ULevi 3:1 - iBhayibhili Elingcwele 1978

¹ Uba umnikelo womuntu ungumhlatshelo womnikelo wokuthula, nxa enikela ngenkomo, enduna ingabe ensikazi, kawunikele phambi kweNkosi ungelasici.

IBhayibhili Elingcwele LesiNdebele

¹ “ ‘Nxa umnikelo womuntu ungumnikelo wobudlelwano, enikela ngesifuyo esiduna kumbe esisikazi, esisuka emhlambini, kumele alethe kuThixo isifuyo esingalasici.

ULevi 3:1 Referans Kwoze

AmaNani 6:14

anikele ngomnikelo wakhe eNkosini, iwundlu elilomnyaka munye elingelasici, libe ngumnikelo wokutshiswa, lemvukazi elomnyaka munye engelasici ibe ngumnikelo wesono, lenqama ibenye engelasici ibe ngumnikelo wokuthula,

ULevi 1:3

Uba umnikelo wakhe ungumnikelo wokutshiswa owenkomo, uzakunikela ngenkunzi engelasici, ayinikele ngasemnyango wethente lokuhlangana, ukuba amukeleke phambi kweNkosi.

1 UJohane 1:3

Lokho esikubonileyo sakuzwa, silitshumayeza khona lani, ukuze lani libe lokuhlanganyela lathi; thina silokuhlanganyela loBaba kanye leNdodana yakhe uJesu Kristu.

AmaHebheru 10:22

ngakhoke asisondele ngenhliziyo eqinisileyo langokuthemba okupheleleyo kokukholwa, zifafaziwe inhliziyo zethu, lungasekho uvalo lokubi, lemizimba yethu igezisiwe ngamanzi acwebileyo.

uAmosi 5:22

Lanxa linikela kimi iminikelo yenu yokutshiswa kanye leyempuphu, kangiyikuyamukela, leminikelo yenu yokuthula eyezinkomo ezinonileyo kangiyikuyinanza.

AbaseKholose 1:20

lokuba ngayo abuyisane lezinto zonke ezisemhlabeni loba ezisezulwini, enze ukuthula ngegazi lesiphambano sayo.

UMalaki 1:14

Kaqalekiswe umkhohlisi ogcwalisa izifungo zakhe ngokuhlabela iNkosi okonakeleyo, yena elenqama engelasici emhlambini wakhe. Ngoba ngiyinkosi enkulu, kutsho iNkosi yamabandla, lebizo lami liyesabeka phakathi kwezizwe.

UMalaki 1:8

Lapho linikela inyamazana eyisiphofu ibe ngumhlatshelo, lokho kakukubi na? Lapho linikela inyamazana eqhulayo legulayo, lokho kakukubi na? Akukunike umbusi wakho lokho; kambe angathokoza ngawe na? Angaba lomusa kuwe na? kutsho iNkosi yamabandla.

UHezekhiyeli 45:15

imvu eyodwa emhlambini wezimvu ezingamakhulu amabili, emizini yakoIsrayeli. Nanku umnikelo weminikelo yempuphu, leminikelo yokutshiswa, leminikelo yokuthula yokubenzela ukubuyisana, kutsho iNkosi uNkulunkulu.

Izaga 7:14

Bekumele nginikele imihlatshelo, lamhla sengigcwalisile izifungo zami;

1 ImiLando 21:26

Wayakhela khona iNkosi ialtare, wanikela phezu kwalo iminikelo yokutshiswa leminikelo yokuthula, wakhuleka eNkosini, yona yamphendula ngomlilo ovela ezulwini, wavutha phezu kwealtare lomnikelo wokutshiswa.

Abahluleli 21:4

Kusasa abantu bavuka ekuseni, bakha ialtare lapho, banikela iminikelo yokutshiswa leminikelo yokuthula.

Abahluleli 20:26

Ngakho bonke abantu bakoIsrayeli, yonke impi, basuka baya eBetheli, bakhala behlezi phambi kweNkosi, bazila ukudla kwaze kwahlwa, banikela iminikelo yokutshiswa leminikelo yokuthula phambi kweNkosi.

AmaNani 7:17

okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lawawundlu amahlanu alomnyaka munye. Lokho kwakungumnikelo kaNashoni indodana kaAminadaba.

ULevi 17:5

Ngalokho abantu bakoIsrayeli bafanele ukuletha eNkosini imihlatshelo abayihlaba egangeni, bayilethe kumpristi ngasemnyango wethente lokuhlangana, banikele ngayo ibe yiminikelo yokuthula eNkosini.

U-Eksodasi 29:28

kuzakuba ngokukaAroni lokwamadodana akhe, kube yimfanelo engapheliyo kwabakoIsrayeli; ngoba kuyisabelo sabapristi esivela eminikelweni yokuthula yabakoIsrayeli; kungumnikelo wabo onikelwa eNkosini.

U-Eksodasi 24:5

Wathuma insizwa zabantu bakoIsrayeli ukuba zinikele iminikelo yokutshiswa, zihlabele iNkosi imihlatshelo yokuthula yezinkabi.

U-Eksodasi 20:24

Lingenzele ialtare lomhlabathi, linikele kulo iminikelo yenu yokutshiswa leminikelo yenu yokuthula, izimvu lenkabi zenu. Kuzo zonke indawo lapho ngilenza ibizo lami ukuba likhunjulwe khona ngizakuza kini ngilibusise.

ULevi 3:6

Uba umnikelo wakhe ongumhlatshelo womnikelo wokuthula eNkosini ungowemihlambi, enduna ingabe ensikazi, kanikele ngawo ungelasici.

ULevi 9:18

Wahlaba lenkabi lenqama ezingumhlatshelo weminikelo yokuthula owabantu; amadodana akhe amnika igazi; walikhaphazela ealtareni inxa zonke.

AmaNani 7:59

okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaGamaliyeli indodana kaPedazuri.

AmaNani 15:8

Nxa lilungisa inkunzi ibe ngumnikelo wokutshiswa loba ngumhlatshelo, owokugcwalisa isithembiso, ingabe kube yiminikelo yokuthula eNkosini,

UDutheronomi 12:27

linikele iminikelo yenu yokutshiswa, inyama kanye legazi, ealtareni leNkosi uNkulunkulu wenu; igazi lemihlatshelo yenu lithululwe phezu kwealtare leNkosi uNkulunkulu wenu, kodwa inyama lingayidla.

UHezekhiyeli 43:27

Nxa seziphelile lezonsuku, kusukela osukwini lwesificaminwembili abapristi bazanikela phezu kwealtare iminikelo yenu yokutshiswa leminikelo yokuthula; ngizakulamukela, kutsho iNkosi.

ULevi 1:10

Uba umnikelo wakhe ungumnikelo wemihlambi, owezimvini loba owezimbuzini, uzanikela ngenduna engelasici;

ULevi 9:4

lithathe lenkabi lenqama zibe yiminikelo yokuthula, zihlatshwe phambi kweNkosi, lomnikelo wempuphu exubene lamafutha; ngoba lamhla iNkosi izabonakala kini.