezincinyane ezingelamvubelo ezigcotshwe ngamafutha, lamaqebelengwana empuphu ecolekileyo ixubene lamafutha.

IBhayibhili Elingcwele LesiNdebele

¹² Nxa unganikelwa njengendlela yokubonga, kumele lumnikelo wokubonga unikelwe ndawonye lesinkwa esenziwe singelamvubelo sahlanganise lamafutha, amakhekhe ayizicecedu enziwe engelamvubelo njalo egcotshwe ngamafutha, kanye lamakhekhe efulawa ecolekileyo avutshwe kuhle ahlanganiswa lamafutha.

ULevi 7:12 Referans Kwoze

AmaNani 6:15

lesitsha sezinkwa ezingelamvubelo, amaqebelengwana empuphu ecolekileyo ahlanganiswe lamafutha, lezinkwa ezincinyane ezingelamvubelo ezigcotshwe ngamafutha, lomnikelo wempuphu leminikelo yokuthululwa eqondene lalezozinto.

ULevi 2:4

Nxa uletha umnikelo wempuphu ephekwe eziko, kawube ngowamaqebelengwana angelamvubelo empuphu ecolekileyo ahlanganiswe lamafutha, loba izinkwa ezincinyane ezingelamvubelo ezigcotshwe ngamafutha.

1 UPhethro 2:5

njengamatshe aphilayo lakhiwe indlu yokomoya, libe yibupristi obungcwele, linikele imihlatshelo yokomoya eyamukelekayo kuNkulunkulu ngoJesu Kristu.

AmaHebheru 13:15

Ngakhoke asinikele njalonjalo kuNkulunkulu ngoJesu umhlatshelo wokubonga, okutsho isithelo sokubonga semilomo evuma ibizo lakhe;

Abase-Efesu 5:20

limbonge njalo uNkulunkulu ngakho konke ebizweni leNkosi yethu uJesu Kristu.

AbaseRoma 1:21

ngoba kuthe bemazi uNkulunkulu, kabamdumisanga njengoNkulunkulu, kabambonganga; ngakho ukucabanga kwabo konke kwaba yize, ingqondo zabo ezingaqondiyo zaba mnyama.

ULukha 17:18

Kakho loyedwa yini obengabuya ukunika uNkulunkulu udumo, kuphela lo owezizweni na?

ULukha 17:16

wawa ngobuso ngasenyaweni zikaJesu ebonga; wayengumSamariya.

UHosiya 14:2

Lungisani amazwi enu, libuye eNkosini; lithi kiyo: Susa konke okubi kithi ukuba wamukele okuhle, sikudumise ngemilomo yethu.

AmaHubo 116:17

Ngizakunikela kuwe iminikelo yokubonga, ngikhuleke ebizweni lakho.

AmaHubo 107:8

Kabayibonge iNkosi ngothando lwayo olungapheliyo langemisebenzi yayo emangalisayo ebantwaneni babantu.

UJeremiya 33:11

ilizwi lokuthaba lelizwi lokuthokoza, ilizwi lomyeni lelomlobokazi, lelizwi labahlabelayo lapho beletha iminikelo yabo yokubonga ethempelini lami besithi: Bongani iNkosi yamabandla, ngoba ilungile, ngoba uthando lwayo olungapheliyo lumi kuze kube nininini. Ngoba ngizabuyisa abantu belizwe babe njengakuqala, kutsho iNkosi.

AmaHubo 50:23

Onikela umnikelo wokubonga uyangidumisa; oqaphela indlela yakhe ngizakumbonisa ukukhulula kwami.

UNehemiya 12:43

Banikela imihlatshelo eminengi mhlalokho, bathokoza, ngoba uNkulunkulu wayebanike lokho okubathokozisayo kakhulu; abesifazana labantwana labo bathokoza; ukuthokoza kweJerusalema kwezwakala khatshana.

2 ImiLando 33:16

Wabuyisela lealtare leNkosi, wanikela phezu kwalo iminikelo yokuthula leyokubonga. Walaya uJuda ukuba akhonze iNkosi, uNkulunkulu kaIsrayeli.

2 ImiLando 29:31

UHezekiya wasesithi ebantwini: Selizahlukanisele iNkosi; sondelani lilethe imihlatshelo yenu leminikelo yokubonga ethempelini. Ibandla laseliletha imihlatshelo leminikelo yokubonga; bonke ababelenhliziyo ezinhle baletha iminikelo yokutshiswa.

ULevi 22:29

Nxa lihlabela iNkosi umhlatshelo wokubonga, kwenzeni ukuba lamukeleke.

ULevi 7:15

Inyama yomhlatshelo weminikelo yakhe yokuthula ongowokubonga izakudliwa ngosuku lokunikela kwakhe, angatshiyi lutho kuze kube sekuseni.

ULevi 6:16

Okuseleyo kuwo uAroni lamadodana akhe bazakukudla, bakudle njengezinkwa ezingelamvubelo endaweni engcwele, egumeni lethente lokuhlangana.

ULevi 2:5

Uba umnikelo wakho ungumnikelo wempuphu ephekwe ngomganu wensimbi, kawube ngowempuphu ecolekileyo engelamvubelo, ixubene lamafutha.

uAmosi 4:5

linikele umhlatshelo wenu wokubonga ngokuwutshelweyo, limemezele iminikelo yesihle liyizwakalise! ngoba lithanda ukwenza njalo lina bakoIsrayeli, kutsho iNkosi uNkulunkulu.