ULevi 26:36 - iBhayibhili Elingcwele 1978

³⁶ Mayelana lalabo abaseleyo phakathi kwenu, ngizakwenza inhliziyo zabo zesabe emazweni ezitha zabo; lapho besizwa ihlamvu linyikinyeka, bazakubaleka, babaleke njengomuntu obalekela impi, bawe bengaxotshwa muntu.

IBhayibhili Elingcwele LesiNdebele

³⁶ Mayelana lalabo abasele bephila, ngizakwenza inhliziyo zabo zibe lokwesaba okukhulu bekhonale emazweni ezitha zabo baze babalekele lomsindo wehlamvu liphetshulwa ngumoya. Bazagijima angathi babalekela inkemba; bazakuwa lanxa kungekho muntu obaxotshayo.

ULevi 26:36 Referans Kwoze

UHezekhiyeli 21:7

Nxa besithi kuwe: Ububulelani na? wena uthi: Kungenxa yezindaba ezizayo. Lapho sezifikile, zonke inhliziyo zizagcwala ukwesaba, lezandla zibe buthakathaka, lemimoya yonke ihlupheke, lamadolo wonke atshayane. Nanzoke, sezifikile, zizagcwaliseka, kutsho iNkosi uNkulunkulu.

U-Isaya 30:17

Abayinkulungwane bazabaleka ngokusongelwa ngoyedwa nje, ngokusongelwa ngabahlanu lizakubaleka, libaleke kuze kuthi abaseleyo benu basale sebenjengensika ephezu kwentaba, lanjengogodo olumiswe oqaqeni.

ULevi 26:17

Ngizakumelana lani, lichithwe yizitha zenu. Abalizondayo bazakulibusa, libaleke lingaxotshwa muntu.

UHezekhiyeli 21:15

ukuba inhliziyo zabo zigcwale ukwesaba. Sengibasongela ngomkhonto emasangweni abo wonke, umkhonto okhazimulayo njengombane, walolongelwa ukubulala.

UHezekhiyeli 21:12

Khala ulile, ndoda, ngoba lumkhonto ngowokulwa labantu bami, ngowokulwa lazo zonke izikhulu zakoIsrayeli; zinikelwe kuwo kanye labantu bami. Ngakho tshaya isifuba sakho ngenxa yosizi,

U-Isaya 7:4

uthi kuye: Qina, ume isibindi, ungesabi, inhliziyo yakho ingathuthunyeliswa yilezizikhuni ezimbili ezithunqayo nje, ungathuthunyeliswa lulaka oluvuthayo lukaRezini leSiriya lendodana kaRemaliya.

U-Isaya 7:2

Lapho kubikwa endlini kaDavida ukuthi iSiriya ihlangene loEfrayimi, uAhazi labantu bakhe bathuthumela njengezihlahla zinyikinywa ngumoya.

Izaga 28:1

Ababi babaleka lanxa kungekho oxotshana labo, kodwa abalungileyo balesibindi njengesilwane.

2 ImiLando 14:14

Bayihlasela yonke imizi yangaseGerari, ngoba iNkosi yabehlisela abantu ukwesaba. AbakoJuda bayiphanga yonke imizi ngoba impango yayinengi kiyo.

1 USamuyeli 17:24

Bonke abantu bakoIsrayeli bathi bembona lowomuntu bambalekela, besaba kakhulu.

UJoshuwa 5:1

Kwathi wonke amakhosi amaAmori ayengaphetsheya kweJordani ngasentshonalanga lawo wonke amakhosi amaKanani ayengasolwandle esizwa ukuba iNkosi yenza amanzi eJordani atsha ukuba abakoIsrayeli bachaphe, inhliziyo zawo zaphela amandla, aphelelwa layisibindi ngenxa yabantu bakoIsrayeli.

UDutheronomi 1:44

Kwathi amaAmori ayehlala ezintabeni lezo aphuma alihlasela, alixotsha njengezinyosi, alinqoba eSeyiri, kwaze kwaba seHorma.

UGenesisi 35:5

Basebehambake; ukumesaba uNkulunkulu okukhulu kwehlela emizini yakhona; abantu bemizi kabaxotshananga lamadodana kaJakobe.

UGenesisi 4:12

Nxa ulima umhlabathi, kawusayikukunika isithelo sawo; uzakuba luzulane lomhambuma emhlabeni.

ULevi 26:35

Ngesikhathi sonke elihlala lichithekile ngaso lizakuphumula, ukuphumula elalingelakho ngamaSabatha enu nxa lalihlala kilo.

UJoshuwa 7:5

labantu baseAyi babulala abangamatshumi amathathu lesithupha, baxotshana labo kusukela esangweni baze bafika emigodini, bababulalela ekwehleni. Abantu baphelelwa yisibindi, besaba.

UJobe 13:25

Uzakwethusa ihlamvu eliphephethekayo, uxotshane lomule owomileyo na?

AmaHubo 53:5

Nampo betshaywa luvalo olukhulu, uvalo olungazanga lube khona. Ngoba uNkulunkulu uzakuchitha amathambo abo abakuhlaselayo; bazakuchithwa ngoba uNkulunkulu ubalahlile.

UJeremiya 37:10

Loba liyahlula impi yonke yamaKaladiya alwayo lani, kusale nje abantu abalimeleyo, bazasukuma bonke baphume emathenteni abo, bawutshise lumuzi ngomlilo.

UJeremiya 46:16

Abanengi benu bakhubeka bawa, bakhulumisana besithi: Vukani, sibuyele ebantwini bakithi, laselizweni esazalelwa kilo, ngenxa yomkhonto womchithi.

Izililo 1:3

UJuda wathunjwa waya kwezinye izizwe ngenxa yokuhlupheka lobugqili obukhulu. Usehlezi phakathi kwezizwe, kafumani ukuphumula. Bonke abamzingelayo bamficile ephakathi kobuhlungu.

Izililo 1:6

Bonke ubukhosi buphelile eZiyone. Izikhulu zalo sezinjengezimpala ezingafumani idlelo, zibalekile zingelamandla phambi kwabazixotshayo.

Izililo 4:19

Abasizingelayo babelejubane kulamanqe aphezulu, baxotshana lathi ezintabeni, basicathamela enkangala.

AmaHubo 53:6

Kungathi ukukhululwa kukaIsrayeli kungavela eZiyone! Lapho uNkulunkulu esebuyisa inhlanhla kubantu bakhe, uJakobe uzakuthaba, loIsrayeli athokoze.

AmaHubo 89:43

Futhi ubuyisele emuva umhedla wakhe obukhali, kawumvumelanga ukuma ekulweni.

UHosiya 8:3

UIsrayeli ulahlile okuhle, isitha sizaxotshana laye.