ULevi 23:13 - iBhayibhili Elingcwele 1978

¹³ Umnikelo wempuphu ozanikelwa lalowo uzakuba yingxenye yehefa lempuphu ecolekileyo ixubene lamafutha, ube ngumnikelo owenzelwe iNkosi ngomlilo olephunga elimnandi; lomnikelo wokuthululwa ozanikelwa lawo uzakuba ngokwesine kwehini lewayini.

IBhayibhili Elingcwele LesiNdebele

¹³ awunikele ndawonye lomnikelo wamabele oyingxenye yehefa ngokubili etshumini, kube yifulawa ecolekileyo evutshwe ngamafutha. Lo ngumhlatshelo wokudla onikelwa kuThixo olephunga elimnandi. Kawenziwe njalo lomnikelo wokunatha oba yingxenye yehini eyodwa kokune kuliwayini.

ULevi 23:13 Referans Kwoze

UJoweli 2:14

Mhlawumbe izaphenduka isihawukele, isitshiyele isibusiso, isibusiso somnikelo wempuphu lomnikelo wokunathwayo weNkosi, uNkulunkulu wenu.

UJoweli 1:13

Gqokani izambatho zokulila, likhale, lina bapristi, lilani, lina zikhonzi zasealtareni. Ngenani, lilale lambethe izambatho zokulila bonke ubusuku, lina zikhonzi zikaNkulunkulu wami. Ngoba umnikelo wempuphu lomnikelo wokunathwayo igodliwe ukunikelwa endlini kaNkulunkulu wenu.

UJoweli 1:9

Umnikelo wempuphu lowokunathwa iphelile ethempelini. Izikhonzi zeNkosi, abapristi, ziyakhala.

UHezekhiyeli 46:14

Sinike lomnikelo wempuphu kanye lalo insuku zonke ekuseni, lengxenye yesithupha yehefa lengxenye yesithathu yehini lamafutha okuthambisa impuphu, kube ngumnikelo wempuphu eNkosini. Yiwo lo umlayo womnikelo wokutshiswa kokuphela.

UHezekhiyeli 45:24

Sizanika kube ngumnikelo wempuphu ihefa libe linye ngaleyo laleyonkunzi, lehefa libe linye ngaleyo laleyonqama, lehini yamafutha kulelo lalelohefa.

UHezekhiyeli 4:11

Amanzi akho okunatha lawo uwalinganise, unathe ingxenye yesithupha yehini, uwanathe ngesikhathi ngesikhathi.

AmaNani 28:10

lokhu kungumnikelo wokutshiswa wamaSabatha wonke owengezelelwe kuwo umnikelo wokutshiswa wensuku ngensuku lomnikelo wawo wokuthululwa.

ULevi 14:10

Ngosuku lwesificaminwembili uzathatha amawundlu amaduna amabili angelasici, lewundlu elisikazi elilomnyaka munye elingelasici, lomnikelo wempuphu elingana lengxenye yehefa empuphu ecolekileyo ixubene lamafutha, lamagcobo.

ULevi 6:20

Lo ngumnikelo uAroni lamadodana akhe abazakuwunikela eNkosini ngosuku lokugcotshwa kwakhe; kabanikele ngengxenye yehefa lempuphu ecolekileyo ibe ngumnikelo wempuphu wensuku zonke, banikele ingxenye yayo ekuseni lengxenye kusihlwa.

U-Eksodasi 30:24

lekasiya elingamashekeli angamakhulu amahlanu ngokweshekeli lendlu engcwele, kanye lamafutha amaoliva elihini linye;

U-Eksodasi 30:9

Linganikeleli kulo impepha engalunganga lomnikelo wokutshiswa lomnikelo wempuphu, lingatheli kulo umnikelo wokuthululwa.

ULevi 23:12

Ngosuku elizunguza ngalo isithungo, nikelani ngewundlu eliduna elilomnyaka munye, elingelasici, libe ngumnikelo wokutshiswa eNkosini.