ULevi 18:16 - iBhayibhili Elingcwele 1978

¹⁶ Ungambuli ubunqunu bomkamfowenu, ngoba kuyibunqunu bukamfowenu.

IBhayibhili Elingcwele LesiNdebele

¹⁶ Ungalali lomfazi womfowenu; kuzathelela umfowenu ihlazo.

ULevi 18:16 Referans Kwoze

UDutheronomi 25:5

Uba izelamani zihlala ndawonye, omunye wazo afe engelandodana, umfazi wofileyo kayikuthathwa ngowemzini ongesuye wakibo; umfowabo wendoda yakhe uzakumngena, amthathe abe ngumkakhe.

ULevi 20:21

Uba umuntu ethatha umkamfowabo, kuyikungcola; wambule ubunqunu bukamfowabo, ngakho kabayikuba lomntwana.

UMakho 12:19

Mfundisi, uMose wasilobela wathi uba umfowabo womuntu esifa, atshiye umkakhe engatshiyi umntwana, umfowabo kamngene umfazi, amvusele umfowabo inzalo.

UMatewu 22:24

bathi: Mfundisi, uMose wathi: Uba umuntu esifa engelabantwana, umfowabo kamngene umkakhe, amvusele umfowabo inzalo.

ULukha 3:19

Kodwa uHerodi umbusi owayesolwe nguye ngoHerodiyasi umkafowabo langakho konke okubi ayekwenzile uHerodi,

UMakho 6:17

Ngoba uHerodi wayethumele wambamba uJohane, wamfaka entolongweni ngenxa kaHerodiyasi umkaFiliphu umfowabo, ngoba wayemthethe.