ULevi 19:13 - iBhayibhili Elingcwele 1978

¹³ Lingacindezeli umakhelwane wenu, lingamphangi. Lingagcini iholo loqatshiweyo ubusuku bonke kuze kube sekuseni.

IBhayibhili Elingcwele LesiNdebele

¹³ Lingaqilibezeli umakhelwane wenu, lingamkhuthuzi. Umuntu oqhatshiweyo lingambambeli iholo lakhe kuze kube kusasa.

ULevi 19:13 Referans Kwoze

UJakhobe 5:4

Khangelani, umvuzo wezisebenzi ezivune amasimu enu elizincitshe wona, uyakhala; lokukhala kwabavuni kufinyelele ezindlebeni zeNkosi yamabandla.

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

UJeremiya 22:13

Maye kulowo owakha indlu yakhe ngokungalungi, lezitezi zakhe ngokungafanelanga, owenza umakhelwana wakhe amsebenzele ngeze, angamholisi,

Izaga 20:10

Izilinganiso ezingalunganga lesikali esingalunganga, zonke lezi ziyazondeka eNkosini.

UMakho 10:19

Uyayazi imilayo ethi: Ungabulali, ungafebi, ungebi, ungafakazi amanga, ungadlelezeli, hlonipha uyihlo lonyoko.

UHezekhiyeli 22:29

Abantu belizwe bayaqilibezela, baphange abanye, bahluphe abayanga labaswelayo, bacindezele kakhulu abezizweni.

UJeremiya 22:3

INkosi ithi: Yenzani okuqotho lokulungileyo, likhulule esandleni somcindezeli lowo ophangiweyo, lingenzi okubi kowezizwe, lakuzo izintandane, lakumfelwakazi, lingachithi igazi elingelacala kulindawo.

U-Eksodasi 22:21

Lingamoni umuntu wezizweni, lingamhluphi; ngoba lani lalingabantu bezizweni kwelaseGibithe.

U-Eksodasi 22:15

Kodwa uba umninilo ekhona, kayikukuhlawula; uba bekuqatshiwe, imali yokuqatsha kayihlawulwe.

1 AbaseThesalonika 4:6

kakungabi khona loyedwa owonayo, aphambe umfowabo ngolutho, ngoba iNkosi ingumphindiseli kukho konke lokho, njengoba salitshela, saqinisa ngaphambili.

ULukha 3:13

Wathi kibo: Lingabizi lutho ngaphezu kwelikumiselweyo.

Izaga 22:22

Ungamphangi umyanga ngoba engumyanga nje, ungamcindezeli enkundleni ohluphekayo;

UJobe 31:39

uba ngidlile izithelo zawo ngingazihlawulelanga, ngabulala abanini bawo,

ULevi 6:3

ingabe efumana lokho obekulahlekile, akuphike, aqambe amanga ngakho — ngitsho kwenye yalezozinto umuntu ayenzayo, one ngayo —

U-Eksodasi 22:13

Uba idatshuliwe, kayilethe ibe yibufakazi, angayihlawuli edatshuliweyo.

UMatewu 20:8

Kwathi selitshonile, umninisivini wathi enduneni yakhe: Biza izisebenzi, uzikhokhele imali yazo, uqale ngezokucina ucine ngezokuqala.

1 uTimothi 5:18

Ngoba umbhalo uthi: Ungayifaki isayeke inkabi nxa ibhula amabele. Futhi uthi: Isisebenzi sifanele umvuzo waso.

U-Eksodasi 20:15

Ungebi.

U-Eksodasi 22:7

Uba umuntu enikeza umakhelwane wakhe imali loba impahla ukuba ayilondoloze, beseyebiwa endlini yalowomuntu, isela lizahlawula kuphindwe kabili uba lifunyanwa.

UJobe 17:5

Oceba abangane bakhe ukuba azuze isabelo sempahla yabo, amehlo abantwana bakhe azafiphala.

Izaga 3:28

Ungatsho kumakhelwana wakho ukuthi: Buya kusasa, ngizakukunika khona; lapho ulakho.

UHezekhiyeli 18:7

engacindezeli muntu, ebuyisela kowebolekayo isibambiso sakhe, engaphangi muntu, enika olambileyo ukudla, enika abahambaze izigqoko,

UHezekhiyeli 22:12

Phakathi kwakho abantu bazuza imivuzo yokuthengwa ngokuchitha igazi; uyazinothisa ngokuthatha inzuzo lomvuzo kubomakhelwana bakho ngobuqili. Usungikhohliwe, kutsho iNkosi uNkulunkulu.

ULevi 25:14

Uba uthengisa ulutho kumakhelwana wakho loba uthenga ulutho kuye, lingadlelezelani.

ULevi 25:17

Lingadlelezelani, kodwa lesabe uNkulunkulu wenu. Ngoba ngiyiNkosi uNkulunkulu wenu.

UJobe 7:2

Njengesigqili esifisa umthunzi, lanjengesiqatshwa esilindele iholo laso,