ULevi 26:12 - iBhayibhili Elingcwele 1978

¹² Ngizakuhamba phakathi kwenu, ngibe nguNkulunkulu wenu, libe ngabantu bami.

IBhayibhili Elingcwele LesiNdebele

¹² Ngizahamba phakathi kwenu, ngibe nguNkulunkulu wenu lina libe ngabantu bami.

ULevi 26:12 Referans Kwoze

2 AbaseKhorinte 6:16

Livumelana ngaphi ithempeli likaNkulunkulu lezithombe na? Ngoba thina silithempeli likaNkulunkulu ophilayo, njengokutsho kwakhe ukuthi: Ngizakuhlala labo, ngihambe phakathi kwabo; ngizakuba nguNkulunkulu wabo, bona babe ngabantu bami.

UJeremiya 30:22

Lizakuba ngabantu bami, lami ngibe nguNkulunkulu wenu.

UJeremiya 7:23

Kodwa ngabalaya lokhu kuphela ngathi: Lalelani ilizwi lami, ngizakuba nguNkulunkulu wenu, lina libe ngabantu bami, lihambe ngezindlela engililaya zona, ukuze kulilungele.

U-Eksodasi 6:7

Ngizalithatha libe ngabantu bami, mina ngibe nguNkulunkulu wenu; lizakwazi ukuthi ngiyiNkosi uNkulunkulu wenu olikhupha ekucindezelweni kwenu ngamaGibithe;

AmaHebheru 11:16

kodwake bafisa ilizwe elihle kulalelo okutsho elasezulwini. Ngakhoke uNkulunkulu kalanhloni ngokuthiwa nguNkulunkulu wabo, ngoba ubalungisele umuzi.

UJoweli 2:27

Lizakwazi ukuthi ngikhona phakathi kukaIsrayeli, lokuthi mina Nkosi nginguNkulunkulu wenu, kakho omunye. Abantu bami kabasayikuphinda bayangiswe futhi.

UDutheronomi 23:14

Ngoba iNkosi uNkulunkulu wenu iyahamba phakathi kwezihonqo zenu, ukuba ililondoloze, inikele izitha zenu kini. Ngakhoke izihonqo zenu kazibe ngcwele, ukuba ingaboni lutho olungahlambulukanga phakathi kwenu, ilifulathele.

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.

Isambulo 21:7

Onqobayo uzakudla ilifa lalezizinto; ngizakuba nguNkulunkulu wakhe, yena abe yindodana yami.

UHezekhiyeli 11:20

ukuba bahambe ngezimiso zami, bagcine imithetho yami bayilalele; bazakuba ngabantu bami, lami ngibe nguNkulunkulu wabo.

UJeremiya 11:4

engalaya ngawo okhokho benu lapho ngibakhupha elizweni laseGibithe, esithandweni sokuncibilikisa insimbi, ngathi: Lalelani ilizwi lami, lenze konke engilitshela khona, libe ngabantu bami, lami ngibe nguNkulunkulu wenu,

U-Isaya 41:10

ungesabi, ngoba mina ngilawe, ungapheli amandla, ngoba mina nginguNkulunkulu wakho; ngizakukuqinisa, ngikusize, ngikusekele ngesandla sami sokunene esinqobayo.

UGenesisi 17:7

Ngizamisa isivumelwano sami phakathi kwami lawe, lenzalo yakho emva kwakho ezizukulwaneni zayo, isivumelwano esingapheliyo sokuba ngibe nguNkulunkulu wakho lowenzalo yakho emva kwakho.

UJeremiya 32:38

Bazakuba ngabantu bami, lami ngibe nguNkulunkulu wabo.

UJeremiya 31:33

Yilesi isivumelwano engizakusenza lendlu kaIsrayeli emva kwalezonsuku, kutsho iNkosi. Ngizafaka umlayo wami emibilinini yabo, ngiwulobe enhliziyweni zabo, ngibe nguNkulunkulu wabo, labo babe ngabantu bami.

AmaHubo 50:7

Uthi: Zwanini bantu bami, ngizakhuluma; Israyeli, ngizafakaza ngawe ukuthi: NginguNkulunkulu, uNkulunkulu wakho.

UHezekhiyeli 36:38

ngangomhlambi womhlatshelo, ngangomhlambi eJerusalema ngesikhathi semikhosi emisiweyo. Ngokunjaloke imizi echithekileyo izagcwala abantu. Ng’khona bazakwazi ukuba ngiyiNkosi.

U-Isaya 12:2

UNkulunkulu ungumkhululi wami, ngizakuthemba ngingesabi; ngoba iNkosi uNkulunkulu ingamandla ami lengoma yami, isingumkhululi wami.

U-Eksodasi 3:6

Wathi futhi: NginguNkulunkulu kayihlo, uNkulunkulu kaAbrahama, uNkulunkulu kaIsaka, uNkulunkulu kaJakobe. UMose wafihla ubuso bakhe, ngoba wayesesaba ukumkhangela uNkulunkulu.

UGenesisi 3:8

Basebesizwa iNkosi uNkulunkulu ihamba ensimini kusihlwa ekupholeni kwelanga; ngakho indoda lomkayo bayicatshela iNkosi uNkulunkulu phakathi kwezihlahla zensimu.

UMatewu 22:32

NginguNkulunkulu kaAbrahama, loNkulunkulu kaIsaka, loNkulunkulu kaJakobe na? Kasuye uNkulunkulu wabafileyo, kodwa ngowabaphilayo.

Isambulo 2:1

Kuso isithunywa sebandla eliseEfesu loba ukuthi: Nanku akutshoyo lowo ophethe inkanyezi eziyisikhombisa esandleni sakhe sokunene, ohamba phakathi kwezinti zezibane zegolide eziyisikhombisa;

UGenesisi 6:9

Le yindaba kaNowa. UNowa wayeyindoda elungileyo engasoleki esizukulwaneni sakhe; uNowa wayehamba loNkulunkulu.

UGenesisi 5:24

UEnoki wahamba loNkulunkulu. Kazabe esaba khona, ngoba uNkulunkulu wamthatha.

UGenesisi 5:22

Emva kokuzalwa kukaMethusela uEnoki wahamba loNkulunkulu iminyaka engamakhulu amathathu; wazala amadodana lamadodakazi.

UGenesisi 17:8

Ngizakunika wena lenzalo yakho emva kwakho ilizwe ohlala kilo, lonke ilizwe laseKanani libe yilifa elingapheliyo; ngizakuba nguNkulunkulu wabo.

U-Eksodasi 29:45

Ngizahlala phakathi kwabantu bakoIsrayeli, ngibe nguNkulunkulu wabo.

AmaNani 5:3

Khuphelani ngaphandle kwezihonqo abesilisa labesifazana ukuba bangangcolisi izihonqo engihlala phakathi kwazo.

2 USamuyeli 7:7

Endaweni zonke engihambe kuzo labo bonke abantu bakoIsrayeli ngake ngakhuluma ilizwi yini komunye wabahluleli bakoIsrayeli, engabalaya ukwalusa abantu bami uIsrayeli ngathi: Yini lingangakhelanga indlu yemikusu na?

U-Eksodasi 29:46

Bazakwazi ukuthi ngiyiNkosi uNkulunkulu wabo, eyabakhupha elizweni laseGibithe ukuba ngihlale phakathi kwabo; ngiyiNkosi, uNkulunkulu wabo.

UDutheronomi 23:15

Lingasibuyiseli kumniniso isigqili esibalekele kini;