ULevi 26:15 - iBhayibhili Elingcwele 1978

¹⁵ uba lilahla izimiso zami, lidelele izahlulelo zami, ukuze lingenzi imilayo yami yonke, leqe isivumelwano sami,

IBhayibhili Elingcwele LesiNdebele

¹⁵ njalo nxa lizakwala izimiso zami, linengwe yimithetho yami, lingenzi okwemilayo yami yonke, ngalokho lephule isivumelwano sami,

ULevi 26:15 Referans Kwoze

2 AmaKhosi 17:15

Badelela izimiso zayo lesivumelwano eyasenza lokhokho babo lezixwayiso eyabanika zona. Balandela izithombe ezilize, labongokwabo baba yilize, balandela izizwe ezazibahanqile iNkosi eyayibatshele ukuba bangenzi njengazo.

UDutheronomi 31:16

INkosi yathi kuMose: Usuzakubhubha njengokhokho bakho; lababantu lapho sebefikile elizweni abaya kulo, bahlala labezizwe, bazakhonza onkulunkulu bazo, bangitshiye, basaphule isivumelwano sami engisenze labo.

UHezekhiyeli 16:59

Yebo, iNkosi uNkulunkulu ithi: Ngizakukuphatha njengokwenza kwakho, wena odelele isifungo, wephula isivumelwano;

UJeremiya 11:10

Sebebuyele ebubini babokhokho babo abala ukuzwa ilizwi lami; balandela abanye onkulunkulu ukuba babakhonze; indlu yakoIsrayeli leyakoJuda zisaphulile isivumelwano sami engasenza lokhokho babo.

U-Isaya 24:5

Umhlaba wonakalisiwe ngabahlala kiwo; ngoba abantu beqile imilayo, bephula izimiso, bephula isivumelwano esingapheliyo.

AmaNani 15:31

Ngoba edelele ilizwi leNkosi, wephula umlayo wayo, uzakukhutshwa sibili; ububi bakhe buzakuhlala kuye.

AmaHebheru 8:9

esingenjengesivumelwano engasenza labokhokho babo mhla ngibabamba ngesandla ukubakhupha elizweni laseGibithe, ngoba kabahlalanga esivumelwaneni sami, lami kangibananzanga, itsho iNkosi.

1 AbaseThesalonika 4:8

Ngakhoke lowo odelela lokhu kadeleli muntu, kodwa udelela uNkulunkulu olinika uMoya wakhe oNgcwele.

AbaseRoma 8:7

Ngoba ukunakana ngezinto zokwabantu kuyibutha kuNkulunkulu; kakuzehliseli ngaphansi komlayo kaNkulunkulu; impela kungekwenze;

Imisebenzi 13:41

Khangelani lina zideleli, limangale, libhubhe, ngoba mina ngenza imisebenzi ensukwini zenu, imisebenzi elingayikuyikholwa, lanxa umuntu elilandisela ngayo.

UJeremiya 31:32

esingenjengesivumelwano engasenza lokhokho babo mhla ngibabamba ngesandla sami ukubakhupha elizweni laseGibithe, ngitsho isivumelwano sami abasaphulayo, lanxa ngangiyiNkosi yabo, kutsho iNkosi.

UJeremiya 6:19

Zwana, wena mhlaba; ngehlisela okubi phezu kwalababantu, kuyizithelo zemicabango yabo, ngoba kabalalelanga ilizwi lami, lomlayo wami bawalile.

Izaga 5:12

uthi: Ngazondelani ukulaywa? Ngadelelelani ukukhuzwa na?

Izaga 1:30

bengavumanga ukweluleka kwami, bedelela konke ukukhuza kwami;

Izaga 1:7

Ukuyesaba iNkosi kuyikuqala kokwazi, kodwa izithutha ziyadelela ukuhlakanipha lokufundiswa.

AmaHubo 50:17

Ngoba uyakuzonda ukuqondiswa, lamazwi ami uyawadelela.

2 ImiLando 36:16

Kodwa babelokhu bezihleka ulunya izithunywa zikaNkulunkulu, bedelela amazwi akhe, beklolodela abaprofethi bakhe, lwaze lwavutha ulaka lweNkosi ebantwini bayo baze baswela usizo.

ULevi 26:43

Kodwa ilizwe lizakutshiywa yibo, lithokoze ngamaSabatha alo lisahlezi lichithekile, lingelabo. Bazakutshaywa ngenxa yobubi babo, ngoba balahla izahlulelo zami, badelela izimiso zami.

U-Eksodasi 24:7

Wathatha incwadi yesivumelwano, wayibala phambi kwabantu. Bathi: Konke iNkosi ekutshiloyo sizakukwenza, silalele.

U-Eksodasi 19:5

Ngakhoke uba lililalela ilizwi lami, ligcine isivumelwano sami, lizakuba ligugu kimi phakathi kwezizwe zonke; ngoba wonke umhlaba ungowami;

UGenesisi 17:14

Owesilisa ongasokwanga uzakukhutshwa ebantwini bakibo, ngoba weqile isivumelwano sami.

ULevi 26:9

Ngizakuba lomusa kini, ngilenze ukuba lizale, lande, ngimise isivumelwano sami lani.

ULevi 26:11

Ngizahlala phakathi kwenu, kangiyikunengwa yini.

1 USamuyeli 12:15

Kodwa uba lingalilaleli ilizwi layo, lihlamuka imilayo yayo, isandla sayo sizamelana lani lenkosi yenu.

UMalaki 2:2

Uba lingalaleli, uba lingananzi ukulidumisa ibizo lami, kutsho iNkosi yamabandla, ngizalithumela isiqalekiso, ngiphendule izibusiso zenu zibe yiziqalekiso. Yebo, sengisenza njalo, ngoba kalinanzi ukwenza lokho.