ULevi 19:10 - iBhayibhili Elingcwele 1978

¹⁰ Lingakhi zonke izithelo zezivini zenu; futhi lingakhi izithelo zezivini ezivuthukileyo; kodwa zitshiyeni zibe ngezabayanga lezabemzini. NgiyiNkosi uNkulunkulu wenu.

IBhayibhili Elingcwele LesiNdebele

¹⁰ Lingakhi izithelo ezivinini zenu kabili kumbe lidobhe ezikhithikileyo. Zitshiyeleni abayanga lezihambi. Mina nginguThixo uNkulunkulu wenu.

ULevi 19:10 Referans Kwoze

U-Isaya 24:13

Ngoba kuzakuba njalo emhlabeni wonke, phakathi kwezizwe zonke, kube njengokuwohlozwa kwesihlahla seoliva, lanjengokudojwa kwezithelo emva kokuvuna.

U-Isaya 17:6

kungasali lutho khona, kuphela izikhwebu ezidojiweyo; loba njengesihlahla seoliva esijikijelwayo esilezithelo ezimbili loba ezintathu ezisegqongeni yaso, ezine loba ezinhlanu engatsheni zesihlahla sezithelo, kutsho iNkosi uNkulunkulu kaIsrayeli.

ULevi 25:6

Ilizwe lizathela ukudla ngokwalo, kube ngokwenu, lokwezigqili zenu, lokwezigqilikazi zenu, lokwabaqatshiweyo benu, lokwabemzini abahlala kini,

UMikha 7:1

Maye mina! ngoba senginjengokuvunwa kwezithelo zasehlobo, njengevini eselivunwe laphela; kakuselahlukuzo lokudliwa, lemikhiwa yokuqala engiyithandayo.

uObadiya 1:5

Uba amasela efika kuwe labaphangi ebusuku, lanxa ukulahlekelwa kwakho kungaba kukhulu, bebengayikuthatha lokho abakufunayo na? Uba abavuna izithelo zevini befika kuwe, bebengayikutshiya ingcosana na?

UJeremiya 49:9

Uba abavuna amavini befika kuwe, kabayikutshiya ingcosana na? Uba amasela efika ebusuku, kawayikuphanga aze azikholise na?

Abahluleli 8:2

Yena wathi kibo: Ngenzeni mina lapho kulinganiswa lokwenziwe yini? Ukudojwa kwezithelo zevini eziseleyo koEfrayimi kakukuhle yini kulokuvuna kulesisivuno sakoAbiyezeri na?

ULevi 19:9

Lapho livuna isivuno selizwe lakini, lingavuni ngokupheleleyo kuze kufike emngceleni wensimu; futhi lingabuthi okuseleyo lapho seliqedile ukuvuna.

ULevi 19:11

Lingebi, lingakhohlisani, lingaqambelani amanga.

ULevi 23:22

Lapho livuna isivuno selizwe lakini, lingavuni ngokupheleleyo kuze kufike emngceleni wensimu; futhi lingabuthi okuseleyo lapho seliqedile ukuvuna, kodwa likutshiye kube ngokwabayanga lokwabemzini. NgiyiNkosi uNkulunkulu wenu.

UDutheronomi 24:19

Lapho uvuna ensimini yakho, ukhohlwe isithungo ensimini, ungabuyeli ukusithatha; sizakuba ngesowezizwe lesentandane lesomfelwakazi, ukuba iNkosi uNkulunkulu wakho ikubusise kuwo wonke umsebenzi wezandla zakho.

UDutheronomi 24:20

Nxa usukhile izihlahla zakho zeoliva, ungaphindi ukukha okuseleyo ezingatsheni; lokho kuzakuba ngokowemzini lokwentandane lokomfelwakazi.

URuthe 2:2

URuthe waseMowabi wathi kuNawomi: Ake ngiye emasimini, ngiyedobha amabele asalayo emva kwalowo ozangenzela umusa. Yena wasesithi kuye: Hamba, mntanami.

ULevi 11:44

Ngoba ngiyiNkosi uNkulunkulu wenu. Ngakhoke zihlambululeni lina, libe ngcwele, ngoba mina ngingcwele. Lingazingcolisi ngezinto ezihamba emhlabathini.

ULevi 19:25

Ngomnyaka wesihlanu lingadla izithelo zazo, ukuze zithele kakhulu. NgiyiNkosi uNkulunkulu wenu.

UDutheronomi 24:21

Nxa usuvunile izithelo zesivini sakho, ungathathi okuseleyo lapho usuqedile; kuzakuba ngokowemzini lokwentandane lokomfelwakazi.