ULevi 26:17 - iBhayibhili Elingcwele 1978

¹⁷ Ngizakumelana lani, lichithwe yizitha zenu. Abalizondayo bazakulibusa, libaleke lingaxotshwa muntu.

IBhayibhili Elingcwele LesiNdebele

¹⁷ Ngizaliphendukela lehlulwe yizitha zenu, abalizondayo bazalibusa; lizabaleka lanxa kungekho olixotshayo.

ULevi 26:17 Referans Kwoze

Izaga 28:1

Ababi babaleka lanxa kungekho oxotshana labo, kodwa abalungileyo balesibindi njengesilwane.

ULevi 17:10

Uba umuntu wendlu kaIsrayeli, loba owemzini ohlala phakathi kwabo, esidla igazi, ngizakumelana laye olidlayo, ngimkhuphe ebantwini bakibo.

AmaHubo 53:5

Nampo betshaywa luvalo olukhulu, uvalo olungazanga lube khona. Ngoba uNkulunkulu uzakuchitha amathambo abo abakuhlaselayo; bazakuchithwa ngoba uNkulunkulu ubalahlile.

UDutheronomi 28:25

INkosi izakukwenza unqotshwe yizitha zakho; uzakuphuma ngandlelanye ukuzihlasela, uzibalekele ngezindlela eziyisikhombisa; uzakuba yinto eyesabekayo kuyo yonke imibuso yomhlaba.

UJeremiya 19:7

Ngizakuchitha kulindawo amacebo akoJuda laweJerusalema, ngenze ukuba abantu babo babulawe empini phambi kwezitha zabo, langesandla salabo ababazingelayo; nginike izidumbu zabo zibe yikudla kwenyoni zaphezulu lenyamazana zeganga.

Abahluleli 2:14

Ngakho ulaka lweNkosi lwavutha kuIsrayeli, yabanikela kubaphangi ababaphangayo; yabanikela emandleni ezitha zabo ezazibahanqa, behluleka ukumelana lazo.

Izililo 1:5

Izitha zalo sezilibusa, ziyaphumelela, ngoba iNkosi ilenze lahlupheka ngenxa yobunengi beziphambeko zalo. Abantwana balo bathunjiwe yizitha.

1 USamuyeli 31:1

AmaFilistiya alwa loIsrayeli; abakoIsrayeli behlulwa, abanengi bafela entabeni yaseGilibowa.

1 USamuyeli 4:10

Ngakho amaFilistiya alwa, abakoIsrayeli behlulwa, babalekela emizini yabo. Kwabulawa abanengi, ngoba kwafa koIsrayeli abayizinkulungwane ezingamatshumi amathathu abangamabutho.

UGenesisi 4:12

Nxa ulima umhlabathi, kawusayikukunika isithelo sawo; uzakuba luzulane lomhambuma emhlabeni.

UJoshuwa 7:4

Kwasekuphuma abantu abaphosa babe zinkulungwane ezintathu; babaleka phambi kwabantu baseAyi,

1 AmaKhosi 8:33

Lapho abantu bakho bakoIsrayeli besahlulwa yizitha zabo ngoba bonile kuwe, uba bephenduka, balivume ibizo lakho, bakhuleke kuwe bekuncenga kulindlu,

AmaHubo 44:10

Usenze ukuba sibalekele izitha zethu; izitha zethu ziyaziphangela nje.

UJeremiya 44:11

Ngakhoke iNkosi yamabandla, uNkulunkulu kaIsrayeli, ithi: Ngizalenzela okubi ukuba ngiliqede elizweni lonke lakoJuda.

UHezekhiyeli 15:7

Ngizamelana labo; lanxa bephunyuka emlilweni, umlilo uzabaqeda; lizakwazi ukuba ngiyiNkosi, nxa sengimelana labo.

Abahluleli 3:8

Ngakho ulaka lweNkosi lwavutha kuIsrayeli, yabanikela esandleni sikaKushani‐Rishathayimi inkosi yaseAramu eliphakathi kwemifula emibili; abakoIsrayeli bayisebenzela inkosi uKushani‐Rishathayimi iminyaka eficaminwembili.

Abahluleli 3:14

AbakoIsrayeli babengaphansi kukaEgiloni inkosi yaseMowabi iminyaka elitshumi leficaminwembili.

Abahluleli 6:2

AmaMidiyani ayelamandla kulabakoIsrayeli; abakoIsrayeli bacatsha ezimbalwini zezintaba, emihomeni lezinqabeni ngenxa yamaMidiyani.

1 USamuyeli 12:15

Kodwa uba lingalilaleli ilizwi layo, lihlamuka imilayo yayo, isandla sayo sizamelana lani lenkosi yenu.

2 AmaKhosi 13:3

INkosi yamthukuthelela uIsrayeli, yamnikela futhifuthi esandleni sikaHazayeli inkosi yaseSiriya lesandleni sikaBenihadadi indodana kaHazayeli.

2 AmaKhosi 13:7

Kwasala kuphela kuJehowahazi impi engamatshumi amahlanu yabagadi bamabhiza, lenqola zokulwa ezilitshumi, labahamba ngenyawo abazinkulungwane ezilitshumi; ngoba inkosi yaseSiriya yayisibabulale bonke, yabenza baba njengothuli olunyathelwa zinyawo.

AmaHubo 53:6

Kungathi ukukhululwa kukaIsrayeli kungavela eZiyone! Lapho uNkulunkulu esebuyisa inhlanhla kubantu bakhe, uJakobe uzakuthaba, loIsrayeli athokoze.

U-Isaya 30:17

Abayinkulungwane bazabaleka ngokusongelwa ngoyedwa nje, ngokusongelwa ngabahlanu lizakubaleka, libaleke kuze kuthi abaseleyo benu basale sebenjengensika ephezu kwentaba, lanjengogodo olumiswe oqaqeni.

U-Isaya 63:10

Kodwa bayivukela, badabukisa umoya wayo ongcwele; yaphenduka yaba yisitha sabo, yalwa labo.

Izililo 2:4

Isinemba ngemitshoko yayo njengesitha, yathiya isandla sayo esilamandla; njengesitha ibulele bonke abathandeka emehlweni ethu; lasethenteni laseZiyone yehlisela ulaka lwayo njengomlilo.