ULevi 5:7 - iBhayibhili Elingcwele 1978

⁷ Kodwa uba esehluleka ukuletha imvu, angaletha eNkosini ngesono asenzileyo amajuba amabili loba inkwilimba ezimbili, enye ibe ngumnikelo wesono lenye ibe ngumnikelo wokutshiswa;

IBhayibhili Elingcwele LesiNdebele

⁷ Nxa engenelisi ukuthola imvana uzaletha amajuba amabili kumbe amaphuphu enkwilimba amabili kuThixo njengenhlawulo yesono sakhe, okunye kungumnikelo wesono, okunye kungumnikelo wokutshiswa.

ULevi 5:7 Referans Kwoze

ULevi 12:8

Uba esehluleka ukunikela ngemvu, kathathe amajuba amabili loba inkwilimba ezimbili, okunye kube ngumnikelo wokutshiswa lokunye kube ngumnikelo wesono, umpristi amenzele indlela yokubuyisana, ahlambuluke.

UMatewu 10:16

Khangelani, ngiyalithuma linjengezimvu phakathi kwempisi; ngakho hlakaniphani njengezinyoka, libe ngabangoni lutho njengamajuba.

2 AbaseKhorinte 8:12

Ngoba uba uthando lokupha lukhona, uNkulunkulu uyamukela lokho umuntu alakho, angakudingi lokho umuntu angelakho.

UMatewu 3:16

UJesu esebhaphathiziwe wakhuphuka masinyane emanzini; izulu lavuleka, wabona uMoya kaNkulunkulu esehla kungathi lijuba, esiza phezu kwakhe.

ULevi 14:31

okunye kube ngumnikelo wesono lokunye kube ngumnikelo wokutshiswa, kanye lomnikelo wempuphu. Umpristi uzamenzela ohlanjululwayo indlela yokubuyisana phambi kweNkosi.

ULukha 2:24

lokuba banikele umhlatshelo njengokutshiwo emlayweni weNkosi ukuthi kakunikelwe amajuba amabili ingabe inkwilimba ezimbili.

ULevi 16:5

Athathe ebandleni labantu bakoIsrayeli impongo ezimbili zibe ngumnikelo wesono, lenqama ibe ngumnikelo wokutshiswa.

ULevi 15:30

umpristi anikele okunye kube ngumnikelo wesono lokunye kube ngumnikelo wokutshiswa. Ngalokho uzakumenzela indlela yokubuyisana phambi kweNkosi ngenxa yomopho wakhe.

ULevi 9:3

Tshono ebantwini bakoIsrayeli uthi: Thathani impongo ibe ngumnikelo wesono, lethole lewundlu, womabili abe lomnyaka munye angelasici, abe ngumnikelo wokutshiswa,

ULevi 5:11

Kodwa uba esehluleka ukuletha amajuba amabili loba inkwilimba ezimbili, angaletha ngesono asenzileyo ingxenye yehefa yempuphu ecolekileyo ibe ngumnikelo wesono; angatheli mafutha kuyo, angabeki nhlaka phezu kwayo, ngoba ingumnikelo wesono.

UMatewu 21:12

UJesu wasengena ethempelini, wabaxotsha bonke ababethengisa lababethenga ethempelini, wagenqula amatafula ababentshintshelana imali lezihlalo zalabo ababethengisa inkwilimba.

ULevi 7:1

Nanku umlayo womnikelo wecala. Ungcwele kakhulu.

ULevi 12:6

Lapho seziphelile insuku zakhe zokuhlanjululwa, ngomfana loba ngenkazana, kalethe kumpristi ngasemnyango wethente lokuhlangana iwundlu elilomnyaka munye, libe ngumnikelo wokutshiswa, lejuba loba inkwilimba kube ngumnikelo wesono,

ULevi 14:30

Uzakunikela ngamajuba amabili loba ngenkwilimba ezimbili, loba yilokho alakho,

AmaNani 5:6

Tshono ebantwini bakoIsrayeli uthi: Uba owesilisa loba owesifazana esenza isono esenziwa ngabantu abangathembekanga eNkosini, lowomuntu ulecala,

AmaNani 6:10

Ngosuku lwesificaminwembili uzaletha amajuba amabili loba inkwilimba ezimbili kumpristi ngasemnyango wethente lokuhlangana;

AmaNani 6:11

umpristi uzakunikela ngenye ibe ngumnikelo wesono, langenye ibe ngumnikelo wokutshiswa, amenzele indlela yokubuyisana, ngoba uzingcolisile ngesidumbu. Uzakulahlukanisela ikhanda lakhe ngalona lolosuku,

ULevi 27:8

Uba umuntu othembisileyo engumyanga, esehluleka ukunika ngokunjalo, uzakuletha lowomuntu kumpristi; umpristi uzakumlinganisa njengokwamandla akhe owathembisayo.