ULevi 20:5 - iBhayibhili Elingcwele 1978

⁵ mina ngizamelana laye labomuzi wakhe, ngibakhuphe ebantwini bakibo, yena labo bonke abamlandelayo abaphinga loMoloki.

IBhayibhili Elingcwele LesiNdebele

⁵ mina ngizamhlamukela lowomuntu labomuzi wakhe, ngibakhuphe ebantwini bakibo, yena kanye labo bonke abahlanganyela laye njengeziphingi kuMoleki.

ULevi 20:5 Referans Kwoze

AmaHubo 106:39

Bangcola ngokunjalo ngemisebenzi yabo, benza ukuphinga ngezenzo zabo.

UHosiya 2:13

Ngizamtshaya ngenxa yezinsuku zemikhosi yaboBali, ayebatshisela ngazo impepha, ezicecisa ngamasongo langamangqongqo, walandela izithandwa zakhe, wangikhohlwa, kutsho iNkosi.

UHosiya 2:5

Ngoba unina wabo uwulile, owabazalayo wenzile ihlazo. Ngoba wathi: Ngizazilandela izithandwa zami, ezingipha ukudla lamanzi, loboya bezimvu, lesikusha, lamafutha lokunathwayo.

UJeremiya 32:39

Ngizabanika inhliziyonye lendlelanye, ukuba bangesabe zonke insuku, kube kuhle kubo lakubantwana babo emva kwabo.

UJeremiya 3:2

Phakamisela amehlo akho emadundulwini angelalutho, ubone. Kungaphi lapho ungalalelwanga khona na? Ngasezindleleni wahlalela izithandwa njengomArabiya enkangala. Ulingcolisile ilizwe ngobufebe bakho obubi.

ULevi 17:10

Uba umuntu wendlu kaIsrayeli, loba owemzini ohlala phakathi kwabo, esidla igazi, ngizakumelana laye olidlayo, ngimkhuphe ebantwini bakibo.

ULevi 17:7

Ngakhoke kabasayikuhlabela omoya ababi imihlatshelo yabo, ababesiya kubo ukuphinga sebengidela. Lokhu kuzakuba yisimiso esingelakuphela kubo ezizukulwaneni zabo.

U-Eksodasi 20:5

ungazikhothameli, ungazikhonzi; ngoba mina Nkosi, uNkulunkulu wakho, nginguNkulunkulu olomona; ngehlisela ububi baboyise ebantwaneni besizukulwana sesithathu lesesine sabangizondayo,

ULevi 20:4

Uba abantu belizwe bekhangela eceleni nxa lowomuntu enikela ngomunye wabantwana bakhe kuMoloki, bangambulali,

ULevi 20:6

Uba umuntu esiya kulabo abalamadlozi lezanuseni ukuyaphinga labo, ngizamelana laye, ngimkhuphe ebantwini bakibo.

2 ImiLando 21:11

Futhi wamisa indawo eziphakemeyo zokukhonzela entabeni zakoJuda, wenza abaseJerusalema bakhonze izithombe, waduhisa abakoJuda.

UJeremiya 44:11

Ngakhoke iNkosi yamabandla, uNkulunkulu kaIsrayeli, ithi: Ngizalenzela okubi ukuba ngiliqede elizweni lonke lakoJuda.