ULevi 16:2 - iBhayibhili Elingcwele 1978

² yathi kuMose: Mtshele uAroni umfowenu ukuba angangeni njalo endaweni engcwele engaphakathi kweveli, phambi kwesihlalo somusa esiphezu komtshokotsho, ukuba angafi; ngoba ngizakubonakala eyezini phezu kwesihlalo somusa.

IBhayibhili Elingcwele LesiNdebele

² UThixo wathi kuMosi, “Tshela umfowenu u-Aroni ukuthi angamani abuye nje ngokuthanda kwakhe endaweni eNgcwelengcwele, ngemva kwekhetheni, phambi kwesihlalo somusa phezu komtshokotsho funa afe, ngoba ngiyabonakala ngiseyezini phezu kwesihlalo somusa.

ULevi 16:2 Referans Kwoze

U-Eksodasi 30:10

UAroni uzakwenza indlela yokubuyisana empondweni zalo kanye ngomnyaka, alenzele kanye ngomnyaka indlela yokubuyisana ngegazi lomnikelo wesono wokubuyisana ezizukulwaneni zenu; ngoba lingcwele kakhulu eNkosini.

AmaHebheru 9:25

kungesikho futhi ukuba azinikele kanengi, njengalokhu umpristi omkhulu engena endaweni engcwele iminyaka ngeminyaka, ephethe igazi elingesilo elakhe;

UMatewu 27:51

Iveli lethempeli ladabuka kabili, laqala phezulu laze lafika phansi; umhlaba wazamazama, amadwala aqhekezeka;

2 ImiLando 5:14

baze bahluleka abapristi ukuma, bakhonze khona ngenxa yentuthu; ngoba inkazimulo yeNkosi yagcwala ithempeli.

1 AmaKhosi 8:6

Abapristi basebewungenisa umtshokotsho wesivumelwano seNkosi endaweni yawo endlwaneni engaphakathi kwendlu, eyindawo engcwele kakhulu, bawubeka ngaphansi kwempiko zamakherubi.

AmaHebheru 9:3

Ngasemva kweveli lesibili kwakukhona ithente elibizwa ngokuthi yiNdawo engcwele kakhulu,

AmaNani 17:10

INkosi yathi kuMose: Buyisela induku kaAroni ngaphambi kobufakazi, igcinwe khona, ibe yisibonakaliso kubo abahlamukayo, ukuze bayekele ukungisola, bangafi.

AmaNani 4:19

Kodwa liwaphathe ngalindlela, ukuba aphile, angafi ekusondeleni kwawo ezintweni ezingcwele kakhulu; uAroni lamadodana akhe bazakungena, banike lowo lalowo wawo umsebenzi wakhe lomthwalo wakhe;

ULevi 23:27

Usuku lwetshumi lwenyanga le yesikhombisa luzakuba lusuku lokwenza indlela yokubuyisana, lube yisikhathi senkonzo enkulu; lizakuzithoba, linikele umnikelo owenzelwe iNkosi ngomlilo.

ULevi 16:13

abeke impepha phezu komlilo phambi kweNkosi, ukuze iyezi lempepha lisibekele isihlalo somusa esiphezu kobufakazi, ukuba angafi.

ULevi 8:35

Lizakuhlala ngasemnyango wethente lokuhlangana insuku eziyisikhombisa, emini lasebusuku, lenze izilayezelo zeNkosi ukuba lingafi; ngoba mina ngilayiwe kanjalo.

AmaHebheru 6:19

Lelothemba silalo njengesikhonkwane esiqinileyo somphefumulo, ligxilile, lingena endaweni engcwele engemva kweveli,

AmaHebheru 9:5

phezu kwawo kwakukhona amakherubi enkazimulo engamele isihlalo somusa. Singekhulume kakhulu ngalezizinto khathesinje.

Isambulo 15:8

Ithempeli lagcwala intuthu evela ebukhosini bukaNkulunkulu lasemandleni akhe; kakukho owayengangena ethempelini zingakapheli izifo eziyisikhombisa zezithunywa eziyisikhombisa.

AmaNani 4:5

Lapho kususwa izihonqo, uAroni lamadodana akhe bazakungena, behlise iveli elilikhetheni, basibekele umtshokotsho wobufakazi ngalo,

1 AmaKhosi 6:16

Ngasemsamo waquma indawo eyizingalo ezingamatshumi amabili, wayakhela ngamapulanka omkusu kusukela phansi kwaze kwafika ophahleni, yaba yindlwana engaphakathi okuthiwa yindlu engcwele kakhulu.

ULevi 16:34

Lokhu kuzakuba yisimiso esingelakuphela kini, ukuze indlela yokubuyisana yenzelwe abantu bakoIsrayeli kanye ngomnyaka ngenxa yazo zonke izono zabo. UMose wenzake njengokulaya kweNkosi.

AmaNani 18:7

Wena lamadodana akho lizakwenza imisebenzi yenu yobupristi kukho konke okuqondene lealtare lalokho okungaphakathi kweveli, likhonze. Ngiyalinika ubupristi bube yisipho; kodwa umuntu ongelasikhundla osondelayo uzakubulawa.